India's largestHyperlocal short
news App
Get daily news updates that are tailored for you based on your preferred language & location.
download Way2News app now
News March 16, 2024
2 தொகுதிகளை மாற்றுகிறது திமுக
திமுக கூட்டணியில் காங்., கட்சிக்கு புதுச்சேரி உட்பட 10 இடங்கள் ஒதுக்கீடு செய்யப்பட்டுள்ளது. காங்கிரசுக்கு எந்தெந்த தொகுதி என்பது குறித்த அதிகாரப்பூர்வ அறிவிப்பு இன்று மாலை வெளியாகும் என எதிர்பார்க்கப்படுகிறது. குமரி, விருதுநகர், ஆரணி, தேனி, சிவகங்கை, கிருஷ்ணகிரி, திருவள்ளூரில் போட்டியிட வாய்ப்புள்ளது. திருச்சிக்கு பதிலாக மயிலாடுதுறை, கரூருக்கு பதிலாக ஈரோடு தொகுதிகள் ஒதுக்கப்பட வாய்ப்புள்ளது.
News March 16, 2024
“மநீமவில் இருந்து விலகுகிறேன்”
மநீமவில் இருந்து விலகுவதாக அக்கட்சியின் மாநில பரப்புரை செயலாளர் டாக்டர் அனுஷா ரவி அறிவித்துள்ளார். கமலுக்கு அவர் எழுதியுள்ள கடிதத்தில், மநீமவில் 3 ஆண்டுகள் பயணம் செய்ததில் மகிழ்ச்சி; இருப்பினும் தேர்தல் அரசியலில் மநீம பங்கேற்காமல் இருப்பதில் எனக்கு உடன்பாடு இல்லை. இதனால், கட்சியின் அடிப்படை உறுப்பினர் உள்ளிட்ட அனைத்து பொறுப்புகளில் இருந்து ராஜினாமா செய்கிறேன் என வேதனையுடன் குறிப்பிட்டுள்ளார்.
News March 16, 2024
திமுக ஸ்டார் வேட்பாளர்களை வீழ்த்த திட்டமிடும் பாஜக
தமிழ்நாட்டில் திமுக கூட்டணியை எதிர்த்து போட்டியிட திரை நட்சத்திரங்களுக்கு பாஜக வாய்ப்பு வழங்கலாம் என தகவல் வெளியாகியுள்ளது. தென்னிந்தியாவில் குறிப்பாக தமிழகத்தில் கணிசமானத் தொகுதிகளை பெற வேண்டும் என்றும் திமுகவின் ஸ்டார் வேட்பாளர்களான கனிமொழி, தயாநிதி மாறன் ஆகியோரை வீழ்த்த வேண்டும் என்றும் பாஜக தேசிய தலைமை விரும்புகிறது. இதற்காக ராதிகா, குஷ்பு போன்ற திரைப் பிரபலங்களை களமிறக்க முயற்சிக்கிறது.
News March 16, 2024
தமிழகத்தில் 7,906 தொழிற்சாலைகள் மூடல்
இந்தியாவிலேயே அதிக எண்ணிக்கையிலான (39,512) தொழிற்சாலைகளைக் கொண்ட மாநிலமாக தமிழ்நாடு திகழ்கிறது என்று மத்திய அரசு தகவல் தெரிவித்துள்ளது. அதன் தொழில்துறை சார்ந்த ஆய்வறிக்கையில் , “2022 நிதியாண்டில், நாட்டின் தொழில்துறை உற்பத்தியில், தமிழகம் (3ஆவது இடம்) ₹ 11.6 லட்சம் கோடி பங்களித்தது. அதே நேரம் அதிகளவு (7,906) தொழிற்சாலைகள் மூடப்படும் மாநிலமாகவும் தமிழகம் உள்ளது” எனக் கூறப்பட்டுள்ளது.
News March 16, 2024
ELECTORAL BONDS : உண்மையை வெளியிட்ட பத்திரிகையாளர்
எஸ்.பி.ஐ., வங்கி வெளியிட்ட தேர்தல் பத்திரம் தொடர்பான விவரங்கள் நாட்டின் அரசியலில் பெரும் அதிர்வலைகளை ஏற்படுத்தியுள்ளது. ED சோதனை நடந்த பெரிய நிறுவனங்கள், பல ஆயிரம் கோடி ரூபாய் நன்கொடையாக கட்சிகளுக்கு வழங்கியது அம்பலமாகியுள்ளது. இந்த உண்மை வெளியாக காரணமாக இருந்த பத்திரிகையாளர் பூனம் அகர்வால். இதழியல் துறையில் புலிட்சர் விருதுப் பெற்ற அவரை சமூக வலைத்தளங்களில் நெட்டிசன்கள் பாராட்டி வருகின்றனர்.
News March 16, 2024
“இப்பவும் நான் தான் ஒருங்கிணைப்பாளர்”
அதிமுக ஒருங்கிணைப்பாளராக 2025 டிச.26 வரை தொடர்வதற்கு தமக்கு அதிகாரம் உள்ளது. 2022 ஜூன் 28ஆம் தேதி இணை ஒருங்கிணைப்பாளர் பதவியில் இருந்து பழனிசாமி விலகிவிட்டார். எனவே, வழக்கு நிலுவையில் இருப்பதால், நாடாளுமன்றத் தேர்தலில் இரட்டை இலை சின்னத்தை ஒருங்கிணைப்பாளரான தான் பயன்படுத்த அனுமதிக்க வேண்டும் என ஓபிஎஸ் கோரியுள்ளார். இரட்டை இலை சின்னம் தொடர்பான வழக்கில் நாளை மறுநாள் தீர்ப்பு வரவுள்ளது.
News March 16, 2024
BREAKING: “இரட்டை இலை” சின்னம்.. புதிய சிக்கல்
வரும் நாடாளுமன்றத் தேர்தலில் இரட்டை இலை சின்னத்தை பயன்படுத்த அனுமதி கோரி, தலைமைத் தேர்தல் ஆணையருக்கு ஓபிஎஸ் கடிதம் எழுதியுள்ளார். கட்சியின் ஒருங்கிணைப்பாளர் என்ற அடிப்படையில் இரட்டை இலை சின்னத்தை தங்களுக்கு ஒதுக்கவும், படிவம் ஏ மற்றும் பி -இல் கையெழுத்திடும் அதிகாரத்தை வழங்குமாறும் கோரிக்கை விடுத்துள்ளார். இது இபிஎஸ்-க்கு புதிய தலைவலியாக அமைந்துள்ளது.
News March 16, 2024
அடுத்த ஆண்டு சென்னையில் செம்மொழி மாநாடு
சென்னையில் 2025 ஜூன் மாதம் 2ஆம் உலகத் தமிழ்ச் செம்மொழி மாநாடு நடத்தப்படும் என்று முதல்வர் ஸ்டாலின் அறிவித்துள்ளார். இது தொடர்பாக பேசிய அவர், “இயல், இசை, நாடகம் என முத்தமிழுடன் கணினித் தமிழும் இணைந்து நற்றமிழாக திகழ்கிறது. தமிழ் மொழிக்கு செம்மொழி தகுதி பெற்றுத் தந்து நூற்றாண்டு கனவை நனவாக்கியவர் கலைஞர். அவரது வழியில் சென்னையில் 5 நாள்கள் சீரோடும் சிறப்போடும் நடத்தப்படும்” எனக் கூறினார்.
News March 16, 2024
இரும்பு பெட்டியில் தபால் வாக்கு
*தபால் வாக்கு சீட்டுகளில் வேட்பாளர் பெயர், சின்னம், வரிசை எண் சரியாக அச்சடிக்கப்பட்டிருப்பதை உறுதி செய்ய வேண்டும்.
*அச்சகத்தில் இருந்து காவல்துறை பாதுகாப்புடன் தபால் வாக்கு சீட்டுகளை கொண்டு செல்ல வேண்டும். *வாக்குச் சீட்டுகள் அனைத்தும் இரும்பு பெட்டியில் வைக்கப்பட்டு, தனி அறையில் பாதுகாப்பாக வைத்திருக்க வேண்டும் என்று உத்தரவிடப்பட்டுள்ளது.
News March 16, 2024
வேட்பாளர்கள் ஏஜெண்டுகளை நியமிக்கலாம்
மக்களவைத் தேர்தலையொட்டி, தபால் வாக்குச் சீட்டுகளை அச்சடிக்கும் மையங்களுக்கு தடையின்றி மின்சாரம் வழங்க வேண்டும். தபால் வாக்குச் சீட்டுகளை அச்சடிக்கும் பணியை கண்காணிக்க வேட்பாளர்கள் தங்களின் ஏஜெண்டுகளை நியமிக்கலாம். ஒரு பண்டலுக்கு 50 வாக்குச் சீட்டுகள் என்ற அடைப்படையில் கட்டிவைத்து அடையாள எண்களை இட வேண்டும் என்று உத்தரவிடப்பட்டுள்ளது.
Featured News
Sorry, no posts matched your criteria.