India's largestHyperlocal short
news App
Get daily news updates that are tailored for you based on your preferred language & location.
download Way2News app now
News December 27, 2024
Jio பயனாளர்களுக்கு ஷாக் நியூஸ்
₹19 மற்றும் ₹29 மதிப்பிலான Data Add-on பேக்குகளுக்கான வேலிடிட்டியை ஜியோ நிறுவனம் வெகுவாக குறைத்துள்ளது. முன்னதாக, செயல்பாட்டில் இருக்கும் ரீசார்ஜ் திட்டங்களின் வேலிடிட்டி முடியும் வரை, இந்த பேக்குகளின் வேலிடிட்டியும் இருந்து வந்தது. ஆனால் தற்போது, 1ஜிபி டேட்டா வழங்கும் ₹19க்கான வேலிடிட்டி 1 நாள், 2 ஜிபி வழங்கும் ₹29க்கான வேலிடிட்டி 2 நாள்களில் முடிவடையும். இந்த புதிய திட்டம் அமலுக்கு வந்துள்ளது.
News December 27, 2024
நீர்யானை குட்டிக்கு கிறிஸ்துமஸ் பரிசு ₹2.5 கோடி
தாய்லாந்து ZOOல் பராமரிக்கப்பட்டு வரும் ‘மூ டெங்’ என்ற நீர்யானைக் குட்டிக்கு, கனடாவைச் சேர்ந்த தொழிலதிபர் புடெரின், கிறிஸ்துமஸ் பரிசாக ₹2.5 கோடியை வழங்கியுள்ளார். அழிந்து வரும் உயிரினமான இந்த வகை நீர்யானையை பராமரிக்க பணம் வழங்கியுள்ளதாக அவர் தெரிவித்துள்ளார். US அதிபர் தேர்தலில் டிரம்ப் பெயர் எழுதிய தர்பூசணியை உண்டதால், அவரே அதிபராக தேர்வு செய்யப்படுவார் என கணித்து மூ டெங் பிரபலமானது.
News December 27, 2024
இருண்ட நாள்களில் உடன் நின்ற மன்மோகன்: மலேசிய PM
மன்மோகன் சிங்கின் மனித நேயத்தையும், உண்மையான நட்பையும் மலேசிய பிரதமர் அன்வர் இப்ராஹிம் நினைவுகூர்ந்துள்ளார். 1998ல் தான் சிறையில் அடைக்கப்பட்ட போது, தனது மகனின் கல்வி செலவுக்கு பணம் தருவதாக மன்மோகன் சிங் கூறியதாகவும், ஆனால் மலேசிய அரசுக்கு எதிராக இருக்கும் என அதை பணிவாக மறுத்ததாகவும் அவர் கூறியுள்ளார். அத்தகைய இருண்ட நாட்களில், உண்மையான நண்பராக அவர் தன்னுடன் நின்றதாக குறிப்பிட்டுள்ளார்.
News December 27, 2024
2024ல் கெத்து காட்டிய இளம் ஹீரோக்கள்
2024ல் பல பெரிய ஸ்டார்கள் சறுக்கிய நிலையில், இளம் ஹீரோக்கள் ஸ்கோர் செய்துள்ளனர். தனுஷின் ‘ராயன்’ எதிர்பார்த்ததை விட ஹிட் அடித்தது. SKன் ‘அமரன்’ பட்டி தொட்டியெங்கும் பட்டையை கிளப்பியது. VJSன் ‘மகாராஜா’ இந்தியா மட்டுமல்லாது, உலகமெங்கும் ராஜநடை போட்டது. இதுபோக, சூரியின் ‘கருடன்’,
மணிகண்டனின் ‘லவ்வர்’, ‘லப்பர் பந்து’ மற்றும் ‘ப்ளூஸ்டார்’ படங்களும் எதிர்பாராத வசூலை குவித்தன.
News December 27, 2024
நாளை ஒரு நாள் விடுமுறை
EX PM மன்மோகன் சிங் மறைவுக்கு இரங்கல் தெரிவிக்கும் வகையில், மத்திய அமைச்சரவை முக்கிய முடிவு எடுத்துள்ளது. அதன்படி நாளை (சனிக்கிழமை) விடுமுறை என அறிவிக்கப்பட்டுள்ளது. இந்த விடுமுறை மத்திய அரசு ஊழியர்கள், நாட்டின் மத்திய அரசின் பொதுத்துறை நிறுவனங்களுக்கும் பொருந்தும். ஏற்கனவே 7 நாட்கள் துக்கம் அனுசரிக்கப்படும் என மத்திய அரசு அறிவித்திருந்தது. அதன் ஒருபகுதியாக இந்த அறிவிப்பு வெளியாகியுள்ளது.
News December 27, 2024
மன்மோகன் சிங்கிற்கு தனி நினைவிடம் கேட்கும் காங்.
யமுனா நதிக் கரையில் மன்மோகன் சிங்கிற்கு தனி நினைவிடம் அமைக்க பிரதமர் மோடிக்கு கார்கே கடிதம் எழுதியுள்ளார். இதுகுறித்து பிரதமரிடம் முன்னரே அவர் செல்போனில் பேசியிருந்தார். மேலும். அமைச்சர் ராஜ்நாத் சிங்குடனும் காங். பேச்சுவார்த்தை நடத்தி வருகிறது. தேசிய அளவிலான தலைவர்களுக்கு பொதுவான நினைவிடமே உள்ளது. தனி நினைவிடங்களுக்கான கோரிக்கைகளுக்கு காங். தலைமையிலான UPA அரசு தடையாக இருந்தது குறிப்பிடத்தக்கது.
News December 27, 2024
2024: பெரிய ஸ்டார்களின் தோல்வி
2024ல் பெரிதும் எதிர்பார்க்கப்பட்டு பாக்ஸ் ஆஃபிஸில் பெரிதாக கல்லா கட்டாத படங்கள் பல உள்ளன. ரஜினிகாந்தை முன்னிறுத்தி புரோமோஷன் செய்யப்பட்ட ‘லால் சலாம்’அதில் ஒன்று. கமலின் ‘இந்தியன் 2’, சூர்யாவின் ‘கங்குவா’ பற்றி சொல்லவே தேவையில்லை. SKன் ‘அயலான்’ விஷுவல் ட்ரீட்டாக அமைந்தாலும் வசூல் பண்ண தவறியது. விஷாலின் ‘ரத்னம்’, ஜெயம் ரவியின் ‘பிரதர்’ வந்த சுவடே தெரியாமல் போனது.
News December 27, 2024
பெண்கள் ஆண்களுடன் பேசுவதை தடுக்கக்கூடாது: HC
அண்ணா பல்கலை.,மாணவி வன்கொடுமை வழக்கில், “காதல் என்பது பெண்ணின் தனிப்பட்ட விவகாரம்” என ஐகோர்ட் கருத்து தெரிவித்துள்ளது. “பெண்கள் ஆண்களுடன் பேசக்கூடாது; அவர் அங்கு சென்றிருக்கக் கூடாது என்றெல்லாம் பேசக்கூடாது. மாணவர்கள்- மாணவிகள் யாரிடம் பேச வேண்டும் என்பதை யாரும் தீர்மானிக்க முடியாது. அது அவர்களின் விருப்பம். மாணவிகள் ஆண் நண்பர்களுடனோ, காதலர்களுடனோ பேச தடை செய்யக்கூடாது” எனவும் கூறியுள்ளது.
News December 27, 2024
முதலிடம் பிடித்து தமிழகம் சாதனை
நாட்டிலேயே கொடி நாளில் அதிகபட்சமாக ₹67.54 கோடி நிதி வசூல் செய்து தமிழகம் முதலிடத்தை பிடித்து சாதனை படைத்துள்ளது. அதிகபட்சமாக சென்னையில் ₹7.7 கோடியும், திருவள்ளூரில் ₹6.6 கோடியும் வசூலிக்கப்பட்டுள்ளது. கடந்த ஆண்டு தமிழகத்தில் ₹64.29 கோடி வசூல் செய்யப்பட்டது. ஒவ்வொரு ஆண்டும் படைவீரர்கள் ஆற்றிய தொண்டுகளை நினைவு கூர்ந்து, கொடி நாளில் திரட்டப்படும் நிதி அவர்களது குடும்பங்களுக்கு அனுப்பப்படுகிறது.
News December 27, 2024
கேப்டனுக்கு அஞ்சலி செலுத்துவாரா விஜய்?
கேப்டன் விஜயகாந்தின் முதலாமாண்டு நினைவு நாள் நாளை அனுசரிக்கப்பட உள்ளது. இதில் கலந்து கொண்டு அஞ்சலி செலுத்த விஜய்யை நேரில் சந்தித்து விஜயபிரபாகரன் அழைப்பு விடுத்துள்ளார். மேலும், விஜயகாந்தின் வெண்கல சிலை ஒன்றையும் அவரது மகன் வழங்கினார். கேப்டன் மீது பற்று கொண்ட விஜய், நாளை அவரது நினைவிடத்திற்கு சென்று அஞ்சலி செலுத்துவார் என எதிர்பார்க்கப்படுகிறது.
Featured News
Sorry, no posts matched your criteria.