India's largestHyperlocal short
news App
Get daily news updates that are tailored for you based on your preferred language & location.
download Way2News app now
News March 17, 2024
தமிழக அமைச்சரவை மாறுகிறது
திருக்கோவிலூருக்கு இடைத்தேர்தல் இல்லை; MLA-வாக பொன்முடி தொடர்கிறார் என்று தேர்தல் அதிகாரி சாகு தெரிவித்துள்ளார். ஏற்கெனவே பொன்முடியை மீண்டும் அமைச்சராக்க வேண்டும் என முதல்வர், ஆளுநருக்கு கடிதம் எழுதியிருந்தார். தற்போது தேர்தல் அதிகாரியும் MLA-வாக தொடர்வதாக கூறியதால், ஆளுநர் சென்னை திரும்பிய உடன், அவர் அமைச்சராக பதவியேற்பது உறுதியாகியுள்ளது. இதனால் அமைச்சரவையில் இலாக்கா மாற்றப்படும்.
News March 17, 2024
இன்றைய தலைப்புச் செய்திகள்
➤ தேர்தல் நடத்தை அமலுக்கு வந்த நிலையில், சென்னையில் ரூ.1.42 கோடி ஹவாலா பணத்தை போலீசார் பறிமுதல் செய்துள்ளனர் ➤ ஒரே நாடு ஒரே தேர்தல் திட்டத்திற்கு முன்னால் குறைந்தபட்சம் ஒரே கட்டமாக ஒரே தேர்தல் என்பதை முயற்சிக்கலாமே என கமல்ஹாசன் கேள்வி ➤ வாக்காளர் பட்டியலில் பெயர் சேர்க்க இன்றே கடைசி நாள் ➤ ஐ.பி.எல் : சென்னை-பெங்களூரு அணிகள் மோதும் முதல் போட்டிக்கான டிக்கெட் விற்பனை நாளை (மார்ச் 18) தொடங்குகிறது.
News March 17, 2024
ஐபிஎல் டிக்கெட் விற்பனை நாளை துவக்கம்
ஐபிஎல் தொடரில் 17ஆவது சீசன் வரும் 22ஆம் தேதி தொடங்கவுள்ளது. சென்னை சேப்பாக்கம் மைதானத்தில் நடைபெறும் முதல் போட்டியில் நடப்பு சாம்பியனான சென்னை அணியும், பெங்களூரு அணியும் பலப்பரீட்சை நடத்தவுள்ளன. முதல் போட்டிக்கான டிக்கெட் விற்பனை நாளை (மார்ச் 18) ஆன்லைன் (Paytm insider)மூலம் மட்டும் நடைபெற உள்ளது. குறைந்தபட்சம் ரூ1,700 முதல் அதிகபட்சம் ரூ.7,500 வரை டிக்கெட் கட்டணம் நிர்ணயம் செய்யப்பட்டுள்ளது.
News March 17, 2024
ஒரே கட்டமாக ஒரே தேர்தல் முயற்சிக்கலாமே?
ஒரே நாடு ஒரே தேர்தல் திட்டத்தை முயற்சிப்பதற்கு முன்னால் குறைந்தபட்சம் ஒரே கட்டமாக ஒரே தேர்தல் என்பதை நாம் முயற்சிக்கலாமே என மநீம தலைவர் கமல்ஹாசன் வேண்டுகோள் விடுத்துள்ளார். மக்களவைத் தேர்தல் வரும் ஏப்.19இல் தொடங்கி ஜூன் 1 வரை 7 கட்டங்களாக நடைபெறுமென இந்திய தலைமைத் தேர்தல் ஆணையம் அறிவித்துள்ளது. குறிப்பாக, தமிழகத்தில் தேர்தல் வாக்குப்பதிவுக்கு பின் முடிவுகளுக்கு, 45 நாட்கள் காத்திருக்க வேண்டும்.
News March 17, 2024
மலச்சிக்கலை தவிர்க்க உதவும் வெள்ளரிக்காய்!
வெள்ளரிக்காயில் ஃபைபர் சத்துக்கள் அதிகமாக உள்ளன. உடலில் பி1,பி2,பி3,பி4,பி5, பி6 ஆகிய சத்துக்களையும், நோயெதிர்ப்பு சக்தியையும் அதிகரிக்கும். மலச்சிக்கலைத் தவிர்க்கவும், கெட்ட அழுக்குகளை வெளியேற்றவும் வெள்ளரிக்காய் உதவுகிறது. குறிப்பாகக் கோடைக் காலத்தில் உடலில் நீர்ச்சத்தைக் குறையவிடாமல் பார்த்துக் கொள்ளும். இரைப்பையில் ஏற்படும் புண்ணைக் குணப்படுத்த வல்லது. எளிதில் செரிமானம் ஆகக்கூடியது.
News March 17, 2024
இன்றைய நல்ல நேரம்
மார்ச் – 17 ▶பங்குனி – 04 ▶கிழமை: ஞாயிறு ▶நல்ல நேரம்: 07:30 AM – 08:30 AM, 3:30 PM – 4:30 PM ▶கெளரி நல்ல நேரம்: 10:30 AM – 11:30 AM, 1:30 PM – 2:30 PM ▶ராகு காலம்: 4.30 PM – 6:00 PM ▶குளிகை: 03:00 PM – 04:30 PM ▶எமகண்டம்: 12:00 PM – 01:00 PM ▶சூலம்: மேற்கு ▶பரிகாரம்: வெல்லம்.
News March 17, 2024
வாக்காளர் பட்டியலில் சேர இன்றே கடைசி நாள்
18 வயது நிரம்பியவர்கள், வாக்காளர் பட்டியலில் பெயர் சேர்க்க இன்று (மார்ச் 17) கடைசி நாளாக அறிவிக்கப்பட்டுள்ளது. தமிழகத்தில் மக்களவைத் தேர்தல் வாக்குப்பதிவு ஏப்.19ஆம் தேதி நடைபெற உள்ளது. தமிழ்நாட்டில் தற்போது மொத்தம் 6.19 கோடி வாக்காளர்கள் உள்ளனர். மேலும், வாக்காளர் பட்டியலில் பெயர் இல்லை என்றாலும் கூட தற்போது விண்ணப்பிக்கலாமென தமிழக தலைமைத் தேர்தல் அதிகாரி சத்யபிரதா சாகு தெரிவித்துள்ளார்.
News March 17, 2024
போதையில்லா தமிழகத்துக்கு பாஜகவுக்கு ஓட்டு போடுங்க
போதையில்லா தமிழகத்தை உருவாக்க பாஜக தலைமையிலான கூட்டணிக்கு தமிழக மக்கள் ஓட்டளிக்க வேண்டுமென மத்திய நிதியமைச்சர் நிர்மலா சீத்தாராமன் வேண்டுகோள் விடுத்துள்ளார். சென்னையில் தனியார் யூடியூப் சேனலின் ஐந்தாம் ஆண்டு விழாவில் பங்கேற்ற அவர், ‘மக்களவைத் தேர்தல் நேரத்தில் I.N.D.I.A கூட்டணி என்பது பொழுது போக்கு மட்டுமே. மதசார்பின்மை என்ற பெயரில், பெரும்பான்மை மக்களின் மதத்தை கேவலமாக பேசுகின்றனர் ’ என்றார்.
News March 17, 2024
ஐ.பி.எல்லில் புதிய அவதாரமெடுக்கும் கோபிநாத்!
விஜய் டிவியின் பிரபல ‘நீயா நானா’நிகழ்ச்சியின் தொகுப்பாளரான கோபிநாத், நடப்பு ஐ.பி.எல் சீசனில் கிரிக்கெட் வர்ணனையாளராக புதிய அவதாரம் எடுக்கவுள்ளார். ஊடகத்தில் 25 ஆண்டுகளை தாண்டிவிட்ட அவருக்கு, கிரிக்கெட் களத்திலும் ஒருகை பார்க்க தயாராகி வருகிறார். ஏற்கெனவே விஜய் டிவியின் நிகழ்ச்சி தொகுப்பாளராக இருந்த பாவனா ஸ்டார் ஸ்போர்ட்ஸ் சேனலில் கலக்கி வரும் நிலையில், கோபிநாத்தும் அதில் இணையவுள்ளார்.
News March 17, 2024
பிஆர்எஸ் கவிதாவுக்கு மார்ச் 23 வரை காவல்
டெல்லி மதுபான கொள்கை ஊழல் வழக்கில் கைது செய்யப்பட்டுள்ள பி.ஆர்.எஸ் மூத்த தலைவரும், முன்னாள் முதல்வர் சந்திரசேகர ராவின் மகளுமான கவிதாவின் காவல் மார்ச் 23ஆம் தேதி வரை நீட்டிக்கப்பட்டுள்ளது. மார்ச் 15ஆம் தேதி கைது செய்யப்பட்ட அவரை நேற்று அமலாக்கத்துறை அதிகாரிகள் டெல்லி நீதிமன்றத்தில் ஆஜர்படுத்தினர். அப்போது ED கோரிக்கையை ஏற்று, மார்ச் 23 வரை கவிதாவை காவலில் எடுத்து விசாரிக்க கோர்ட் அனுமதியளித்தது.
Featured News
Sorry, no posts matched your criteria.