India's largestHyperlocal short
news App
Get daily news updates that are tailored for you based on your preferred language & location.
download Way2News app now
News December 7, 2024
ரிலீஸுக்கு தயாரான ‘விடுதலை 2’
‘விடுதலை 2’ படத்தின் BGM பணிகள் நிறைவடைந்தன. வெற்றிமாறன் இயக்கத்தில் உருவாகியுள்ள இப்படம் வரும் 20ஆம் தேதி திரைக்கு வரவுள்ளது. முன்னதாக, இப்படத்தின் டிரெய்லர் வெளியாகி எதிர்பார்ப்பை கூட்டியுள்ளது. படம் வெளியாக இன்னும் சில நாள்களே இருக்கும் நிலையில், BGM பணிகளை இளையராஜா நிறைவு செய்துள்ளார். இதற்கு இயக்குநர் வெற்றிமாறன், தயாரிப்பாளர் எல்ரெட் குமார் அவருக்கு நேரில் நன்றி தெரிவித்தனர்.
News December 7, 2024
பெட்ரோல் விலை உயர்வு
சென்னையில் இன்று பெட்ரோல் விலை லிட்டருக்கு 43 காசுகள் அதிகரித்து ₹101.23ஆக விற்பனையாகிறது. நேற்று லிட்டர் ₹100.80க்கு விற்கப்பட்ட பெட்ரோல் விலை இன்று திடீரென உயர்ந்துள்ளது. டீசல் விலை நேற்று லிட்டர் ₹92.39க்கு விற்பனையான நிலையில் இன்று 42 காசுகள் அதிகரித்து ₹92.81ஆக விற்பனையாகிறது.
News December 7, 2024
பொது அறிவு வினா – விடை
1) Climatology என்றால் என்ன? 2) CCI என்பதன் விரிவாக்கம் என்ன? 3) டீசல் இன்ஜினை கண்டுபிடித்தவர் யார்? 4) இந்தியாவின் முதல் பெண் பத்திரிகையாளர் யார்? 5) கவி ராட்சசன் என போற்றப்பட்ட புலவர் யார்? 6) ரப்பரை பதனிட உதவும் தனிமம் எது? 7) சூரியக் குடும்பத்தில் அதிக வெப்பமுடைய கோள் எது? 8) இந்தியாவில் முதல் CENSUS எந்த ஆண்டு கணக்கிடப்பட்டது? விடைகளை கமெண்ட்டில் சொல்லுங்க. சரியான பதிலை 2 மணிக்கு பாருங்க.
News December 7, 2024
₹2,600 கோடி இழப்பீடு வழங்க உத்தரவிட்ட நீதிமன்றம்
அமெரிக்காவில் ₹2,600 கோடி இழப்பீடு வழங்க நீதிமன்றம் உத்தரவிட்டுள்ள சம்பவம் பேசும் பொருளாக மாறியுள்ளது. 2022ல் புளோரிடாவின் கேளிக்கை பூங்காவில் Free Fall Towerல் இருந்து தவறி விழுந்து டயர் சாம்ப்சன்(14) என்பவர் மரணமடைந்துள்ளார். இது தொடர்பாக சிறுவனின் பெற்றோர் வழக்கு தொடுத்தனர். இவ்வழக்கில், பூங்கா நிர்வாகம் பெற்றோர்கள் இருவருக்கும் தலா ₹1,312 கோடி இழப்பீடாக வழங்க நீதிமன்றம் உத்தரவிட்டுள்ளது.
News December 7, 2024
டிரம்ப் எச்சரிக்கைக்கு பணிந்த RBI?
டாலருக்கு மாற்றாக எந்த நாணயத்தையும் சர்வதேச வர்த்தகத்துக்கு பயன்படுத்தும் திட்டம் இல்லை என RBI ஆளுநர் சக்திகாந்ததாஸ் திட்டவட்டமாக தெரிவித்துள்ளார். டாலர் பயன்பாட்டை குறைக்க BRICS நாணயத்தை உருவாக்கும் முனைப்பில் அதன் உறுப்பு நாடுகள் திட்டமிட்டு வந்தன. இதனிடையே, அமெரிக்காவின் புதிய அதிபராக தேர்வான டிரம்பு, BRICS உறுப்பு நாடுகளுக்கு 100% வரி விதிக்கப்படும் என எச்சரிக்கை விடுத்தார்.
News December 7, 2024
மந்திரத்தை சொல்லு, இல்லனா செருப்பால அடிப்பேன்
மத நம்பிக்கை மனதில் இருக்கலாமே தவிர, பிறரிடம் திணிப்பதை எவ்வாறு ஏற்பது. ம.பி.யில் சிறுவன்(16) ஒருவன் 6,9,11 வயதுடைய 3 குழந்தைகளை மந்திரம் சொல்லுங்கள் என நிர்பந்தித்து செருப்பால் அடித்துள்ளான். தகாத வார்த்தையாலும் திட்டி, உறவினர்களின் தொலைபேசி எண்களை கேட்டும் மிரட்டியுள்ளார். இது குறித்து அச்சிறுவன் மீதும், வீடியோ எடுத்த சிறுவன்(14) மீதும் வழக்கு பதிவு செய்யப்பட்டுள்ளது. என்னவென்று சொல்வது…
News December 7, 2024
சவுதியில் இந்த சீன் வராது..!
சவுதியில் ‘புஷ்பா 2’ படத்தின் நீளம் குறைக்கப்பட்டுள்ளது. அல்லு அர்ஜுன் நடிப்பில் வெளியான இப்படத்திற்கு உலகம் முழுதும் வரவேற்பு கிடைத்துள்ளது. அதேநேரம், ரன்னிங் டைம் 3 மணிநேரம் 20 நிமிடமாக இருப்பது குறையாகவும் பேசப்படுகிறது. இந்நிலையில், கலாச்சார அடிப்படையில் ’கங்கம்மா ஜத்தாரா’ என்ற காட்சியை அந்நாட்டின் சென்சார் போர்டு நீக்கியுள்ளது. இதனால், அங்கு ரன்னிங் டைம் 3 மணி நேரம் ஒரு நிமிடமாக உள்ளது.
News December 7, 2024
டிரம்புக்காக பணத்தை தண்ணியாக செலவழித்த மஸ்க்
அமெரிக்க அதிபர் தேர்தலில் டிரம்புக்காக எலான் மஸ்க் ₹2,120 கோடி செலவு செய்துள்ளார். பிரசார செலவு தொடர்பான செலவின விவரங்களில் இந்த தகவல் தெரிவிக்கப்பட்டுள்ளது. குடியரசுக் கட்சியின் செனட் வேட்பாளர்களுக்கு ஆதரவு தெரிவித்த குழுக்களுக்கும், தேர்தல் பிரசார செயற்பாட்டு நிறுவனங்களுக்கும் பல கோடியை மஸ்க் அள்ளி வீசியுள்ளார். தற்போது மஸ்கின் சொத்து மதிப்பு கிடுகிடுவென உயர்ந்திருப்பது குறிப்பிடத்தக்கது.
News December 7, 2024
கோடிக்கணக்கானோருக்கு இலவச ரேஷன் கட்!
இலவச ரேஷன் பொருட்களை வாங்குபவரா நீங்கள்? அப்படியானால் ஜன. 1 முதல் உங்களுக்கு ரேஷன் பொருட்கள் கிடைக்காமல் போகலாம். நாடு முழுவதும் சுமார் 80 கோடி மக்களிடம் ரேஷன் கார்டு இருக்கிறது. இந்நிலையில், இலவச ரேஷன் பெறுவதற்கு தகுதியற்றவர்களைக் கண்டறியும் பணியை மத்திய அரசு தீவிரப்படுத்தியுள்ளது. அதன்படி, ஜன. 1ஆம் தேதி முதல் கோடிக்கணக்கான மக்களுக்கு இலவச ரேஷன் கிடைக்காமல் போக வாய்ப்புள்ளதாகக் கூறப்படுகிறது.
News December 7, 2024
ஆடைகளுக்கான GST வரி 28% ஆக உயர்த்தப்படுமா?
ரெடிமேட் ஆடைகளுக்கான GST வரி விகிதத்தை மாற்றியமைத்து, 28% வரை உயர்த்த அமைச்சரவைக் குழு பரிந்துரைத்து உள்ளதாக தகவல் வெளியாகியுள்ளது. ₹1,500 – 5% வரி, ₹1,500 – ₹10,000 – 18% வரி, அதற்கு மேலான ரெடிமேட் ஆடைகளுக்கு 28% வரி விதிக்கப்படலாம் என எதிர்பார்க்கப்படுகிறது. இந்த வரி ஏற்படும் ஜவுளித் துறையின் பல பிரிவுகளில் கடும் பாதிப்பை ஏற்படும் என துறை சார்ந்தோர் அஞ்சுகின்றனர்.
Featured News
Sorry, no posts matched your criteria.