News April 6, 2024
சம்பளத்தை பிடித்தம் செய்ய உத்தரவு
சம வேலைக்கு சம ஊதியம் கேட்டு பிப்.19, 2024 முதல் மார்ச் 8, 2024 வரை அரசுக்கு எதிராக போராட்டம் நடத்திய ஆசிரியர்களின் சம்பளத்தை பிடித்தம் செய்ய பள்ளி கல்வித்துறை உத்தரவிட்டுள்ளது. போராட்டத்தில் கலந்துகொண்ட நாள்களை சம்பளமில்லா விடுப்பாக அனுமதித்து பணிப்பதிவேட்டில் பதிவு செய்யவும், 19 நாள்களுக்கு உரிய ஊதியம், பிற படிகளை ஒரே தவணையில் பிடித்தம் செய்யவும் உத்தரவிடப்பட்டுள்ளது.
Similar News
News February 19, 2026
விஜய்யின் கூட்டணி கனவு நொறுங்கியது
‘ஆட்சியில் பங்கு’ என அறிவித்த விஜய்யின் கூட்டணி கனவு தவிடுபொடி ஆகியுள்ளதாக கூறப்படுகிறது. தேமுதிக, புதிய தமிழகம் மௌனம் காத்துவந்த நிலையில், இரு கட்சிகளும் தவெகவுடன் கூட்டணி அமைக்கலாம் என பேசப்பட்டது. இந்நிலையில், தேமுதிக தற்போது திமுக கூட்டணியில் ஐக்கியமாகிவிட்டது. இதனால், தனித்து போட்டியிடும் நிலைமைக்கு தள்ளப்பட்டுள்ள விஜய்யுடன் புதிய தமிழகமும் கூட்டணி வைக்க வாய்ப்பில்லை என கூறப்படுகிறது.
News February 19, 2026
தங்கம் விலை தடாலடியாக மாறியது
கடந்த 3 நாள்களாக தொடர் சரிவை சந்தித்த ஆபரணத் தங்கத்தின் விலை, இன்று ஒரே நாளில் சவரனுக்கு ₹2,160 உயர்ந்துள்ளது. சர்வதேச சந்தையில் மாலை நேர நிலவரப்படி தங்கம் விலை உயர்ந்து 1 அவுன்ஸ் $4,991.28-ஆக விற்பனையாகிறது. இதன் எதிரொலியால் உள்நாட்டு சந்தையிலும் நாளை தங்கத்தின் விலை அதிகரிக்க வாய்ப்புள்ளதாக பொருளாதார நிபுணர்கள் கூறுகின்றனர்.
News February 19, 2026
ஏழுமலையான் பாதத்தில் அதிமுக வேட்பாளர் லிஸ்ட்!
கடந்த ஏகாதசி நாளன்று EPS திருப்பதியில் தரிசனம் செய்தார். அப்போது அதிமுக சார்பில் போட்டியிடவுள்ள 64 வேட்பாளர்களின் பட்டியலை ஏழுமலையானின் பாதத்தில் வைத்து அவர் வழிபாடு நடத்தியுள்ளார். கூட்டணி கட்சிகளுக்கு ஒதுக்க முடியாத அதிமுகவின் செல்வாக்கான தொகுதிகள் அந்த முதற்கட்டப் பட்டியலில் இடம்பெற்றுள்ளதாம். வேலுமணி, தங்கமணி உள்ளிட்ட முக்கிய வேட்பாளர்கள் அடங்கிய பட்டியல் ஜெ.,வின் பிறந்தநாளில் வெளியாகவுள்ளது.