India's largestHyperlocal short
news App
Get daily news updates that are tailored for you based on your preferred language & location.
download Way2News app now
News March 16, 2024
தேர்தலில் பயன்படுத்தப்படும் 55 லட்சம் EVM இயந்திரங்கள்
மக்களவைத் தேர்தலில் 55 லட்சம் மின்னணு வாக்குப்பதிவு இயந்திரங்கள் (EVM) பயன்படுத்தப்படவுள்ளன. இந்திய தலைமைத் தேர்தல் ஆணையர் ராஜீவ்குமார் செய்தியாளர்களுக்கு அளித்த பேட்டியில், ” 10.5 லட்சம் வாக்குச்சாவடிகள் அமைக்கப்படுகின்றன. 1.5 கோடி தேர்தல் அதிகாரிகள், பாதுகாப்பு ஊழியர்கள் பணியில் ஈடுபடுகின்றனர். 55 லட்சம் இவிஎம் இயந்திரங்கள், 4 லட்சம் வாகனங்கள் பயன்படுத்தப்படுகின்றன” என்றார்.
News March 16, 2024
தமிழ்நாட்டின் தலைவிதியை தீர்மானிக்கும் 6.19 கோடி பேர்
வரும் நாடாளுமன்ற தேர்தலில் தமிழ்நாட்டில் 6.19 கோடி வாக்காளர்கள் வாக்களிக்க உள்ளனர். இதில் ஆண் வாக்காளர்கள் 3.04 கோடி பேரும், பெண்கள் வாக்காளர்கள் 3.15 கோடி பேரும், மூன்றாம் பாலினத்தவர் 8,294 பேரும் வாக்களிக்க உள்ளனர். 22 -29 வயதுடைய வாக்காளர்கள் 1.08 கோடி பேர். குறிப்பாக வரும் நாடாளுமன்றத் தேர்தலில் இளம் வாக்காளர்கள் தான் வெற்றியை தீர்மானிக்கும் சக்தியாக இருப்பார்கள் எனக் கூறப்படுகிறது.
News March 16, 2024
சீர்மரபினர் வகுப்பினர்களுக்கு இனி ஒரே சான்றிதழ்
சீர்மரபினர் வகுப்பினர்களுக்கு ஒரே சான்றிதழ் வழங்க முதல்வர் ஸ்டாலின் உத்தரவிட்டுள்ளார். இதுகுறித்து தமிழ்நாடு அரசு வெளியிட்டுள்ள அறிவிப்பில், “சீர்மரபினர் வகுப்பினர்களுக்கு Denotified Communities, Denotified Tribes என 2 சான்றிதழ்கள் வழங்கப்பட்டு வந்தன. அவற்றை பெறுவதில் நடைமுறையில் சிரமம் இருப்பதாக கூறப்பட்டதை ஆய்வு செய்து, ஒரே சான்றிதழ் வழங்க முதல்வர் உத்தரவிட்டுள்ளார்” எனக் கூறப்பட்டுள்ளது.
News March 16, 2024
96.88 கோடி பேரின் கையில் இந்திய ஜனநாயகம்
வரும் நாடாளுமன்றத் தேர்தலில் நாடு முழுவதும் 96.88 கோடி பேர் வாக்களிக்க உள்ளனர். கடந்த 2019 தேர்தலை விட வரும் நாடாளுமன்றத் தேர்தலில் 6% வாக்காளர்கள் அதிகம். ஆண் வாக்காளர்கள் 49.7 கோடி, பெண் வாக்காளர்கள் 47.1 கோடி, மூன்றாம் பாலினத்தவர் 48,044 பேர். மாற்றுத்திறனாளிகள் 88.35 லட்சம் பேர், புதிய வாக்காளர்கள் 2.63 கோடி.
News March 16, 2024
தகுதி நீக்கம் செய்யப்பட்ட 27 வேட்பாளர்கள்
தமிழகத்தில் மக்களவை & சட்டசபை தேர்தலில் போட்டியிட்டு தகுதி நீக்கம் செய்யப்பட்ட 27 வேட்பாளர்களின் பட்டியலை ECI வெளியிட்டுள்ளது. அதிமுக(1), மநீம(2) ஆகிய இரு கட்சிகளைச் சேர்ந்தவர்கள் உள்பட 27 பேரின் பெயர்கள் இதில் இடம்பிடித்துள்ளது. மக்கள் பிரதிநிதித்துவ சட்டப்படி, தேர்தல் முடிவு அறிவிக்கப்பட்ட 30 நாள்களுக்குள் செலவு கணக்கை தாக்கல் செய்யாத இவர்கள் அடுத்த 3 ஆண்டுகளுக்கு தேர்தலில் போட்டியிட முடியாது
News March 16, 2024
ஜி.வி. பிரகாஷை இயக்கும் அனுராக் காஷ்யப்
தமிழிலில் ஜி.வி. பிரகாஷை வைத்து புதிய படத்தை இந்தி இயக்குனர் அனுராக் காஷ்யப் இயக்கவுள்ளார். கேங் ஆப் வாசிப்பூர் உள்பட இந்தியில் பல படங்களை எடுத்துள்ள அவர், தமிழில் இமைக்கா நொடிகள் படத்தில் வில்லனாகவும், விஜய்யின் லியோ படத்தில் சிறிய பாத்திரத்திலும் நடித்திருந்தார். தற்போது அவர், பான் இந்தியா அளவில் ஜி.வி. பிரகாஷை வைத்து படமெடுக்க இருக்கிறார். மே மாதம் படப்பிடிப்பு துவங்கவுள்ளது.
News March 16, 2024
அதிமுக-பாமக கூட்டணி?
அதிமுக கூட்டணியில் பாமகவுக்கு ஸ்ரீபெரும்புதூர் உள்ளிட்ட 7 மக்களவைத் தொகுதிகள், ஒரு மாநிலங்களவை பதவி வழங்க உள்ளதாக தகவல் வெளியாகியுள்ளது. தேர்தல் தேதி சற்று நேரத்தில் அறிவிக்கப்பட உள்ள நிலையில் பாமகவை தங்கள் கூட்டணி பக்கம் இழுக்க அதிமுக தீவிரம் காட்டி வருகிறது. இந்த நிலையில் பாமக நிறுவனர் ராமதாஸை சந்தித்த சி.வி.சண்முகம், விருப்ப தொகுதிகளை தர தயாராக இருப்பதாக கூறியதாக தகவல்கள் தெரிவிக்கின்றன.
News March 16, 2024
சற்று நேரத்தில் அறிவிப்பு
நாடே எதிர்பார்த்து காத்திருக்கும் தேர்தல் தேதி தொடர்பான அறிவிப்பு இன்னும் சற்று நேரத்தில் (3 மணி) வெளியாக இருக்கிறது. தலைமை தேர்தல் ஆணையர் ராஜீவ் குமார் டெல்லியில் நடைபெறும் செய்தியாளர்கள் சந்திப்பில் தேதிகளை வெளியிட இருக்கிறார். வேட்புமனு தாக்கல், வாக்குப் பதிவு மற்றும் வாக்கு எண்ணும் தேதிகள் எதிர்பார்ப்பை தூண்டியிருக்கின்றன. உலகின் மாபெரும் தேர்தலுக்கு தயாரா மக்களே?
News March 16, 2024
இரட்டை இலை சின்னம் முடக்கப்படுமா?
அதிமுகவின் சின்னமான இரட்டை இலை மக்களவைத் தேர்தலின் போது முடக்கப்பட்டு விடுமோ? என்கிற அச்சம் அக்கட்சியினர் மத்தியில் எழுந்துள்ளது. ஓபிஎஸ் & இபிஎஸ் ஆகிய இருதரப்பும் தேர்தல் ஆணையத்தில், சின்னம் தொடர்பாக இதுவரை எந்த ஆவணத்தையும் சமர்ப்பிக்கவில்லை என்று அறிய முடிகிறது. அதிமுக பொதுக்குழு வழக்கு உச்ச நீதிமன்றத்தில் நிலுவையில் உள்ள சூழலில், ஆணையம் எந்த முடிவையும் எடுக்கவில்லை என்பது கவனிக்கத்தக்கது.
News March 16, 2024
ரூ.20,000 கோடி சொத்து வைத்திருக்கும் கிரிக்கெட் வீரர்
ரஞ்சிக் கோப்பையில் விளையாடிய பரோடா அணி முன்னாள் வீரரான சமர்ஜித்சிங் கெய்க்வாட், ரூ.20,000 கோடி சொத்துகளுக்கு அதிபதி ஆவார். பரோடா சமஸ்தான மன்னரான ரஞ்சித்சிங் கெய்க்வாட்டின் மகனான இவர்,1987-89 வரை துவக்க வீரராக விளையாடியதோடு, அதன்பிறகு பரோடா கிரிக்கெட் சங்கத் தலைவராகவும் இருந்துள்ளார். தந்தையின் மறைவுக்கு பிறகு, 2012ல் மன்னராக பதவியேற்றதன்மூலம், ரூ.20,000 கோடி சொத்துகளுக்கு அதிபதியானார்.
Featured News
Sorry, no posts matched your criteria.