India's largestHyperlocal short
news App
Get daily news updates that are tailored for you based on your preferred language & location.
download Way2News app now
News October 26, 2025
மீண்டும் வரியை உயர்த்தினார் டிரம்ப்
கனடா பொருட்கள் மீது ஏற்கனவே 35% வரி விதிக்கப்பட்ட நிலையில், கூடுதலாக 10% வரி விதிக்கப்படுவதாக ட்ரம்ப் அறிவித்துள்ளார். அமெரிக்கா முதலில் விதித்த வரிக்கு எதிராக கனடாவில் தொலைக்காட்சி விளம்பரம் ஒன்று ஒளிபரப்பானது. இதனை நிறுத்தும்படி டிரம்ப் கூறியும் கனடா அந்த விளம்பரத்தை திரும்பப்பெறவில்லை. இதனால் கடுப்பான டிரம்ப், அதற்கு எதிர்ப்புத் தெரிவித்து மீண்டும் வரியை உயர்த்தி நடவடிக்கை எடுத்துள்ளார்.
News October 26, 2025
BREAKING: திமுக கூட்டணியில் புதிய கட்சி
அடுத்த மாதம் 20-ம் தேதி புதிய கட்சி தொடங்கும் மல்லை சத்யா, திமுக கூட்டணியில் இணைய உள்ளதாக தெரிவித்துள்ளார். நேற்று திருச்சியில் தனது ஆதரவாளர்களுடன் ஆலோசனை நடத்திய அவர், கட்சியின் பெயரை முடிவு செய்ய புலவர் செவந்தியப்பன் தலைமையில் 15 பேர் கொண்ட குழுவை அமைத்துள்ளார். குறிப்பாக 2026 தேர்தலில் மு.க.ஸ்டாலின் வெற்றி பெற்று மீண்டும் ஆட்சியமைக்க தமது இயக்கம் பாடுபடும் என்றும் அறிவித்துள்ளார்.
News October 26, 2025
இன்று புழக்கத்தில் உள்ள டாப் 5 பழமையான நாணயங்கள்!
உலகத்தில் பல நாணயங்கள் புழக்கத்தில் இருந்தாலும், அவற்றில் மிகவும் பழமையானது எது என உங்களுக்கு தெரியுமா? மேலே உள்ள போட்டோஸை வலது பக்கம் Swipe செய்து பாருங்க. மிகவும் பழமையான நாணயங்களும், அவை எந்த நாட்டில் உருவாக்கப்பட்டன என்ற டாப் 5 லிஸ்ட்டை கொடுத்துள்ளோம். நம்மூரில் புழக்கத்தில் இருந்த ₹25 பைசா, ₹50 பைசாக்களை நீங்க யூஸ் பண்ணிருக்கீங்களா?
News October 26, 2025
UPDATE: ஷ்ரேயஸ் ஐயருக்கு என்ன ஆச்சு?
ஆஸ்திரேலியாவுக்கு எதிரான 3-வது ODI-யில் ஃபீல்டிங்கின் போது காயமடைந்த ஸ்ரேயஸ் ஐயருக்கு இடது விலா எலும்பில் எலும்பு முறிவு ஏற்பட்டுள்ளதாக தகவல் வெளிவந்துள்ளது. இதன் காரணமாக, அவர் கிட்டத்தட்ட 3 வாரங்களுக்கு மேல் கிரிக்கெட்டில் இருந்து விலகலாம் எனவும் கூறப்படுகிறது. இதனால், அவர் நவம்பர் 30-ம் தேதி தொடங்கும் தென்னாப்பிரிக்காவுக்கு எதிரான முதல் ODI-யில் விளையாடுவாரா என்ற சந்தேகமும் எழுந்துள்ளது.
News October 26, 2025
திமுகவில் இணைந்தனர்
2026 சட்டமன்றத் தேர்தலில், 200 தொகுதிகளுக்கு மேல் திமுக வெல்ல வேண்டும் என்ற ஸ்டாலின் ஆணையை நிறைவேற்ற திமுகவினர் தேர்தல் பணியில் ஈடுபட்டு வருகின்றனர். இதற்கு அடித்தளம் போடும் வகையில் மாற்றுக்கட்சியினரை திமுகவில் இணைக்கும் பணி வேகமெடுத்துள்ளது. இந்நிலையில், நாமக்கல் மேற்கு மாவட்ட திமுக பொறுப்பாளர் K.S.மூர்த்தி முன்னிலையில், அதிமுகவை சேர்ந்த பலர் அக்கட்சியில் இருந்து விலகி திமுகவில் இணைந்துள்ளனர்.
News October 26, 2025
CM நிகழ்ச்சிக்காக பனைகள் வெட்டப்பட்டதா? Fact Check
தென்காசியில் CM நிகழ்ச்சிக்காக சட்டவிரோதமாக பனை மரங்கள் வெட்டப்பட்டதாக செய்தி பரவியது. இந்நிலையில், TN அரசின் தகவல் சரிபார்ப்பகம் இது தவறான செய்தி என்று தெரிவித்துள்ளது. 2 தனிநபர்கள் தங்களின் ஆபத்தான நிலையில் உள்ள 4 பனைகளை, உரிய அனுமதி பெற்று வெட்டியுள்ளதாக குறிப்பிட்டுள்ளது. அரசாணை 238-ன் படி, ஒரு மரத்துக்கு 10 என்ற வீதத்தில் 40 பனைகளை வளர்க்க கலெக்டர் அறிவுறுத்தியுள்ளதாகவும் கூறப்பட்டுள்ளது.
News October 26, 2025
மாதம் ₹4,000 உதவித்தொகை!
TN அரசின் <<17712443>>’அன்புக்கரங்கள்’<<>> திட்டம் போல் மத்திய அரசின் ‘மிஷன் வாத்சல்யா’ திட்டம் உள்ளது. இதன் மூலம் தாய் (அ) தந்தை (அ) இருவரும் இல்லாத 18 வயதுக்கு உள்பட்ட குழந்தைகளின் அடிப்படை தேவைகள், கல்விக்காக மாதந்தோறும் ₹4,000 உதவித்தொகை வழங்கப்பட்டு வருகிறது. இத்திட்டத்தில் விண்ணப்பிக்க www.missionvatsalya.wcd.gov.in இணையதளத்திற்கு சென்று விண்ணப்பிக்கலாம். மற்றவர்களுக்கும் SHARE பண்ணுங்க.
News October 26, 2025
BREAKING: வேகமாக வருகிறது புயல்
வங்கக் கடலில் நிலவும் காற்றழுத்த தாழ்வு மண்டலம், ஆழ்ந்த காற்றழுத்த மண்டலமாக வலுப்பெற்றுள்ளது. இது வடமேற்கு நோக்கி நகர்ந்து, அடுத்த 24 மணி நேரத்தில் Montha புயலாக மாறும் என்று IMD கணித்துள்ளது. தற்போது சென்னைக்கு தென்கிழக்கில் 790 கிமீ தொலைவில் புயல் சின்னம் இருக்கிறது. மேலும், 7 கி.மீ வேகத்தில் நகர்ந்து வந்த புயல் சின்னம், திடீர் திருப்பமாக 8 கி.மீ வேகத்தில் வடமேற்கில் நகர தொடங்கியுள்ளது.
News October 26, 2025
பழைய நண்பனை (BJP) விடமாட்டோம்: செம்மலை
தவெக தலைவர் விஜய், அதிமுக கூட்டணிக்குள் வந்தால், பாஜகவை இபிஎஸ் கழட்டிவிட்டு விடுவார் என்று அரசியல் விமர்சகர்கள் கூறி வருகின்றனர். இந்நிலையில், புதிய நண்பனுக்காக (TVK), பழைய நண்பனை (BJP) கைவிடும் பழக்கம் அதிமுகவுக்கு இல்லை என செம்மலை தெரிவித்துள்ளார். மேலும், பேரவை தேர்தலில் அதிமுக வலுவான கூட்டணி அமைக்கும் எனக் கூறிய அவர், திமுகவுக்கு எதிரான கட்சிகள் கூட்டணிக்கு வர அழைப்பும் விடுத்துள்ளார்.
News October 26, 2025
RBI அதிரடி அறிவிப்பு.. நீங்களும் ₹40 லட்சம் வெல்லலாம்!
‘பாதுகாப்பான வங்கி- அடையாளம், நேர்மை, சமவாய்ப்பு’ என்ற கருப்பொருளில் கீழ் RBI ‘HaRBInger 2025’ ஹேக்கத்தான் போட்டியை அறிவித்துள்ளது. Tokenised KYC, Offline CBDC (Digital Currency), enhancing trust போன்றவற்றில் உள்ள சிக்கல்களுக்கு தொழில்நுட்ப ரீதியில் தீர்வுகளை கண்டுபிடிக்க வேண்டும். வெற்றி பெறுபவருக்கு முதல் பரிசாக ₹40 லட்சமும், 2-வது பரிசாக ₹20 லட்சமும் வழங்கப்படும். யாரு இந்த போட்டிக்கு ரெடி?
Featured News
Sorry, no posts matched your criteria.