India's largestHyperlocal short
news App
Get daily news updates that are tailored for you based on your preferred language & location.
download Way2News app now
News November 18, 2024
பிளாஸ்டிக் கவரில் உணவு: உரிமம் ரத்தாகும்
தமிழகத்தில் சில்வர் பேப்பர், பிளாஸ்டிக் கவரில் உணவு பார்சல் செய்தால் கடும் நடவடிக்கை எடுக்கப்படும் என உணவு பாதுகாப்புத்துறை எச்சரித்துள்ளது. சில்வர் பேப்பர், பிளாஸ்டிக் கவரை கடையில் விற்பனை செய்தாலும் நடவடிக்கை எடுக்கப்படும் எனவும், உத்தரவை மீறி பிளாஸ்டிக் கவரில் உணவு பார்சல் செய்தால், கடையின் உரிமம் ரத்து செய்யப்படுவதுடன், கடைக்கு சீல் வைத்து ₹5,000 அபராதம் விதிக்கப்படும் என்றும் கூறியுள்ளது.
News November 18, 2024
நேதாஜி மரணம்: விசாரணை கோரிய மனு தள்ளுபடி
நேதாஜி மரணம் குறித்து விசாரணை கோரும் மனுவை சுப்ரீம் கோர்ட் (SC) தள்ளுபடி செய்தது. 1945இல் தைவானில் நேரிட்ட விமான விபத்தில் நேதாஜி உயிரிழந்ததாக அறிவிக்கப்பட்டது. ஆனால் இதை அவரின் ஆதரவாளர்கள் நம்ப மறுக்கின்றனர். இந்நிலையில், அவரின் மரணம் குறித்து விசாரணை கோரி தாக்கலான மனுவை விசாரித்த SC, அரசை நடத்துவது சுப்ரீம் காேர்டின் பணியில்லை. இதுகுறித்து உரிய மன்றத்தை மனுதாரர் அணுக வேண்டும் என ஆணையிட்டது.
News November 18, 2024
கோலியை பின்னுக்கு தள்ளிய பாபர் அசாம்
T20 போட்டிகளில் அதிக ரன்கள் எடுத்தவர்கள் பட்டியலில் விராட் கோலியை பின்னுக்குத்தள்ளி 2ஆம் இடம் பிடித்துள்ளார் பாக்., வீரர் பாபர் அசாம். ஆஸ்திரேலியாவுக்கு எதிராக இன்று நடைபெற்ற T20 போட்டியில் 41 ரன்கள் எடுத்தபோது இந்த சாதனை படைத்தார். இந்த பட்டியலில் ரோஹித் ஷர்மா (4,231) முதல் இடத்திலும், பாபர் அசாம் (4,192), விராட் கோலி (4,188) முறையே 2,3 இடங்களிலும் உள்ளனர்.
News November 18, 2024
விரைவில் திருமணம்: அதர்வா
விரைவில் திருமணம் செய்ய இருப்பதாக நடிகர் அதர்வா தெரிவித்துள்ளார். இதுகுறித்து அவர் கூறியபோது, அனைவரும் தன்னிடம் திருமணம் எப்போது என்று தொடர்ந்து கேட்டு வருவதாக தெரிவித்துள்ளார். ஆனால் தாம் திருமணம் செய்யப் போகும் பெண் யார்? அவர் நடிகையா? உறவுக்கார பெண்ணா? என்பது உள்ளிட்ட விவரங்களை அதர்வா தெரிவிக்கவில்லை. உங்களுக்கு அவர் யாரை திருமணம் செய்ய இருக்கிறார் என்று தெரியுமா? கீழே பதிவிடுங்க.
News November 18, 2024
டாஸ்மாக் நிர்வாகத்திற்கு ஐகோர்ட் அதிரடி உத்தரவு
மக்கள் எதிர்ப்பு தெரிவித்தால் மதுக்கடையை மாற்ற வேண்டும் என சென்னை ஐகோர்ட் உத்தரவிட்டுள்ளது. போலி மதுபானம் விற்பதாக தொடரப்பட்ட வழக்கை ரத்து செய்யக்கோரி சுந்தர் என்பவர் தொடர்ந்த வழக்கை விசாரித்த நீதிமன்றம், குத்தகை காலம் முடிந்த பிறகு கடையை ஏன் காலி செய்யவில்லை எனக் கேட்டால் போலீசை வைத்து வழக்கு போடுவீர்களா என கேள்வி எழுப்பியது. இது தொடர்பாக TASMAC நிர்வாக இயக்குநர் பதிலளிக்கவும் உத்தரவிட்டுள்ளது.
News November 18, 2024
அரசு பள்ளி விடுதி காப்பாளர் பணியிடங்கள்: புது UPDATE
தமிழகம் முழுவதும் 1300க்கும் அரசு பள்ளி விடுதிகள் உள்ளன. இவை அனைத்தும் மிகவும் பிற்படுத்தப்பட்டோர், சிறுபான்மை நலத்துறைகள் சார்பில் இயங்கி வருகின்றன. இவற்றில் தற்போது 477 காப்பாளர் பணியிடங்கள் காலியாக உள்ளன. இந்த இடங்களுக்கு பட்டதாரி ஆசிரியர்கள், இடைநிலை ஆசிரியர்களை நியமிக்க முடிவு செய்யப்பட்டிருந்தது. இந்நிலையில், தற்போது பள்ளி ஆசிரியர்களும் விண்ணப்பிக்கலாம் என அரசு தெரிவித்துள்ளது. SHARE IT
News November 18, 2024
பாலியல் புகார்: தனியார் TV பாடகர் கைது
தனியார் TV இசை நிகழ்ச்சியில் பாடகராக பங்கேற்று பிரபலமான குருகுகன் (26) பாலியல் புகாரில் கைது செய்யப்பட்டுள்ளார். சென்னையை சேர்ந்த பெண் மென்பொறியாளர் அளித்த புகாரில், திருமணம் செய்து கொள்வதாகக் கூறி குகன் தன்னிடம் நெருங்கிப் பழகியதாகவும், பின் தான் கர்ப்பமடைந்ததும் கருவை கலைத்துவிட்டு ஏமாற்றி விட்டதாகவும் கூறியிருந்தார். அதன்பேரில், தலைமறைவாக இருந்த குகனை இன்று போலீசார் கைது செய்தனர்.
News November 18, 2024
அமேசான் காடுகளுக்கு சென்ற US அதிபர்
அமெரிக்க அதிபர் தேர்தல் முடிந்த நிலையில் அதிபர் ஜோ பைடன் முதல்முறையாக பிரேசில் சென்றுள்ளார். இதன்மூலம் அமேசான் மழைக்காட்டுக்குச் சென்ற முதல் அமெரிக்க அதிபர் என்ற பெருமையை ஜோ பைடன் பெற்றுள்ளார். அங்கு பேசிய அவர், அமேசான் உலகத்தின் நுரையீரல். மனித குலத்தின் நன்மைக்காக, இதனை நாம் பாதுகாக்க வேண்டும் என கூறியுள்ளார்.
News November 18, 2024
திருச்செந்தூர் கோயில் யானை மிதித்ததில் 2 பேர் பலி
திருச்செந்தூர் சுப்பிரமணிய சுவாமி கோயில் யானை(தெய்வானை) மிதித்ததில் இருவர் உயிரிழந்தனர். திடீரென மதம் பிடித்த யானை கோயிலுக்கு வந்திருந்த 2 பேரை மிதித்தது. இதில் யானை பாகனின் உறவினரான சிசுபாலன் என்பவர் சம்பவ இடத்திலேயே உயிரிழந்தார். பலத்த காயமடைந்த யானைப் பாகன் உதயகுமார் அருகில் உள்ள ஹாஸ்பிட்டலில் அனுமதிக்கப்பட்ட நிலையில், சிகிச்சை பலனின்றி சற்றுமுன் பலியானார்.
News November 18, 2024
18 மாவட்டங்களில் மழை பற்றாக்குறை
தமிழகம் முழுவதும் கடந்த அக்டோபர் முதல் பரவலாக மழை பெய்வது அனைவரும் அறிந்ததே. இப்படி மழை பெய்தும், 18 மாவட்டங்களில் மழை போதிய அளவில் பெய்யவில்லை, பற்றாக்குறை என்று புள்ளி விவரங்கள் கூறுகின்றன. மயிலாடுதுறை மாவட்டத்தில் அதிகபட்சம் 41 செ.மீ. மழை பெய்தபோதும் 14 செ.மீ. பற்றாக்குறை என்றும், கடலூர் மாவட்டத்தில் 40 செ.மீ. மழை பெய்தாலும் 15 செ.மீ. பற்றாக்குறை என்றும் புள்ளி விவரங்கள் தெரிவிக்கின்றன.
Featured News
Sorry, no posts matched your criteria.