India's largestHyperlocal short
news App
Get daily news updates that are tailored for you based on your preferred language & location.
download Way2News app now
News April 18, 2025
திமுக கூட்டணியில் சலசலப்பு
பொன்முடி மீது CM ஸ்டாலின் இன்னும் கடுமையான நடவடிக்கையை எடுத்திருக்க வேண்டும் என கூட்டணி கட்சி எம்பியான கார்த்தி சிதம்பரம் கூறியுள்ளார். ஒரு பேராசியர் இப்படி மோசமாக பேசியிருக்க கூடாது. அவரின் கட்சி பதவியை மட்டும் பறித்தது பத்தாது என்பது பலரின் கருத்து. அது நியாயமான ஒன்றுதான். அதையே நானும் கூறுகிறேன் எனத் தெரிவித்துள்ளார். கார்த்தி சிதம்பரம் பேச்சால் கூட்டணிக்குள் சலசலப்பை ஏற்படுத்தியுள்ளது.
News April 18, 2025
மீண்டும் தொடங்கும் ‘இந்தியன் 3 ’
கமலின் ‘இந்தியன் 2’ திரைப்படம் படுதோல்வி அடைந்ததால், ‘இந்தியன் 3 ’ கிடப்பில் போடப்பட்டதாக தகவல் வெளியானது. ஆனால், திடீர் திருப்பமாக Lyca நிறுவனம் அப்படத்தை மீண்டும் தொடங்க திட்டமிட்டுள்ளது. இதற்கான பேச்சுவார்த்தையில் ஈடுபட சுபாஸ்கரன் இன்று மதியம் சென்னை வரவுள்ளார். இந்த சந்திப்பின்போது அன்பு & அறிவு இயக்கத்தில் ₹250 கோடி பட்ஜெட்டில் உருவாகவுள்ள ‘KH 237’ படம் குறித்தும் கமல் பேச உள்ளாராம்
News April 18, 2025
விண்வெளி துறைக்கு க்ரீன் சிக்னல்.. TN அரசு சாதிக்குமா?
‘தமிழ்நாடு விண்வெளி கொள்கை 2025’ திட்டத்திற்கு CM ஸ்டாலின் தலைமையிலான அமைச்சரவை கூட்டம் ஒப்புதல் அளித்துள்ளது. இதன்மூலம், அடுத்த 5 ஆண்டுகளில் ₹10,000 கோடி அளவிலான முதலீடுகளை ஈர்க்க உள்ளதாகவும், தமிழ்நாட்டில் விண்வெளித் துறைக்கு தகுதியான பட்டதாரிகளையும், ஊழியர்களையும் உருவாக்கும் முயற்சிகள் மேற்கொள்ளப்பட உள்ளதாகவும் தொழில்துறை அமைச்சர் டிஆர்பி ராஜா தெரிவித்துள்ளார்.
News April 18, 2025
தினம் ஒரு திருக்குறள்
▶குறள் பால்: அறத்துப்பால் ▶குறள் இயல்: துறவறவியல் ▶அதிகாரம்: வெகுளாமை. ▶குறள் எண்: 309 ▶குறள்: இறந்தார் இறந்தார் அனையர் சினத்தைத் துறந்தார் துறந்தார் துணை ▶பொருள்: எல்லையற்ற சினம் கொள்வார் இறந்தவர்க்கு ஒப்பாவார். சினத்தை அறவே துறந்தவர் துறவிக்கு ஒப்பாவார்.
News April 18, 2025
அதிரடியால் புதிய சாதனை படைத்த டிராவிஸ் ஹெட்
MI-க்கு எதிரான போட்டியில் SRH-ன் டிராவிஸ் ஹெட் அரிய சாதனையை நிகழ்த்தியுள்ளார். இப்போட்டியில் 28 ரன்கள் எடுத்தது மூலம், IPL வரலாற்றில் 1000 ரன்களை வேகமாக கடந்த 2-வது வீரர் என்ற பெருமையை ஹெட் படைத்தார். இந்த மைல்கல்லை 575 பந்துகளில் அவர் எட்டினார். இந்தப் பட்டியலில் ரஸ்ஸல் (545), கிளாசென் (594), சேவாக் (604), மேக்ஸ்வெல் (610), யூசுப் பதான் (617) மற்றும் நரைன் (617) அடுத்தடுத்த இடங்களில் உள்ளனர்.
News April 18, 2025
பிறந்தநாள் வாழ்த்து போட்டோ அனுப்புங்க
இன்று (ஏப்ரல் 18) பிறந்தநாள் காணும் அனைவருக்கும் வாழ்த்துகள்! பிறந்தநாளுக்கு வாழ்த்து சொல்ல விரும்புபவர்களின் போட்டோவை Email -way2tamilusers@way2news.com-க்கு அனுப்புங்க. Note: பிறந்தநாளுக்கு முந்தைய நாள் இரவு 10 மணிக்குள் வாழ்த்துகளை அனுப்பவும். முதலில் அனுப்பும் 20 நபர்களின் புகைப்படங்கள் மட்டும் இதில் இடம்பெறும். உங்கள் அன்புக்குரியவர்களை வாழ்த்துங்கள். பிறந்தநாள் வாழ்த்து போட்டோ அனுப்புங்க!
News April 18, 2025
விடுமுறை: மாணவர்களுக்கு அமைச்சர் அறிவுரை
கோடை விடுமுறையை மாணவச் செல்வங்கள் பயனுள்ள வகையில் கழிக்க வேண்டும். தங்களின் உடல்நலத்தில் கவனம் செலுத்த வேண்டும் என அமைச்சர் அன்பில் மகேஷ் வேண்டுகோள் விடுத்துள்ளார். குறிப்பாக, ▶தண்ணீர் அதிகம் பருகுங்கள் ▶சிறுவர்களுக்கான புத்தகம் வாசியுங்கள் ▶பாதுகாப்பான பயணம் மேற்கொள்ளுங்கள் ▶அருங்காட்சியகம், பூங்கா செல்லுங்கள் ▶திறமைகளுக்கு ஏற்ற பயிற்சி வகுப்புகளுக்கு செல்லுங்கள் என்று வலியுறுத்தியுள்ளார்.
News April 18, 2025
சூர்யாவின் ‘ரெட்ரோ’-க்கு U/A
கார்த்திக் சுப்பராஜ் இயக்கத்தில் சூர்யா நடிப்பில் உருவாகியுள்ள ‘ரெட்ரோ’ திரைப்படத்தின் டீசர், பாடல்கள் வெளியாகி ரசிகர்களை வெகுவாக கவர்ந்துள்ளது. இதனால், அப்படத்தின் மீதான எதிர்பார்ப்பு பல மடங்கு அதிகரித்துள்ளது. மே 1-ம் தேதி வெளியாகும் இப்படத்தை பார்த்த தணிக்கைக்குழு, சில வன்முறை கட்சிகளுக்கு கட் கொடுத்து, U/A சான்று வழங்கியுள்ளது. மேலும், இப்படத்தின் ட்ரெய்லர் இன்று வெளியாகவுள்ளது.
News April 18, 2025
இன்றைய நல்ல நேரம்
▶ஏப்ரல் 18- சித்திரை- 05 ▶கிழமை: வெள்ளி ▶நல்ல நேரம்: 9:30 AM – 10:30 AM & 4:30 PM – 5:30 PM ▶கெளரி நல்ல நேரம்: 12:30 AM – 1:30 AM & 6:30 PM – 7:30 PM ▶ராகு காலம்: 10 : 30 AM – 12:00 PM ▶எமகண்டம்: 3 : 00 AM – 4:30 AM ▶ குளிகை: 7 : 30 AM – 9 :00 AM ▶ திதி: அதிதி ▶சூலம்: மேற்கு ▶பரிகாரம்: வெல்லம் ▶ பிறை: தேய்பிறை
News April 18, 2025
கோடை விடுமுறை.. வெளியூர் செல்வோருக்கு சிறப்பு சலுகை
கோடை கால விடுமுறைக்கு வெளியூர்களுக்கு பயணம் செய்யும் பயணிகளுக்கு TNSTC சிறப்பு சலுகையை அறிவித்துள்ளது. ஆம்! ஆன்லைன் முன்பதிவு திட்டத்தின் வழியாக முன்பதிவு செய்யும் பயணிகளை ஊக்குவிக்கும் வகையில், பயணச்சீட்டு முன்பதிவு செய்து, 01/04/2025 முதல் 15/06/2025 வரை பயணம் மேற்கொள்ளும் பயணிகளில், 75 பயணிகளை கணினி சிறப்பு குலுக்கல் முறையில் தேர்வு செய்து சிறப்பு பரிசுகள் வழங்கப்படும் என அறிவித்துள்ளது.
Featured News
Sorry, no posts matched your criteria.