India's largestHyperlocal short
news App
Get daily news updates that are tailored for you based on your preferred language & location.
download Way2News app now
News December 6, 2024
ரெப்போ வட்டி விகிதத்தில் மாற்றம் இல்லை
வங்கிகளுக்கு RBI அளிக்கும் கடன் வட்டி விகிதமான ரெப்போ விகிதத்தில் மாற்றம் இல்லை என்று ஆளுநர் சக்தி காந்ததாஸ் தெரிவித்துள்ளாா். ரெப்போ வட்டி விகிதம் தற்போது 6.5%ஆக உள்ளது. கொரோனாவுக்குப் பின் ரெப்போ வட்டி விகிதம் கடுமையாக உயர்த்தப்பட்டதால், லோன் வாங்கியோர் அதிக வட்டி செலுத்தி வருகின்றனர். அவர்களுக்காக வட்டி விகிதம் குறைக்கப்படும் என்று எதிர்பார்க்கப்பட்ட நிலையில், அதிர்ச்சியே மிஞ்சியிருக்கிறது.
News December 6, 2024
பொது அறிவு வினா – விடை
1) மாங்கனீஸ் உற்பத்தியில் முதலிடம் வகிக்கும் நாடு எது? 2) இந்தியாவின் நெப்போலியன் என அழைக்கப்பட்டவர் யார்? 3) NSE என்பதன் விரிவாக்கம் என்ன? 4) ISRO அமைப்பு எந்த ஆண்டு நிறுவப்பட்டது? 5) இந்தியாவின் முதல் பெண் கிராண்ட் மாஸ்டர் யார்? 6) திருக்குறளில் இருமுறை வரும் அதிகாரம் எது? 7) புவிக்கும், பிராக்ஸிமா செண்டாரிக்கும் உள்ள தூரம் எவ்வளவு? விடைகளை கமெண்ட்டில் சொல்லுங்க. சரியான பதிலை 2 மணிக்கு பாருங்க.
News December 6, 2024
பிலிப் ஹியூக்ஸ்க்கு மரியாதை செலுத்திய ஆஸி. வீரர்கள்
இந்திய அணிக்கு எதிரான 2வது டெஸ்ட் போட்டியில் ஆஸி. வீரர்கள் கையில் கருப்பு பேண்ட் அணிந்துள்ளனர். உள்ளூர் தொடரில் விளையாடிய போது தலையில் பந்து தாக்கி உயிரிழந்த முன்னாள் ஆஸி. வீரர் பிலிப் ஹியூக்ஸின் 10-ம் ஆண்டு நினைவாக கையில் கருப்பு பேண்ட் அணிந்து விளையாடவுள்ளனர். அவர் நினைவாக ஆவணப்படம் ஒன்றும் வெளியிடப்பட உள்ளது. போட்டி தொடங்கும் முன், அவருக்கு மெளன அஞ்சலியும் செலுத்தப்பட்டது.
News December 6, 2024
தங்கம் விலை குறைந்தது
சென்னையில் இன்று ஆபரணத் தங்கத்தின் விலை சவரனுக்கு ₹200 குறைந்துள்ளது. நேற்று ₹57,120க்கு விற்கப்பட்ட ஒரு சவரன் தங்கம், இன்று ₹56,920க்கு விற்கப்படுகிறது. நேற்று ₹7,140ஆக இருந்த ஒரு கிராம் தங்கம், ₹25 குறைந்து. ₹7,115ஆக விற்கப்படுகிறது. வெள்ளியின் விலை மாற்றமின்றி கிராம் ₹101க்கு விற்பனையாகிறது.
News December 6, 2024
தேசத் தந்தை படத்தை நீக்கும் வங்கதேசம்
வங்கதேசத்தின் முதல் அதிபரும், முன்னாள் பிரதமர் ஷேக் ஹசீனாவின் தந்தையுமான ஷேக் முஜிபூர் ரஹ்மானின் படங்களை கரன்சி நோட்டுகளில் இருந்து அகற்ற அந்நாட்டின் இடைக்கால அரசு முடிவெடுத்துள்ளது. ‘வங்கதேசத்தின் தந்தை’ என அவர் போற்றப்பட்டு வந்தார். ஆனால், அவரை அவ்வாறு கருதவில்லை என முகமது யூனுஸ் அரசு தெரிவித்திருந்தது. 20, 100, 500 மற்றும் 1,000 மதிப்பிலான கரன்சியில் அவரது படம் அச்சிடப்படுகின்றன.
News December 6, 2024
திடீரென தியேட்டரில் வாந்தி எடுத்த ரசிகர்கள்
புஷ்பா 2 படத்தின் இடைவேளை முடிந்து சீட்டிற்கு திரும்பியவர்கள், திரையரங்கிற்குள் பரவிய மர்ம நச்சுப் புகையின் காரணமாக வாந்தி, இருமலுக்கு உள்ளாகி இருக்கிறார்கள். இது மும்பையின் பிரபல கெயிட்டி திரையரங்கில் நடந்துள்ளது. இதனால் படம் 15 நிமிடங்கள் நிறுத்தி வைக்கப்பட்டுள்ளது. நச்சுப் புகைக்கு யார் காரணமென தெரியாத நிலையில், சம்பவ இடத்திற்கு விரைந்த போலீசார் விசாரணையில் ஈடுபட்டுள்ளார்கள்.
News December 6, 2024
EMPLOYMENT: ஆண், பெண் விவரம் இல்லை
வேலைவாய்ப்பு மற்றும் பயிற்சி துறை RTI மூலம் கேட்ட கேள்விக்கு வழங்கிய பதில் அனைவரையும் அதிர்ச்சியில் ஆழ்த்தியுள்ளது. அதில், அரசு மூலம் வேலைவாய்ப்பு பெற்றவர்களில் எத்தனை பேர் ஆண்கள், பெண்கள், 3ம் பாலினத்தவர் என்ற விவரம் இல்லை என தெரிவித்துள்ளது. இந்த தகவல், அலுவலக பராமரிப்பு ஏட்டில் இல்லை என்றும் குறிப்பிட்டுள்ளது. முக்கிய துறையில் இந்த தகவல் கூட இல்லையா என சமூக ஆர்வலர்கள் கேள்வி எழுப்புகின்றனர்.
News December 6, 2024
லாபம் வந்தாலும் ஊதியம் உயரவில்லை
நிறுவனங்களின் லாபம் உயர்ந்தும் ஊழியர்களின் ஊதியம் உயரவில்லை என மத்திய அரசின் தலைமைப் பொருளாதார ஆலோசகர் அனந்த நாகேஸ்வரன் கவலைத் தெரிவித்துள்ளார். இது குறித்து நிகழ்ச்சி ஒன்றில் பேசிய அவர், இந்திய நிறுவனங்கள் வேலைவாய்ப்பை அதிகரிக்க இது சரியான தருணம் என்றார். கடந்த 4 ஆண்டுகளில் நிறுவனங்களின் வளர்ச்சி சிறப்பாக இருப்பதாகவும், ஆனால் ஊழியர்களுக்கு ஊதிய பலன் பலவீனமாகியுள்ளதாகவும் அவர் குறிப்பிட்டார்.
News December 6, 2024
பேட்டிங் செய்யும் இந்திய அணி
ஆஸ்திரேலிய அணிக்கு எதிரான 2வது டெஸ்ட் போட்டியில் டாஸ் வென்ற இந்திய அணி பேட்டிங் தேர்வு செய்துள்ளது. அடிலெய்ட் மைதானத்தில் பகல்- இரவு(பிங்க் பால்) டெஸ்ட் போட்டியாக நடைபெற உள்ளது. மேலும் 5 போட்டிகள் கொண்ட BGT தொடரில் இந்தியா 1-0 என முன்னிலையில் உள்ளது. இந்திய அணி: ஜெய்ஸ்வால், ராகுல், கில், கோலி, பண்ட், ரோஹித், நிதிஷ் ரெட்டி, பும்ரா, ஹர்ஷித் ராணா, சிராஜ், அஸ்வின்.
News December 6, 2024
காற்றில் பரவும் மர்ம நோய்க்கு 79 பேர் மரணம்
காங்கோ நாட்டில் பரவிவரும் மர்ம நோய்க்கு இதுவரை 79 பேர் மரணம் அடைந்துள்ளனர். 300க்கும் மேற்பட்டோர் பாதிக்கப்பட்டுள்ள நிலையில், மருத்துவமனையில் அனுமதிக்கப்பட்டுள்ளனர். இதில் பெரும்பாலும் 5 வயதுக்கு கீழ் உள்ள குழந்தைகளே உள்ளனர். இது எவ்வகையான நோய் என்பது இன்னும் கண்டறியப்படாத நிலையில், “Disease X” என பெயரிடப்பட்டுள்ளது. கொரோனா போல இந்த நோயும் காற்றில் பரவுவது கண்டறியப்பட்டுள்ளது.
Featured News
Sorry, no posts matched your criteria.