India's largestHyperlocal short
news App
Get daily news updates that are tailored for you based on your preferred language & location.
download Way2News app now
News April 28, 2025
இந்தியாவில் வாழ விடுங்கள்: கெஞ்சும் பாக். பெண்!
இந்தியரை திருமணம் செய்து, 2 குழந்தைகளை பெற்று, 35 ஆண்டுகளாக இங்கு வாழ்ந்து வரும் சாரதா பாய், தற்போது அவரது சொந்த நாடான PAK-கிற்கு திரும்ப வேண்டிய கட்டாயம் ஏற்பட்டுள்ளது. காலக்கெடு முடிவதற்குள் நாடு திரும்ப ஒடிஷா போலீசார் அறிவுறுத்தியுள்ளனர். ஆனால், அங்கு தனக்கென யாரும் இல்லை எனவும், தயவுசெய்து குடும்பத்தையும், தன்னையும் பிரித்துவிட வேண்டாம் எனவும் அவர் கெஞ்சியபடி அரசுக்கு கோரிக்கை விடுத்துள்ளார்.
News April 28, 2025
இபிஎஸ்-சை முன்னிறுத்தியே தேர்தலில் போட்டி: வேலுமணி
2026 சட்டப்பேரவைத் தேர்தலில் இபிஎஸ்.சை முன்னிறுத்தியே போட்டி என்று அதிமுக EX அமைச்சர் எஸ்.பி.வேலுமணி தெரிவித்துள்ளார். சென்னையில் அதிமுக அம்மா பேரவை ஆலோசனைக் கூட்டம் நடந்தது. இதில் பேசிய வேலுமணி, தேர்தலில் இபிஎஸ் பெயரை தெரிவித்தே மக்களிடம் வாக்குகள் கோரப்படும் என்று கூறினார். இபிஎஸ்.சா? ஸ்டாலினா? என்றே 2026 தேர்தல் போட்டி களம் இருக்கும் என்றும் எஸ்.பி. வேலுமணி குறிப்பிட்டார்.
News April 28, 2025
16 திங்கட்கிழமை சிவனுக்கு விரதம் இருந்து வழிபட்டால்..
16 திங்கட்கிழமைகளில் சிவனை வழிப்படுவது, மனக்கஷ்டங்கள் நீங்க செய்யும் என்பது நம்பிக்கை. இந்த விரதத்தை மேற்கொள்ள, ஒவ்வொரு திங்கள் காலையிலும் நீராடி, சிவன் பார்வதிக்கு பூஜை செய்யவேண்டும். அன்று ஒரு நாள் உணவிற்கு பதிலாக பழச்சாறுகள், பால், பழம் போன்றவற்றை எடுத்துக்கொள்ளலாம். பூஜைக்கு வில்வ இலைகள், செவ்வரளி மலர்கள், சங்கு பூக்களையும், நைவேத்தியமாக பாயாசம் அல்லது சர்க்கரைப் பொங்கல் வைத்து வழிபடலாம்.
News April 28, 2025
தங்கம் விலை சரிவு இன்றும் நீடிக்குமா?
ஆபரணத் தங்கம் விலை கடந்த 22-ம் தேதி புதிய உச்சம் தாெட்டது. இதையடுத்து 23, 24-ம் தேதிகளில் சவரனுக்கு ரூ.2,280 சரிந்தது. அதன்பிறகு 25, 26, 27 ஆகிய தேதிகளில் தங்கம் விலையில் எந்த மாற்றமும் செய்யப்படவில்லை. நேற்று (27-ம் தேதி) 1 கிராம் ரூ.9,005ஆகவும், 1 சவரன் ரூ.72,040ஆகவும் விற்பனையானது. இன்று இதே விலை நீடிக்குமா? அல்லது மேலும் குறையுமா? இல்லை அதிகரிக்குமா? என்பது காலை 9.30 மணிக்கு தெரிய வரும்.
News April 28, 2025
சைலண்டாக உருவாகும் சீனாவின் கிரிக்கெட் அணி!
2028 ஒலிம்பிக்ஸ் போட்டிகளுக்காக சீனா தனது கிரிக்கெட் அணியை உருவாக்கி வருவதாக AUS முன்னாள் வீரர் ஸ்டீவ் வாக் தெரிவித்துள்ளார். ஒலிம்பிக்ஸில் தங்கப் பதக்கம் வெல்வதையே லட்சியமாகக் கொண்டு அந்த அணி தயாராகி வருவதாகவும் அவர் கூறியுள்ளார். மேலும், T10-ஐயும் சேர்த்து இனி கிரிக்கெட்டில் 4 ஃபார்மெட்கள் இருக்கும் எனவும் கணித்துள்ளார். கடந்த 2023 ஜூலையில் சீனா முதல்முதலாக டி20-யில் மலேசியாவுடன் விளையாடியது.
News April 28, 2025
6வது முறையாக அமைச்சரவை மாற்றம்.. CM சொல்லும் சேதி!
CM ஸ்டாலின் தலைமையிலான அமைச்சரவையில் 6வது முறையாக <<16237354>>அதிரடி மாற்றம்<<>> செய்யப்பட்டுள்ளது. மூத்த தலைவரான பொன்முடி மீது எடுக்கப்பட்டுள்ள இந்த நடவடிக்கை கட்சியில் மற்ற தலைவர்களுக்கான வார்னிங் என்கின்றனர் அரசியல் நோக்கர்கள். ஏற்கனவே அமைச்சரவைக் கூட்டத்தில் பொதுவெளியில் கவனமாகப் பேசுங்கள் என CM அறிவுறுத்தியுள்ளார். இதனால், கட்சியில் மேலும், சிலர் மீது சாட்டை சுழற்றப்பட உள்ளதாம். உங்கள் கருத்து என்ன?
News April 28, 2025
பயத்தில் நாட்டை விட்டு ஓடும் பாக். தளபதிகள்!
பஹல்காம் தாக்குதல் பாகிஸ்தானை கதிகலங்க செய்துள்ளது. இந்தியாவின் பதிலடி குறித்த அச்சத்தில் அந்நாட்டு முக்கிய ராணுவ தளபதிகள் பதவியை ராஜினாமா செய்துவிட்டு வெளிநாடுகளுக்குச் சென்று வருகின்றனர். தலைமை தளபதி ஆசிம் முனிர் எங்கே இருக்கிறார் என்றே தெரியாத நிலையில், தளபதிகளின் ராஜினாமா குறித்த லெப்டினண்ட் ஜெனரல் உமர் அகமத்தின் கடிதம் வைரலாகி வருகிறது. இது தொடர்பாக பாக். அரசு எந்த விளக்கமும் அளிக்கவில்லை.
News April 28, 2025
பொன்முடி அவுட்…விழுப்புரம் திமுக பரபர
சர்ச்சை பேச்சுக்காக கட்சிப் பதவியை இழந்த பொன்முடி, தற்போது அமைச்சரவையில் இருந்தும் விலகியிருப்பது, அவருக்கு பின்னடைவை ஏற்படுத்தியுள்ளது. அடுத்தடுத்து அவர் பதவிகளை இழந்திருப்பது, விழுப்புரம் மாவட்ட திமுகவில் அவருடைய எதிர்த்தரப்பான செஞ்சி மஸ்தான், லட்சுமணன் கோஷ்டியினரின் கையை ஓங்கச் செய்துள்ளது. மாவட்டம் 3-ஆக பிரிக்கப்பட்டதில் இருந்தே பொன்முடி அதிருப்தியில் இருந்துவந்தது குறிப்பிடத்தக்கது.
News April 28, 2025
சம்மரில் சர்க்கரை நோயாளிகள் இதை குடிக்கலாம்!
சம்மரில் வெப்பத்தை குறைக்கவும், ரத்த குளுக்கோஸ் அளவை கட்டுக்குள் வைக்கவும் சர்க்கரை நோயாளிகள் கீழ்காணும் பானங்களை பருகலாம். மசாலா மோர் செரிமானத்தை ஊக்குவிக்கவும், உடலை நீரேற்றமாக வைத்திருக்கவும் உதவுகிறது. பொட்டாசியம், எலக்ட்ரோலைட்களின் சிறந்த மூலமான தேங்காய் நீரை பருகலாம். நெல்லிக்காய் சாரில் வைட்டமின் சி, ஆக்ஸிஜனேற்றிகள் நிறைந்துள்ளது. வெள்ளரிக்காய் – புதினா டிடாக்ஸ் நீரையும் பருகலாம்.
News April 28, 2025
மோசமான ஃபார்ம் குறித்து பண்ட் விளக்கம்
நடப்பு ஐபிஎல் சீசனில் மோசமான ஃபார்ம் குறித்த கேள்விக்கு, இது பற்றி அதிகமாக யோசிக்கவில்லை என LSG கேப்டன் ரிஷப் பண்ட் தெரிவித்துள்ளார். இதுபோன்ற ஒரு சீசனில், நமக்கு சாதகமாக நடக்காதபோது, ஒரு வீரராக நம் மீது கேள்வி எழுவது உண்மைதான், ஆனால் அதை பற்றி மட்டும் தீவிரமாக யோசிக்க கூடாது எனவும், இது ஒரு டீம் விளையாட்டு என்பதால், தனி வீரர்களை மட்டுமே எப்போதும் நம்ப முடியாது எனவும் அவர் கூறியுள்ளார்.
Featured News
Sorry, no posts matched your criteria.