India's largestHyperlocal short
news App
Get daily news updates that are tailored for you based on your preferred language & location.
download Way2News app now
News October 24, 2025
சற்றுமுன்: ஒரே நாளில் ₹4,000 விலை குறைந்தது
<<18091994>>தங்கம் <<>>விலையை தொடர்ந்து வெள்ளி விலையும் ஏறிய வேகத்தில் இறங்கிக் கொண்டிருக்கிறது. 1 கிலோ வெள்ளி இன்று காலையில் ₹3,000, மாலையில் ₹1,000 குறைந்திருப்பது நடுத்தர மக்களுக்கு சற்று நிம்மதியை கொடுத்துள்ளது. தற்போதைய நிலவரப்படி, 1 கிராம் ₹170-க்கும், 1 கிலோ ₹1.70 லட்சத்திற்கும் விற்பனை செய்யப்பட்டு வருகிறது. கடந்த 10 நாள்களில் மட்டும் வெள்ளி விலை கிலோவுக்கு ₹37,000 சரிந்திருப்பது குறிப்பிடத்தக்கது.
News October 24, 2025
சிக்கலில் நடிகர் மோகன்லால்
2011-ல் மோகன்லால் வீட்டில் IT ரெய்டு நடத்தியபோது, யானை தந்தங்கள் கண்டுபிடிக்கப்பட்டன. இது சட்டவிரோதம் என்பதால், உரிமம் வேண்டி அரசிடம் அவர் கோரிக்கை வைத்திருந்தார். இதனால் 2016-ல் கேரள அரசு அவருக்கு உரிமம் வழங்கியிருந்தது. ஆனால், இது தொடர்பான அறிவிப்பாணை அரசிதழில் வெளியிடப்படவில்லை. எனவே, தற்போது இதனை சுட்டிக்காட்டி அரசின் உரிமத்தை, HC ரத்து செய்துள்ளது. இதனால் அவருக்கு சிக்கல் எழுந்துள்ளது.
News October 24, 2025
இந்தியாவுக்கு வரமாட்டோம்: பாக்., அணி அறிவிப்பு
வரும் நவம்பர் – டிசம்பர் மாதங்களில் இந்தியாவில் நடைபெற உள்ள ஜூனியர் ஹாக்கி உலகக்கோப்பை தொடரில் இருந்து விலகுவதாக பாகிஸ்தான் அறிவித்துள்ளது. ஆனால், இந்தியா அல்லாத பொதுவான நாட்டில் தொடரை நடத்தினால், அதில் பங்கேற்கவும் விருப்பம் தெரிவித்துள்ளது. இருப்பினும், பாகிஸ்தானுக்கு மாற்றாக இன்னொரு அணி விரைவில் அறிவிக்கப்படும் என சர்வதேச ஹாக்கி கூட்டமைப்பு அறிவித்துள்ளது.
News October 24, 2025
விவசாயிகள் கண்ணீர்… திமுக அரசே பொறுப்பு: அன்புமணி
விவசாயிகள் கதறி அழுது முறையிட்டபோதும், டெல்டா மாவட்டங்களில் நெல் கொள்முதலில் இதுவரை எந்த முன்னேற்றமும் ஏற்படவில்லை என அன்புமணி குற்றம்சாட்டியுள்ளார். விவசாயிகளின் கண்ணீரை துடைக்க திமுக அரசு நடவடிக்கை எடுக்கவில்லை என்றும் அவர் கண்டனம் தெரிவித்துள்ளார். விவசாயிகளை கடனாளிகளாக மாற்றாமல், கொள்முதல் பணிகளை விரைவுபடுத்தி நடவடிக்கை எடுக்க வேண்டும் என்றும் அரசுக்கு அன்புமணி கோரிக்கை விடுத்துள்ளார்.
News October 24, 2025
புயல்களுக்கு பெயர் வைப்பது ஏன் தெரியுமா?
புயல்களுக்கு பெயர் சூட்டும் வழக்கத்தை தொடங்கியவர் பிரிட்டன் வானியல் விஞ்ஞானி கிளெமென்ட் ராக். ஒரே நேரத்தில் பல்வேறு பகுதியில் புயல்கள் உருவாகலாம். குழப்பம் வரக்கூடாது என்பதற்காகவே புயல்களுக்கு பெயரிடப்படுகிறது. புயலின் பெயரில் அரசியல் பிரபலங்களின் பெயர்கள், கலாசாரம், மத நம்பிக்கை, இனம் போன்றவை பிரதிபலிக்கக் கூடாது. புயலின் பெயர் 8 எழுத்துகளுக்கு மிகாமல் இருக்கவேண்டும் போன்ற விதிமுறைகள் உள்ளன.
News October 24, 2025
BREAKING: தங்கம் விலை மளமளவென குறைந்தது
ஆபரணத் தங்கத்தின் விலை இன்று மளமளவென சரிந்துள்ளது. காலையில் ₹320 அதிகரித்த நிலையில், மாலையில் ₹1,120 குறைந்துள்ளது. சென்னையில் தற்போது 22 காரட் தங்கம் 1 கிராம் ₹11,400-க்கும், 1 சவரன் ₹91,200-க்கும் விற்பனை செய்யப்பட்டு வருகிறது. ஒரு வாரத்தில் தங்கம் விலை சவரனுக்கு ₹6,400 குறைந்திருப்பது குறிப்பிடத்தக்கது.
News October 24, 2025
PAK-க்கு ஆப்பு: இந்தியாவை பின்பற்றும் ஆப்கன்
பாகிஸ்தான் விவகாரத்தில் இந்தியாவைப் போல ஆப்கனும் தனது நீர்வளத்தை ஆயுதமாக பயன்படுத்த உள்ளது. தங்களது நாட்டில் இருந்து பாகிஸ்தானுக்கு பாயும் குனார் ஆற்றின் நடுவே அணைகளை கட்ட உள்ளதாக ஆப்கன் அறிவித்துள்ளது. இதனால் பாகிஸ்தானின் கைபர் பக்துன்வா பகுதியின் பாசனம், குடிநீர் மற்றும் நீர் மின் உற்பத்தி கேள்விக்குறியாகும். பஹல்காம் தாக்குதலுக்கு பிறகு இந்தியா சிந்து நதிநீரை நிறுத்தியது குறிப்பிடத்தக்கது.
News October 24, 2025
பொருளாதாரத்தில் பெரிய நாடு.. இந்தியாவுக்கு எந்த இடம்?
டாப் 10 பணக்கார நாடுகள் என்னென்ன என்று, மேலே போட்டோக்களாக கொடுத்திருக்கிறோம். அவற்றை ஒவ்வொன்றாக ஸ்வைப் செய்து பாருங்க. மொத்த உள்நாட்டு உற்பத்தி (GDP) அடிப்படையில் பட்டியலிடப்பட்டுள்ளது. இதில், இந்தியாவுக்கு எந்த இடம்? முதலிடத்தில் இருப்பது எந்த நாடு? என்பதை போட்டோஸ் மூலம் கண்டுபிடித்து கமெண்ட்ல சொல்லுங்க!
News October 24, 2025
லோகா OTT ரிலீஸ் தேதி அறிவிக்கப்பட்டது
துல்கர் சல்மான் தயாரிப்பில் மலையாளத்தின் முதல் பெண் சூப்பர் ஹீரோ படமாக உருவான லோகா திரைப்படம் ஆகஸ்ட் 28-ம் தேதி வெளியானது. இப்படத்துக்கு ரசிகர்கள் மத்தியில் நல்ல வரவேற்பு கிடைத்ததால், ஓடிடி ரிலீஸுக்கான எதிர்பார்ப்பு அதிகமாக இருந்தது. இந்நிலையில், அக்.31-ம் தேதி ஹாட்ஸ்டார் ஓடிடி தளத்தில் இப்படம் வெளியாகும் என அதிகாரப்பூர்வமாக அறிவிக்கப்பட்டுள்ளது.
News October 24, 2025
அமெரிக்காவுக்கு இவ்வளவு கடனா… நம்ப மாட்டீங்க!
உலகின் பணக்கார நாடாக கருதப்படும் அமெரிக்கா தான், உலகிலேயே அதிக கடனாளி நாடு தெரியுமா? ஆம், அமெரிக்காவின் தேசிய கடன் தற்போது ₹3,339 லட்சம் கோடியை எட்டிவிட்டது. இது இந்தியா, சீனா, ஜப்பான், ஜெர்மனி, UK ஆகிய நாடுகளின் மொத்த பொருளாதாரங்களின் அளவாகும். இதன்படி பார்த்தால், ஒவ்வொரு அமெரிக்கரின் தலையிலும், சுமார் ₹1 கோடி கடன் உள்ளது. அதிபர் டிரம்ப் பதவியேற்ற பின், ₹175 லட்சம் கோடி கடன் உயர்ந்துள்ளது.
Featured News
Sorry, no posts matched your criteria.