India's largestHyperlocal short
news App
Get daily news updates that are tailored for you based on your preferred language & location.
download Way2News app now
News April 18, 2025
UGC நெட் தேர்வு அறிவிப்பு
யுஜிசி நெட் தேர்வு அறிவிக்கப்பட்டுள்ளது. கல்லூரிகளில் உதவி பேராசிரியர், JRF, PhD சேர்க்கை ஆகியவற்றுக்கான தகுதித் தேர்வான இது வருடத்திற்கு இருமுறை (ஜூன், டிசம்பர்) மாதத்தில் நடத்தப்படுகிறது. அந்த வகையில், ஜூன் 2025 தேர்விற்கான அறிவிப்பு வெளியாகியுள்ளது. அதன்படி, மே 7-ம் தேதி வரை <
News April 18, 2025
மகளிர் உரிமைத்தொகை ₹1000.. வெளியான புது அப்டேட்
‘கலைஞர் மகளிர் உரிமைத்தொகை’ திட்ட விரிவாக்க அறிவிப்பு அடுத்த மாதம் வெளியாக உள்ளதாகத் தகவல் வெளியாகியுள்ளது. நேற்றைய அமைச்சரவைக் கூட்டத்தில் இதுகுறித்து ஆலோசிக்கப்பட்டுள்ளது. இதனிடையே, புதிதாக விண்ணப்பிக்கும் நபர்கள் இ-சேவை மையங்களிலும், ஏற்கனவே விண்ணப்பித்து நிராகரிக்கப்பட்டவர்கள் சம்பந்தப்பட்ட வட்டாட்சியர் அலுவலகத்திற்கு நேரில் சென்றும் விண்ணப்பிக்க வேண்டும் என்ற தகவல் வெளியாகியுள்ளது.
News April 18, 2025
மாமல்லபுரத்தை இன்று இலவசமாக சுற்றிப் பார்க்கலாம்
உலக பாரம்பரிய தினத்தையொட்டி இன்று (ஏப்.18) மாமல்லபுரத்தை சுற்றுலாப் பயணிகள் இலவசமாக சுற்றிப் பார்க்கலாம். உள்நாட்டினர் மற்றும் வெளிநாட்டினர் காலை 6 மணி முதல் மாலை 6 மணி வரை புராதன சின்னங்களை எவ்வித கட்டணமுமின்றி சுற்றிப் பார்க்கலாம் என தொல்லியல் துறை அறிவித்துள்ளது. பள்ளிகளுக்கு கோடை விடுமுறை தொடங்கியதால் பலரும் சுற்றுலாத் தலங்களுக்கு படையெடுத்து வருகின்றனர். மற்றவர்களுக்கும் ஷேர் பண்ணுங்க..
News April 18, 2025
விஜய் வருகையால் திமுக, அதிமுகவுக்கு பெரும் சவால்?
2021-ல் ஸ்டாலின் தலைமையில் திமுக மீண்டும் ஆட்சிக்கு வந்தது. 234 இடங்களில் திமுக + 159 இடங்களைப் பிடித்தது. திமுக (37.7%) மட்டும் தனித்து 125 இடங்களை கைப்பற்றியது. அதிமுக + 75 இடங்களை வென்றது. இதில் அதிமுக மட்டும் (33.29%) 65 இடங்களை பெற்றது. இரு கட்சிகளுக்கும் இடையிலான வாக்கு சதவீத வேறுபாடு 5% கூட இல்லை. தற்போது விஜய் வருகையால், 2026 தேர்தல் போட்டி இன்னும் கடுமையாக இருக்கும் என கூறப்படுகிறது.
News April 18, 2025
10 முக்கிய கோயில்களில் கட்டண தரிசனம் ரத்து
தமிழகத்தில் 10 முக்கிய கோயில்களில் கட்டண தரிசனம் ரத்து செய்யப்பட்டுள்ளது. பெளர்ணமி தோறும் திருவண்ணாமலையில் திரளான பக்தர்கள் குவிந்து வருவதால், அந்நாளில் கட்டண தரிசனம் ரத்து செய்யப்படுகிறது. இந்து சமய அறநிலையத்துறை மானிய கோரிக்கைகள் மீதான விவாதத்தின்போது அமைச்சர் சேகர்பாபு இதனை அறிவித்தார். திருவிழாக்களின் போது பழநி, ஸ்ரீரங்கம் உள்ளிட்ட 10 கோயில்களிலும் கட்டண தரிசனம் ரத்து செய்யப்படுகிறது.
News April 18, 2025
சிலியில் 5.7 ரிக்டர் அளவில் நிலநடுக்கம்
சிலியின் வடக்குப் பகுதியில் திடீரென நிலநடுக்கம் ஏற்பட்டது. பூமிக்கு கீழே 178 கி.மீ ஆழத்தில் ஏற்பட்ட இந்த நிலநடுக்கம் ரிக்டர் அளவில் 5.7 ஆக பதிவானது. வீடுகள், கட்டடங்கள் லேசாக குலுங்கியதால், பொதுமக்கள் அச்சமடைந்தனர். சமீப காலமாக உலகத்தின் பல்வேறு பகுதிகளில் தினசரி நிலநடுக்கம் பதிவாகி வருகிறது. குறிப்பாக ஆசிய கண்டத்தில் அதிகமாக நிலநடுக்கம் ஏற்படுவது மக்களை கவலையில் ஆழ்த்தியுள்ளது.
News April 18, 2025
வெள்ளிக்கிழமையில் அருள் தரும் அம்பாள் மந்திரம்..!
அம்பாளுக்கு வெள்ளிக்கிழமை உகந்த நாளாக கருதப்படுகிறது. இன்றைய தினம், குடும்பத்தில் உள்ள கஷ்டங்கள் நீங்க இந்த அம்பாள் மந்திரத்தை சொல்லுங்க.
ஆத்தாளை, எங்கள் அபிராம வல்லியை, அண்டம் எல்லாம் பூத்தாளை, மாதுளம் பூ நிறத்தாளை, புவி அடங்கக் காத்தாளை, ஐங்கணைப் பாசங்குசமும் கரும்புவில்லும் சேர்த்தாளை, முக்கண்ணியைத், தொழுவார்க்கு ஒரு தீங்கு இல்லையே!
News April 18, 2025
சீனாவை மீண்டும் சீண்டும் டிரம்ப்!
அமெரிக்கா – சீனாவுக்கு இடையே வர்த்தகப் போர் உச்சத்தை எட்டியுள்ளது. 245% அளவுக்கு வரியை விதித்ததால், ஆவேசத்தில் உள்ள சீனா, இனி அமெரிக்காவை கண்டுகொள்ளப் போவதில்லை என தெரிவித்திருக்கிறது. இந்நிலையில், சீன அதிகாரிகள் தன்னை சந்திக்க விரும்புவதாக அதிபர் டிரம்ப் தெரிவித்துள்ளார். மெக்சிகோ, ஜப்பான், இத்தாலி நாடுகளை போல சீனாவும் வரி ஒப்பந்தம் குறித்து தன்னிடம் பேச விரும்புகிறது என கூறியுள்ளார்.
News April 18, 2025
அதிமுகவில் இருந்து அடுத்தடுத்து விலகல்
பாஜக உடன் திடீர் திருப்பமாக அதிமுக கூட்டணி அமைத்துள்ளது. இதனால், அக்கட்சியில் உள்ள இஸ்லாமியர்கள் கடும் அதிருப்தி அடைந்துள்ளனர். குறிப்பாக, முன்னாள் MLA உள்பட பலர் கட்சியில் இருந்து விலகினர். இந்நிலையில், இஸ்லாமியர்களை பழிவாங்கும் பாஜகவுடன் கூட்டணி அமைத்தற்காக, 53 ஆண்டுகள் கால கட்சிப் பணியில் இருந்து விலகுவதாக பக்கீர் மைதீன் என்பவர், அதிமுக தலைமைக்கு எழுதிய கடிதம் வைரலாகிறது.
News April 18, 2025
காஸாவில் மீண்டும் தாக்குதல்.. 23 பேர் பலி
போர் நிறுத்த ஒப்பந்தம் காலாவதியான நிலையில், காஸா மீது இஸ்ரேல் மீண்டும் தாக்குதலை தீவிரப்படுத்தியுள்ளது. பணய கைதிகளை மீட்கவும், ஆயுதக்குழுவினரை முழுமையாக ஒழிக்கும் நோக்கிலும், இஸ்ரேல் தொடர்ந்து தரைவழி, வான்வழி தாக்குதலை நடத்தி வருகிறது. இந்நிலையில், காஸாவின் கான் யூனுஸ் பகுதியில் நடத்தப்பட்ட தாக்குதலில், ஒரே குடும்பத்தை சேர்ந்த 10 பேர் உள்பட 23 பேர் உயிரிழந்துள்ளனர்.
Featured News
Sorry, no posts matched your criteria.