India's largestHyperlocal short
news App
Get daily news updates that are tailored for you based on your preferred language & location.
download Way2News app now
News January 1, 2025
ரஜினியுடன் ஓபிஎஸ் சந்திப்பு
சென்னை போயஸ் கார்டன் இல்லத்தில் நடிகர் ரஜினிகாந்தை ஓபிஎஸ் சந்தித்து பேசி வருகிறார். உடல்நலம் குறித்து விசாரிக்கவும், புத்தாண்டு வாழ்த்து சொல்லவும் ஓபிஎஸ் வந்துள்ளதாக கூறப்படுகிறது. ஆனால், இந்த சந்திப்பின் பின்புலத்தில் அரசியல் இருக்காது என்று உறுதியாக சொல்ல முடியாது. 2026 சட்டமன்றத் தேர்தல் கணக்கு, பாஜக கூட்டணி உள்ளிட்ட காரணங்கள் இருக்கலாம் என அரசியல் விமர்சகர்கள் சந்தேகம் எழுப்புகின்றனர்.
News January 1, 2025
2025ல் புறப்பட்ட விமானம் 2024ல் தரையிறங்கியது
எப்புட்றா.. என்ற மாதிரியான ஒரு சம்பவம் நடந்துள்ளது. 2025ல் புறப்பட்ட விமானம் ஒன்று, 2024ல் தரையிறங்கிய தலைகீழ் விநோதம் நிகழ்ந்துள்ளது. அது எப்படி திமிங்கலம் என கேட்கிறீர்களா? ஹாங்காங்கில் 2025 ஜனவரி 1ஆம் தேதி 12.38PMக்கு புறப்பட்ட விமானம், லாஸ் ஏஞ்செல்ஸில் 2024 டிசம்பர் 31ஆம் தேதி 8PMக்கு தரையிறங்கியுள்ளது. ஹாங்காங்கில் 14 மணி நேரத்திற்கு முன்னதாகவே, புத்தாண்டு தொடங்கிவிட்டதுதான் அதற்கான காரணம்.
News January 1, 2025
2025-இல் நிகழும் அதிசயங்கள்: மிஸ் பண்ணிடாதீங்க!
2025ஆம் ஆண்டில் பல வானியல் அதிசயங்கள் நிகழவுள்ளன. அதன்படி, ஜன.15-16 தேதிகளில் வானில் செவ்வாய்க்கிரகம் மிக பிரகாசமாக தெரியும். பிப்.28இல் புதன், வெள்ளி, சனி, செவ்வாய், வியாழன், யுரேனஸ், நெப்டியூன் என 7 கிரகங்கள் ஒரே நேர்கோட்டில் தெரியும். இதை வெறும் கண்ணால் பார்க்கலாம். அதேபோல, செப்.7-8 தேதிகளில் முழு சந்திர கிரகணம் நிகழ்கிறது. அன்று ரத்த நிறத்தில் இருக்கும் சந்திரனை வெறும் கண்ணால் பார்க்கலாம்.
News January 1, 2025
தீவிரவாதியை இந்தியாவிற்கு அனுப்ப USA ஒப்புதல்
மும்பை தீவிரவாதத் தாக்குதலுக்கு மூளையாக செயல்பட்ட தஹாவூர் ஹுசைன் ராணாவை இந்தியாவிற்கு நாடு கடத்த அமெரிக்க நீதிமன்றம் ஒப்புதல் அளித்துள்ளது. இதனையடுத்து, தூதரக ரீதியிலான நடவடிக்கைகள் மேற்கொள்ளப்பட்டு வருகின்றன. அமெரிக்க சிறையில் உள்ள ராணாவை நாடுகடத்த, இந்தியா மேற்கொண்ட நீண்ட போராட்டத்திற்கு கிடைத்த வெற்றியாக இது கருதப்படுகிறது. 2008ல் நடந்த தீவிரவாதத் தாக்குதலில் 166 பேர் கொல்லப்பட்டனர்.
News January 1, 2025
புத்தாண்டு: எச்சரிக்கையாக இருக்க வேண்டிய 2 ராசிகள்
புத்தாண்டில் சனி-சுக்கிரனின் பெயர்ச்சிகள் 2 ராசிகளை படாத பாடு படுத்தும் என ஜோதிடர்கள் கணித்துள்ளனர். 1) கன்னி: செலவுகள் அதிகரிக்கும். விருப்பங்கள் நிறைவேறாமல் மன அழுத்தம் உண்டாகும். உடல்நலனில் அக்கறை தேவை. அவசர முடிவுகளை எடுக்க வேண்டாம். 2) தனுசு: 3ஆம் வீட்டில் சுக்கிரன்-சனி இணைவதால் கடன் தொல்லை ஏற்படும். வாழ்க்கை துணையுடன் சண்டை – சச்சரவு உருவாகும். வார்த்தையில் கவனமாக இருப்பது நல்லது.
News January 1, 2025
‘விடாமுயற்சி’ தள்ளிப் போனதற்கு இது காரணமா?
அஜித்தின் ‘விடாமுயற்சி’ திரைப்படம் பொங்கல் வெளியீட்டில் இருந்து தள்ளிப் போனதற்கான காரணம் வெளியாகியுள்ளது. இரவு, பகலாக பின்னணி இசையமைக்கும் பணியில் அனிருத் ஈடுபட்டு வரும் நிலையில், 3 நாளில் முடிக்க படக்குழு அழுத்தம் கொடுத்துள்ளது. ஆனால், இசை மற்றும் சவுண்ட் மிக்ஸிங் செய்ய 15 நாள் ஆகும் என திட்டவட்டமாக கூறிவிட்டதால், படம் தள்ளிப்போனதாம். இதனால் ட்ரெய்லர் கூட இன்று வெளியாகாது என கூறப்படுகிறது.
News January 1, 2025
பவுடர் பால் குழந்தைகளுக்கு நீரிழிவு நோயை உண்டாக்குமா?
பவுடர் பால் தயாரிப்பின் காரணமாக, ஆக்ஸிஜனேற்றப்பட்ட கொலஸ்ட்ரால் உருவாகிறது. அது பிற்காலத்தில் இதய நோய்க்கு வழிவகுக்கலாம். மேலும், குழந்தைகள் விரும்பும் வகையில் இந்த பாலில் சேர்க்கப்படும் flavourகளால் சர்க்கரை அளவு கூடுவதால், அது வகை 2 நீரிழிவு நோய்க்கு வழிவகுக்கலாம் எனப்படுகிறது. பவுடர் பால் பொதுவாக தீங்கானது என்றாலும், அது fresh பாலை போல முழுமையானது அல்ல. அளவுக்கு மிஞ்சினால் அளவுக்கு நஞ்சு.
News January 1, 2025
அரசுப் பள்ளிகள் தனியார்மயமாகிறதா?
மாநிலத்தில் உள்ள 500 அரசுப் பள்ளிகளின் கட்டமைப்பு வசதிகள், தனியார் பங்களிப்புடன் நிறைவேற்றப்படும் என அமைச்சர் அன்பில் மகேஷ் அறிவித்திருந்தார். இந்த அறிவிப்புக்கு கண்டனம் தெரிவித்துள்ள மார்க்சிஸ்ட் கம்யூனிஸ்ட் கே. பாலகிருஷ்ணன், அமைச்சரின் அறிவிப்பு பேரதிர்ச்சி கொடுப்பதாகவும், அரசுப் பள்ளிகளை தனியாருக்கு தத்து கொடுக்கும் இந்த நடவடிக்கையை உடனடியாக கைவிட வேண்டும் எனவும் வலியறுத்தியுள்ளார்.
News January 1, 2025
புதிய வரலாறு படைத்த பும்ரா
ICC தரவரிசையில் பும்ரா 907 புள்ளிகளை பெற்று முதல் இடத்தை பிடித்து வரலாறு படைத்துள்ளார். 147 வருட Test cricket வரலாற்றில், இதுவரை எந்த இந்திய அணி பவுலரும் 907 புள்ளிகளை பெற்றதே கிடையாது. AUSக்கு எதிரான 4 போட்டிகளில் விளையாடி 30 விக்கெட்டுகளை வீழ்த்தியதன் மூலம் இச்சாதனையை நிகழ்த்தியுள்ளார். இதற்குமுன் அஸ்வின் 904 புள்ளிகளை பெற்று நம்பர் 1 இடத்தை பிடித்திருந்த நிலையில், அதை பும்ரா முறியடித்துள்ளார்.
News January 1, 2025
60 லட்சம் பேர் காத்திருப்பது அரசுக்கு தெரியாதா?
அரசு வேலைவாய்ப்புக்காக 60 லட்சம் பேர் காத்திருக்கையில் ஆண்டுக்கு 10,701 அரசு வேலைவாய்ப்புகளை மட்டுமே வழங்குவது நியாயமா என ராமதாஸ் கேள்வி எழுப்பியுள்ளார். TNPSCஇன் ஆண்டு அறிக்கையைச் சுட்டிக்காட்டியுள்ள அவர், TNUSRB, மருத்துவத் துறை என மொத்தமாக 2024இல் 15,000 பேருக்கு மட்டுமே அரசு வேலை கிடைத்துள்ளதாகவும், அரசின் அலட்சியத்தால் 6.25 லட்சம் பணியிடங்கள் காலியாக உள்ளதாகவும் வேதனை தெரிவித்துள்ளார்.
Featured News
Sorry, no posts matched your criteria.