News September 27, 2024
பத்மஸ்ரீ விருது பெற்ற பாப்பம்மாள் காலமானார்
பத்மஸ்ரீ விருது பெற்ற இயற்கை விவசாயி பாப்பம்மாள் (109) உடல்நலக்குறைவால் காலமானார். கோவை மேட்டுப்பாளையம் அடுத்த தேக்கம்பட்டியைச் சேர்ந்த அவர், விவசாயத்திற்கு அளித்த பங்களிப்பை பாராட்டி 2021ம் ஆண்டு மத்திய அரசு பத்மஸ்ரீ விருது வழங்கியது. இவர், தான் விவசாயம் கற்ற வேளாண் பல்கலை. விவாதக் குழுவின் உறுப்பினராகவும் இருந்தார். அண்மையில் திமுக முப்பெரும் விழாவில் அவருக்கு பெரியார் விருது வழங்கப்பட்டது.
Similar News
News January 20, 2026
குடும்ப அட்டைகளுக்கு ₹3,000.. தமிழக அரசு அறிவித்தது
விடுபட்ட குடும்ப அட்டைதாரர்களுக்கு நேற்று ரேஷன் கடைகளில் பொங்கல் பரிசுத் தொகுப்பு வழங்கப்பட்டது. இந்நிலையில், இன்றும் ₹3,000 ரொக்கம் அடங்கிய இத்தொகுப்பு விடுபட்டவர்களுக்கு வழங்கப்படவுள்ளது. 97% குடும்ப அட்டைகளுக்கு பொங்கல் பரிசு வழங்கப்பட்ட நிலையில், மீதமுள்ள 3% பேருக்கும் முறையாக வழங்க வேண்டும் என அரசு அறிவுறுத்தியுள்ளது.
News January 20, 2026
கூட்டணி ஆட்சி கிடையாது: தம்பிதுரை திட்டவட்டம்
தமிழகத்தில் இதுவரை கூட்டணி ஆட்சி கிடையாது என்று கூறியுள்ள அதிமுக MP தம்பிதுரை, 2026-லும் கூட்டணி ஆட்சி இருக்காது என்று திட்டவட்டமாக தெரிவித்துள்ளார். ஓசூரில் பேசிய அவர், EPS தலைமையில் அதிமுக தனித்து தான் ஆட்சியை அமைக்கும் என்று கூறியுள்ளார். தேர்தலில் மட்டும் தான் கூட்டணி; ஆட்சியில் கூட்டணி கிடையாது என்று கூறிய அவர், கூட்டணி ஆட்சியை மக்கள் விரும்ப மாட்டார்கள் எனவும் குறிப்பிட்டுள்ளார்.
News January 20, 2026
சோஷியல் மீடியாவை அலற வைக்கும் அசின் போட்டோஸ்!
பல ஆண்டுகளாக மீடியா கண்ணில் படாமல் இருந்த அசின், தற்போது வைரலாகியுள்ளார். தங்களது 10-ம் ஆண்டு திருமண நாளை முன்னிட்டு கணவர் ராகுல், அசினின் போட்டோஸுடன் வாழ்த்துகளை பதிவிட அது ரசிகர்களை ஆரவாரத்தில் ஆழ்த்தியுள்ளது. ‘10-ம் ஆண்டு வாழ்த்துக்கள், என் அன்பே. வாழ்க்கையில் உன் Co-star-ஆக இருப்பது அதிர்ஷ்டம்’ எனவும் ராகுல் பதிவிட்டுள்ளார். 2016-ம் ஆண்டு திருமணமான இவர்களுக்கு ஒரு பெண் குழந்தை உள்ளது.