News October 28, 2025

நாட்டில் 22 போலி பல்கலைக்கழகங்கள்

நாடு முழுவதும் 22 போலி பல்கலைக்கழகங்கள் செயல்படுவதாக UGC அறிவித்துள்ளது. இந்த பட்டியலில், 10 பல்கலை.,களுடன் டெல்லி முதலிடத்தில் உள்ளது. அதற்கு அடுத்தபடியாக உ.பி.யில் 4, ஆந்திராவில் 2, மேற்கு வங்கத்தில் 2, கேரளாவில் 2, மகாராஷ்டிரா, புதுச்சேரியில் தலா ஒரு பல்கலைக்கழகங்கள் செயல்படுவதாக தெரிவித்துள்ளது. மேற்கூறிய கல்வி நிறுவனங்களில் வழங்கப்படும் பட்டங்கள் அங்கீகரிக்கப்படாது என்றும் அறிவித்துள்ளது.

News October 28, 2025

Sports Roundup: ரஞ்சியில் களமிறங்கும் ஜெய்ஸ்வால்

*புரோ கபடியில் பாட்னா பைரேட்ஸ் 46-37 என்ற புள்ளிகள் கணக்கில் பெங்களூரு புல்ஸை வீழ்த்தி எலிமினேட்டர் சுற்றுக்கு முன்னேற்றம். *வங்கதேசத்திற்கு எதிரான முதல் டி20-ல் வெஸ்ட் இண்டீஸ் 16 ரன்கள் வித்தியாசத்தில் வெற்றி. *ஆசிய யூத் கேம்ஸ் மகளிர் ஹேண்ட்பாலில், இந்தியா 33-17 என்ற புள்ளிகள் கணக்கில் ஹாங்காங்கை வீழ்த்தியது. *ராஜஸ்தானுக்கு எதிரான ரஞ்சி போட்டியில், யஷஸ்வி ஜெய்ஸ்வால் விளையாடுவார் என தகவல்.

News October 28, 2025

என் படங்களில் இளையராஜா பாடல் இருக்காது: NKP

நான் இசையமைக்கும் படங்களில் இளையராஜா உள்ளிட்ட பிற இசையமைப்பாளர்களின் பாடல்களை பயன்படுத்த அனுமதிக்க மாட்டேன் என நிவாஸ் கே பிரசன்னா தெரிவித்துள்ளார். ‘பைசன்’ படத்தின் ‘சீனிக்கல்லு’ பாடலுக்கு பதிலாக ‘மலர்ந்தும் மலராத’ பாடலை மாரி செல்வராஜ் வைக்க இருந்தாா். தன்னை வைத்து கொண்டு இன்னொருவர் பாடலை போடலாமா என கோபமடைந்து, அடுத்த 10 நிமிடத்தில் போட்ட டியூன் தான் ‘சீனிக்கல்’ என்று அவர் நினைவுகூர்ந்துள்ளார்.

News October 28, 2025

பள்ளிக்கரணை விவகாரம்.. TN அரசுக்கு நயினார் எச்சரிக்கை

பள்ளிக்கரணை சதுப்பு நிலப்பகுதியில் அடுக்குமாடி கட்டுவதற்கு வழங்கிய அனுமதியை TN அரசு ரத்து செய்ய வேண்டும் என நயினார் நாகேந்திரன் வலியுறுத்தியுள்ளார். வனத்துறை, CMDA உள்ளிட்ட அரசுத் துறைகள், சட்டத்தை மீறி அனுமதி தந்துள்ளதாக அவர் குற்றஞ்சாட்டியுள்ளார். இதுதொடர்பாக மத்திய சுற்றுச்சூழல் அமைச்சரை, தமிழக பாஜக சந்தித்து சட்ட நடவடிக்கைகளை எடுக்கும் என்றும் போராட்டம் நடத்தும் எனவும் அவர் எச்சரித்துள்ளார்.