India's largestHyperlocal short
news App
Get daily news updates that are tailored for you based on your preferred language & location.
download Way2News app now
News October 28, 2025
விஜய்யின் அடுத்த கட்ட நகர்வு
கரூர் துயர சம்பவத்துக்கு பிறகு 1 மாதமாக முடங்கிப்போய் இருக்கிறது தவெக. நேற்றுதான் பலியானோர் குடும்பத்தை அழைத்து விஜய் ஆறுதல் சொல்லி, இழப்பீடு வழங்கினார். இந்நிலையில், மீண்டும் புத்துணர்ச்சியோடு தேர்தல் பணிகளை தொடர்வது குறித்து 2-ம் கட்ட நிர்வாகிகளோடு விஜய் ஆலோசனை நடத்தியுள்ளார். இதில், கட்சியின் பொதுக்குழுவை விரைவில் நடத்தவேண்டும் என விஜய் சொன்னதாக கூறப்படுகிறது.
News October 28, 2025
‘மொன்தா’ பெயரின் அர்த்தம் தெரியுமா?
இன்று தமிழகம், ஆந்திராவை அதிர வைத்துள்ள ‘மொன்தா’ புயலின் பெயர் காரணம் தெரியுமா? இப்பெயரை தாய்லாந்து நாடு பரிந்துரைத்துள்ளது. தாய்லாந்து மொழியில் ‘மொன்தா’ என்றால், ‘மணமிக்க மலர்’ அல்லது ‘அழகான பூ’ என பொருள் பெறுகிறது. மேலும், மென்மை, அழகு & இயற்கையின் மணத்தை குறிக்கவும் தாய்லாந்து மொழியில் ‘மொன்தா’ குறிப்பிடப்படுகிறது. எனவே, இயற்கையின் அழகையும், மழையின் நறுமணத்தையும் ‘மொன்தா’ பிரதிபலிக்கிறது.
News October 28, 2025
இந்தியாவின் டாப் 5 பணக்கார கோயில்கள்!
இந்தியாவில் துட்டு கொட்டோ கொட்டு’னு கொட்டும் கோயில் திருப்பதி என அனைவரும் அறிவோம். ஆனால், திருப்பதியை போலவே நாட்டின் பணக்கார கோயில்கள் லிஸ்ட் உங்களுக்கு தெரியுமா? மேலே உள்ள போட்டோவை வலது பக்கமாக Swipe செய்து அந்த லிஸ்ட்டை பார்க்கவும். இவற்றில் எந்தெந்த கோயில்களில் நீங்க தரிசனம் செஞ்சிருக்கீங்க?
News October 28, 2025
வெளிநாட்டவர்களுக்கு புதிய கட்டுப்பாடுகள் விதித்த USA
அமெரிக்காவில் உள்நாட்டு பாதுகாப்பை வலுப்படுத்தும் வகையில் வெளிநாட்டவர்களுக்கு புதிய கட்டுப்பாடுகள் விதிக்கப்பட்டுள்ளன. அதன்படி கிரீன் கார்டு வைத்திருக்கும் வெளிநாட்டினர் உள்பட அனைவரும் நாட்டிற்குள் நுழையும் போதும், வெளியேறும் போதும் facial recognition மற்றும் பயோமெட்ரிக் சோதனைக்கு உட்பட வேண்டும் என தெரிவிக்கப்பட்டுள்ளது. போலி ஆவணங்கள் வைத்திருப்பவர்களை கண்டறிய இந்நடவடிக்கை எடுக்கப்பட்டுள்ளது.
News October 28, 2025
FLASH: தொடர் ஏறுமுகத்தில் இந்திய பங்குச்சந்தைகள்!
நேற்று போல் இன்றும் பங்குச்சந்தைகள் ஏற்றத்துடனே வர்த்தகத்தை தொடங்கியுள்ளன. அதன்படி சென்செக்ஸ் 108 புள்ளிகள் உயர்ந்து 84,887 புள்ளிகளாக வர்த்தகமாகிறது. அதேபோல் நிஃப்டி 40 புள்ளிகள் உயர்ந்து 26,000 புள்ளிகளாக வர்த்தகமாகிறது. HDFC, BHARATHI AIRTEL, SBI உள்ளிட்ட பங்குகள் உயர்ந்துள்ளன. அதேநேரம், ICICI, BAJAJ FINANCE, AXIS BANK உள்ளிட்ட பங்குகள் சரிந்துள்ளன.
News October 28, 2025
‘SIR’ என்றாலே திமுகவுக்கு பயம்: நயினார் நாகேந்திரன்
‘SIR’ என்றாலே திமுகவுக்கு பயம் என நயினார் நாகேந்திரன் சாடியுள்ளார். வாக்காளர் பட்டியல் சிறப்பு தீவிர திருத்தம்(SIR) தமிழகம் உள்ளிட்ட 12 மாநிலங்களில் நவ.4-ல் தொடங்குகிறது. தேர்தலுக்கு குறுகிய காலமே இருப்பதால் TN-ல் மேற்கொள்ள கூடாது என திமுக எதிர்ப்பு தெரிவித்துள்ளது. இந்நிலையில், திமுகவுக்கு ஆதரவான போலி வாக்காளர்கள் நீக்கப்படுவார்கள் என்பதால்தான் SIR-யை திமுக எதிர்ப்பதாக நயினார் கூறியுள்ளார்.
News October 28, 2025
ஓய்வு பெறுகிறாரா மெஸ்ஸி?
கால்பந்து உலகின் அரசன் லியோனல் மெஸ்ஸி சர்வதேச கால்பந்து போட்டிகளிலிருந்து ஓய்வு பெறவுள்ளதாக பேசப்பட்டது. இந்நிலையில், 2026 உலகக்கோப்பையில் விளையாட விரும்புவதாக அவரே தெரிவித்துள்ளதால் கால்பந்து ரசிகர்கள் மகிழ்ச்சியில் உள்ளனர். ஆனால், உடற்தகுதி இருந்தால் மட்டுமே பங்கேற்பேன் எனவும் கூறியுள்ளார். தற்போது அவர் இன்டர் மியாமி அணி சார்பாக கிளப் போட்டிகளில் விளையாடி வருகிறார் என்பது குறிப்பிடத்தக்கது.
News October 28, 2025
BREAKING: தங்கம் விலை மீண்டும் குறைந்தது
தங்கம் விலை இன்று(அக்.28) சவரனுக்கு ₹1,200 குறைந்துள்ளது. 22 கேரட் 1 கிராம் ₹11,300-க்கும், சவரன் ₹90,400-க்கும் விற்பனையாகிறது. <<18124580>>சர்வதேச சந்தையில்<<>> தங்கம் விலை மளமளவென சரிந்து வரும் நிலையில், நம்மூரிலும் அதன் தாக்கம் எதிரொலித்துள்ளது. இது வரும் சில நாள்களுக்கு நீடிக்க வாய்ப்புள்ளதாக கூறப்படுகிறது.
News October 28, 2025
காஷ்மீர் மக்களுக்கு நாங்க இருக்கோம்: பாக்., PM
இந்திய ராணுவம் 1947-ல் காஷ்மீரை ஆக்கிரமித்ததாக கூறி, ஆண்டுதோறும் அக்.27-ஐ கருப்பு நாளாக பாக்., கடைப்பிடித்து வருகிறது. இதனையொட்டி PAK PM ஷெபாஸ் ஷெரீப் & PAK அதிபர் ஆசிப் அலி சர்தாரி, காஷ்மீர் மக்களையும், அவர்களின் உரிமையையும் இந்தியா நிராகரிப்பதாக கூறியுள்ளனர். மேலும், இப்போராட்டத்தில் காஷ்மீர் மக்கள் தனியாக இல்லை எனவும், அவர்களுடன் 24 கோடி பாகிஸ்தானியர்கள் நிற்கின்றனர் என்றும் தெரிவித்துள்ளனர்.
News October 28, 2025
Rohit அதிரடியாக விளையாட விரும்பவில்லை: முகமது கைஃப்
ஆஸி.,க்கு எதிரான முதல் ODI போட்டியில் சொதப்பிய ரோஹித், 2-வது (73 ரன்கள்), கடைசி (121 ரன்கள்) போட்டிகளில் ரன்களை குவித்தார். தனது ரன்களை வைத்தே ரசிகர்கள் தன்னை மதிப்பிடுவார்கள் என்பதை ரோஹித் புரிந்து வைத்துள்ளதாக முன்னாள் வீரர் முகமது கைஃப் தெரிவித்துள்ளார். 20 பந்துகளில் 40 ரன்கள் என்ற அதிரடி விளையாட்டை ரோஹித் விளையாட விரும்பவில்லை என்ற அவர், களத்தில் நீண்ட நேரம் இருக்க விரும்புவதாகவும் கூறினார்.
Featured News
Sorry, no posts matched your criteria.