India's largestHyperlocal short
news App
Get daily news updates that are tailored for you based on your preferred language & location.
download Way2News app now
News December 19, 2024
இடைத்தேர்தலில் தவெக போட்டியில்லை
நடைபெறவிருக்கும் ஈரோடு கிழக்குத் தொகுதி இடைத்தேர்தலில் தவெக போட்டியிடாது என்று தகவல் வெளியாகியிருக்கிறது. இதுகுறித்து கருத்து தெரிவித்த தவெக நிர்வாகிகள், “2026 சட்டமன்றத் தேர்தல்தான் எங்களது இலக்கு. அதுவரை எந்த தேர்தலையும் சந்திக்கப் போவதில்லை. இடைத்தேர்தலில் விஜய் யாருக்கும் ஆதரவு தெரிவிக்கவும் மாட்டார்” என்று கூறியுள்ளனர்.
News December 19, 2024
ரூபாய் மதிப்பு சரிந்தால் மக்களுக்கு என்ன பாதிப்பு?
டாலருக்கு நிகரான ரூபாய் மதிப்பு வரலாறு காணாத அளவுக்கு சரிந்துள்ளது. இதனால் இறக்குமதி செலவினம் உயரும். கச்சா எண்ணெய் விலை உயருவதால் பெட்ரோல், டீசல் முதல் காய்கறிகள் விலை வரை, நாம் அன்றாடம் பயன்படுத்தும் பொருள்களில் விலை உயரும். எலக்ட்ரானிக் பொருள்கள், இயந்திரங்கள், ரசாயனங்கள் என இறக்குமதி பொருள்களின் விலைகள் உயரும். முதலீட்டாளர்களையும் இது பாதிக்கும். மொத்தத்தில் உங்கள் செலவுகளை அதிகரிக்கும்.
News December 19, 2024
27 ஆண்டுகளை நிறைவு செய்த ‘டைட்டானிக்’
உலகெங்கிலும் உள்ள காதலர்களால் இன்றளவும் கொண்டாடப்பட கூடிய எவர்க்ரீன் கிளாசிக் ஹாலிவுட் திரைப்படம் ‘டைட்டானிக்’. ஹாலிவுட் திரையுலகில் மிகவும் பிரபலமான இயக்குநரான ஜேம்ஸ் கேமரூன் இயக்கத்தில் கடந்த டிச.19இல் 1997ம் ஆண்டு வெளியான இப்படம் இன்றுடன் 27 ஆண்டுகளை நிறைவு செய்துள்ளது. இன்றளவும் நாயகன் ஜாக், நாயகி ரோஸ் உடன் பிரம்மாண்ட கப்பலில் முன்பகுதியில் நிற்கும் காட்சியை இன்றளவும் மறக்க முடியாது.
News December 19, 2024
அமித்ஷாவை கண்டித்து திமுக ஆர்ப்பாட்டம்
மத்திய அமைச்சர் அமித்ஷாவை கண்டித்து தமிழகம் முழுவதும் திமுகவினர் ஆர்ப்பாட்டத்தில் ஈடுபட்டு வருகின்றனர். நாடாளுமன்றத்தில் பேசிய அமித்ஷா, அம்பேத்கர் பெயரை முழக்கமிடுவது ஃபேஷன் எனக் கூறியது சர்ச்சையானது. இதற்கு எதிர்க்கட்சிகள் கடும் எதிர்ப்பு தெரிவித்து வருகின்றன. அந்த வகையில், சென்னை வள்ளுவர் கோட்டத்தில் திமுகவினர் அம்பேத்கர் புகைப்படம் கொண்ட பதாகைகளை கையில் ஏந்தி ஆர்ப்பாட்டத்தில் ஈடுபட்டனர்.
News December 19, 2024
நடிகர் கோதண்டராமன் காலமானார்
பிரபல காமெடி நடிகரும் ஸ்டண்ட் மேனுமான கோதண்டராமன் நேற்றிரவு காலமானார். அவருக்கு வயது 65. கலகலப்பு படத்தில் சந்தானத்துடன் இணைந்து காமெடியில் கலக்கிய அவர், 25 ஆண்டுகளாக ஸ்டண்ட் மேனாக சினிமாவில் பணியாற்றி வந்தார். இதற்குமுன், ’ஒன்ஸ் மோர்’, பகவதி, க்ரீடம், வேதாளம், திருப்பதி ஆகிய படங்களில் கோதண்டராமன் நடித்துள்ளார். #RIP
News December 19, 2024
பார்லிமென்ட்டில் களேபரம் ஏன்? திருச்சி சிவா விளக்கம்
பார்லிமென்ட் நுழைவு வாயிலில் தெருவில் சண்டை போடுவதைப் போன்ற சூழலை பாஜக எம்பிக்கள் உருவாக்கியதாக DMK எம்பி திருச்சி சிவா குற்றஞ்சாட்டியுள்ளார். பாஜகவினர் ராகுல் காந்தி மீது திட்டமிட்டு அவதூறு பரப்ப முயல்வதாகக் கூறிய அவர், அம்பேத்கர் விவகாரத்தில் அமித் ஷா மன்னிப்பு கேட்கும் வரை தங்களது போராட்டம் தொடரும் என்றும் எச்சரித்துள்ளார்.
News December 19, 2024
ரூபாய் மதிப்பு சரிந்தது ஏன்?
அமெரிக்க ஃபெடரல் வங்கியின் அறிவிப்பால் டாலருக்கு நிகரான <<14921105>> ரூபாயின் மதிப்பு<<>> முதல் முறையாக 85-ஐ கடந்து சரிந்தது. வட்டி வீதத்தை ஃபெடரல் வங்கி குறைக்கும் என முதலீட்டாளர்கள் எதிர்பார்த்த நிலையில், வெறும் 0.25% மட்டும் குறைத்ததுடன், பணவீக்கம் குறைய இன்னும் ஒன்றிரண்டு ஆண்டுகள் ஆகலாம் என நெகடிவ் கமென்ட்டையும் ஃபெடரல் வங்கி கொடுத்தது. இதனால், ரூபாய் உள்பட சில ஆசிய நாணயங்களின் மதிப்பு சரிந்துள்ளது.
News December 19, 2024
டெஸ்ட் கிரிக்கெட் கிங் ’பூம் பூம் பும்ரா’
AUS அணிக்கு எதிராக நடைபெற்று வரும் BGT போட்டிகளில் இந்திய பவுலர் பும்ரா பல சாதனைகளைத் தகர்த்துள்ளார். இந்நிலையில் கடந்த 2020ஆம் ஆண்டு முதல் டெஸ்ட் கிரிக்கெட்டில் அதிக விக்கெட் வீழ்த்திய பவுலர்களின் பட்டியலில் 85(36 inns) பும்ரா முதலிடம் பிடித்துள்ளார். 2வது இடத்தில் சிராஜ் 74(38inns), ரபாடா 73(28inns), ஷாஹீன் அஃப்ரிடி 67(29inns), ஜேம்ஸ் அண்டர்சன் 57(28inns) ஆகியோர் அடுத்தடுத்த இடங்களில் உள்ளனர்.
News December 19, 2024
‘இந்தியன் 3’ தியேட்டரில் ரிலீஸாகும்: ஷங்கர்
‘இந்தியன் 3’ திரைப்படம் நிச்சயம் தியேட்டரில் ரிலீஸாகும் என இயக்குநர் ஷங்கர் உறுதியளித்துள்ளார். ‘இந்தியன் 2’ படத்திற்கு நெகட்டிவ் ரிவ்யூ வருமென தான் எதிர்பார்க்கவில்லை எனக் கூறிய அவர், ‘கேம் சேஞ்சர்’ மற்றும் ‘இந்தியன் 3’ படங்களில் சிறந்த பங்களிப்பை வழங்க முயற்சித்து வருவதாகவும் கூறியுள்ளார். முன்னதாக, ‘இந்தியன் 3’ திரைப்படம் நேரடியாக ஓடிடியில் வெளியாக வாய்ப்புள்ளதாகக் கூறப்பட்டது.
News December 19, 2024
H-1B விசா விதிமுறையில் தளர்வு.. யாருக்கு சாதகம்?
H-1B விசா விதிமுறையில் தளர்வு செய்யப்பட்டுள்ளதாக US அரசு தெரிவித்துள்ளது. இந்த வகை விசாக்கள் மூலம் தான் இந்தியர்கள் உள்ளிட்ட லட்சக்கணக்கான வெளிநாட்டினர் அமெரிக்காவில் பணிபுரிந்து வருகின்றனர். F1 விசாக்களை பெற்றுள்ள மாணவர்கள் அதனை H-1B விசாக்களாக எளிமையாக மாற்றம் செய்யவும் வழிவகை செய்யப்பட்டுள்ளது என்றும் அறிவிக்கப்பட்டுள்ளது. 2023இல் மட்டும் 3,86,000 இந்தியர்கள் H-1B விசாவில் USA சென்றுள்ளனர்.
Featured News
Sorry, no posts matched your criteria.