News March 16, 2024

இன்று முதல் அமலுக்கு வந்த தேர்தல் நடத்தை விதிகள் (1)

2024 மக்களவைத் தேர்தல் தேதி இன்று பிற்பகல் 3 மணி அளவில் இந்திய தேர்தல் ஆணையத்தால் அறிவிக்கப்பட்டுள்ளது. இதனையடுத்து இன்று முதல் தேர்தல் நடத்தை விதிமுறைகள் அமலுக்கு . அதன்படி, 1. மத்திய, மாநில அரசுகளால் புதிய திட்டங்களை செயல்பாட்டுக்கு கொண்டு வர முடியாது. 2. புதிய அறிவிப்புகளை வெளியிட முடியாது. 3. அனுமதி பெறாமல் கட்சி கொடி, பேனர்களை வீடுகளுக்கு முன் வைக்க முடியாது.

News March 16, 2024

முதல்கட்ட தேர்தலில் தமிழ்நாடு

நாடாளுமன்றத் தேர்தல் 7 கட்டங்களாக நடைபெறும் என இந்திய தலைமை தேர்தல் ஆணையர் ராஜீவ் குமார் அறிவித்துள்ளார். டெல்லியில் செய்தியாளர்களை சந்தித்து வரும் அவர், தேர்தல் தொடர்பான அறிவிப்புகளை வெளியிட்டு வருகிறார். அதில், முதல்கட்டமாக நடத்தப்படும் மக்களவைத் தேர்தலில் தமிழகத்திலும் தேர்தல் நடைபெறும் என அறிவித்துள்ளார். இதன்மூலம் தமிழகத்தில் முன்னதாகவே தேர்தல் முடிந்துவிடும்.

News March 16, 2024

BREAKING: வாக்கு எண்ணிக்கை தேதி அறிவிப்பு

நாடு முழுவதும் நடைபெறும் மக்களவைத் தேர்தலுக்கான வாக்கு எண்ணிக்கை ஜூன் 4ஆம் தேதி நடைபெறும் என்று தேர்தல் ஆணையம் அறிவித்துள்ளது.

வேட்புமனு தாக்கல் தொடக்கம் – மார்ச் 20,
வேட்புமனு தாக்கல் நிறைவு – மார்ச் 27,
வேட்புமனு பரிசீலனை – மார்ச் 28,
திரும்பப் பெற கடைசி தேதி – மார்ச் 30,
வாக்குப் பதிவு – ஏப்ரல் 19,
வாக்கு எண்ணிக்கை – ஜூன் 4.

News March 16, 2024

BIG BREAKING: தேர்தல் தேதி அறிவிக்கப்பட்டது

2024ஆம் ஆண்டுக்கான மக்களவை தேர்தல் தேதி அறிவிக்கப்பட்டுள்ளது. தமிழ்நாட்டில் ஏப்ரல் 19ஆம் தேதி ஒரே கட்டமாக தேர்தல் நடைபெறும் என்று அறிவிக்கப்பட்டுள்ளது. கூடுதல் தகவல்களை உடனுக்குடன் பெற Way2News செயலியுடன் இணைந்திருங்கள்.

News March 16, 2024

சலுகைகள் மறு உத்தரவு வரும் வரை நிறுத்தப்படும்

தேர்தல் நடத்தை விதிகள் இன்று முதல் அமலுக்கு வந்துள்ளது. இதன் காரணமாக தமிழ்நாடு முழுவதும் ஆட்சியர் அலுவலகங்களில் (திங்கள்கிழமை தோறும்) நடக்கும் மக்கள் குறைதீர்க்கும் கூட்டங்கள் நடைபெறாது. தனிநபர்களுக்கு அரசால் வழங்கப்படும் சலுகைகள், தேர்தல் முடிந்து மறு உத்தரவு வரும் வரை நிறுத்தப்படும். அத்துடன் விவசாயிகள், மீனவர் கோரிக்கை தினக் கூட்டங்கள் தேர்தல் விதிகள் அமலில் இருக்கும் வரை நடைபெறாது.

News March 16, 2024

தேர்தல் நடத்தை விதிகள் அமலுக்கு வந்தன

நாடு முழுவதும் தேர்தல் நடத்தை விதிகள் இன்று முதல் அமலுக்கு வந்துள்ளன. மக்களவைத் தேர்தல் அட்டவணையை தேர்தல் ஆணையர்கள் இன்று டெல்லியில் வெளியிட்டனர். இதையடுத்து தேர்தல் நடத்தை விதிகள் அமலுக்கு வந்துள்ளன. இதனால், அனைத்து பகுதிகளிலும் தேர்தல் பறக்கும் படையினர் தீவிர கண்காணிப்பில் ஈடுபடவுள்ளனர். சந்தேகப்படும்படியான வாகனங்கள், இடங்களில் சோதனை நடத்த அவர்களுக்கு அளிக்கப்பட்டுள்ளது.

News March 16, 2024

வீட்டிலிருந்தே வாக்களிக்க ஏற்பாடு

85 வயதுக்கு மேற்பட்டோர் வீட்டிலிருந்தே வாக்களிக்க ஏற்பாடு செய்யப்படும் என்று தேர்தல் ஆணையர் ராஜீவ் குமார் தெரிவித்துள்ளார். நாட்டில் மொத்தம் 82 லட்சம் வாக்காளர்கள் 85 வயதினை நிரம்பப் பெற்றவர்களாக உள்ளனர். 100 வயதைக் கடந்தவர்கள் 2.18 லட்சம் பேர் உள்ளனர். அதேநேரம் 2024ஆம் ஆண்டு ஏப்ரல் 1ஆம் தேதி 18 வயது நிரம்பியிருந்தால் அவர்கள் வாக்களிக்கத் தகுதி பெற்றவர்கள் என்றும் ஆணையர் தெரிவித்துள்ளார்.

News March 16, 2024

தேர்தலில் பயன்படுத்தப்படும் 55 லட்சம் EVM இயந்திரங்கள்

மக்களவைத் தேர்தலில் 55 லட்சம் மின்னணு வாக்குப்பதிவு இயந்திரங்கள் (EVM) பயன்படுத்தப்படவுள்ளன. இந்திய தலைமைத் தேர்தல் ஆணையர் ராஜீவ்குமார் செய்தியாளர்களுக்கு அளித்த பேட்டியில், ” 10.5 லட்சம் வாக்குச்சாவடிகள் அமைக்கப்படுகின்றன. 1.5 கோடி தேர்தல் அதிகாரிகள், பாதுகாப்பு ஊழியர்கள் பணியில் ஈடுபடுகின்றனர். 55 லட்சம் இவிஎம் இயந்திரங்கள், 4 லட்சம் வாகனங்கள் பயன்படுத்தப்படுகின்றன” என்றார்.

News March 16, 2024

தமிழ்நாட்டின் தலைவிதியை தீர்மானிக்கும் 6.19 கோடி பேர்

வரும் நாடாளுமன்ற தேர்தலில் தமிழ்நாட்டில் 6.19 கோடி வாக்காளர்கள் வாக்களிக்க உள்ளனர். இதில் ஆண் வாக்காளர்கள் 3.04 கோடி பேரும், பெண்கள் வாக்காளர்கள் 3.15 கோடி பேரும், மூன்றாம் பாலினத்தவர் 8,294 பேரும் வாக்களிக்க உள்ளனர். 22 -29 வயதுடைய வாக்காளர்கள் 1.08 கோடி பேர். குறிப்பாக வரும் நாடாளுமன்றத் தேர்தலில் இளம் வாக்காளர்கள் தான் வெற்றியை தீர்மானிக்கும் சக்தியாக இருப்பார்கள் எனக் கூறப்படுகிறது.

News March 16, 2024

சீர்மரபினர் வகுப்பினர்களுக்கு இனி ஒரே சான்றிதழ்

சீர்மரபினர் வகுப்பினர்களுக்கு ஒரே சான்றிதழ் வழங்க முதல்வர் ஸ்டாலின் உத்தரவிட்டுள்ளார். இதுகுறித்து தமிழ்நாடு அரசு வெளியிட்டுள்ள அறிவிப்பில், “சீர்மரபினர் வகுப்பினர்களுக்கு Denotified Communities, Denotified Tribes என 2 சான்றிதழ்கள் வழங்கப்பட்டு வந்தன. அவற்றை பெறுவதில் நடைமுறையில் சிரமம் இருப்பதாக கூறப்பட்டதை ஆய்வு செய்து, ஒரே சான்றிதழ் வழங்க முதல்வர் உத்தரவிட்டுள்ளார்” எனக் கூறப்பட்டுள்ளது.