News February 12, 2025
சபரிமலையில் நடை திறப்பு
மாசி மாத பூஜைகளுக்காக சபரிமலை கோயில் நடை இன்று மாலை திறக்கப்பட்டது. வரும் 17 ஆம் தேதி வரை கோயில் நடை திறந்திருக்கும். ஆன்லைனில் முன்பதிவு செய்து பக்தர்கள் தரிசனத்திற்காக செல்லலாம். மகர சங்கராந்தி முடிந்தும் கடைசி நாள் வரை பக்தர்கள் அதிகமாக திரண்டதால், மாத பூஜைக்காக திறந்திருக்கும் அடுத்த 5 நாட்களிலும் கூட்டம் அலைமோதும் என எதிர்பார்க்கப்படுகிறது.
Similar News
News February 12, 2025
உடலுக்கு வலிமை தரும் புரதம்
இந்திய உணவுமுறை பெரும்பாலும் மாவுச்சத்தை (Carbohydrate) மையப்படுத்தியது. அரிசி, கோதுமை என அனைத்திலுமே மாவுச்சத்தே அதிகம். ஆனால், மாவுச்சத்தை குறைத்து, புரதத்தை உணவில் அதிகம் சேர்த்தால் தசைகள் வலுப்பெற்று, கொழுப்பு குறையும் என்று டாக்டர்கள் கூறுகின்றனர். உடலுழைப்பு இல்லாத ஒருவர், நாளொன்றுக்கு ஒரு கிலோ உடல் எடைக்கு 0.8 கிராம் புரதம் உட்கொள்ள வேண்டுமாம். நீங்கள் போதுமான புரதம் எடுக்கிறீர்களா?
News February 12, 2025
முருகன் சைவமா? அசைவமா?
நாங்கள் கறி சாப்பிட்டுவிட்டுதான் முருகனை வழிபடுவோம் என்று சீமான் பேசியதற்கு, இன்று பாஜக எதிர்ப்பு தெரிவித்துள்ளது. ஆனால், ’வேலம் வெறியாட்டு’ என்ற நிகழ்வு சங்ககாலம் முதல் நடத்தப்படுவதுடன், இதுகுறித்து திருமுருகாற்றுப்படை, சிலப்பதிகாரத்தில் கூட குறிப்புகள் உள்ளதாகவும், அந்நிகழ்வில் முருகனுக்கு ஆட்டுக்கறி படையல் வைப்பது வழக்கம் என ஒருசாரார் கூறுகின்றனர். உங்கள் ஊரில் இந்தப் பழக்கம் உண்டா?
News February 12, 2025
BLOOD MOON பார்க்கனுமா?
இந்தியாவில் தெரியக்கூடிய அடுத்த முழு சந்திர கிரகணம் வரும் செப்டம்பர் 7ஆம் தேதி நிகழவுள்ளது. அன்றைய தினம், பூமியில் நிழலால் நிலவு ரத்த நிறத்தில் தென்படும். இந்த முழு கிரகணத்தை இந்தியாவில் இருந்து வெறும் கண்களால் பார்க்கலாம். சென்னையில் இரவு 11 மணிக்கு தொடங்கும் முழு கிரகணம், நள்ளிரவு 12.22 வரை நீடிக்கும். பகுதி கிரகணம் இரவு 8.58க்கு தொடங்கி நள்ளிரவு 2.25 மணி வரை நீடிக்கும்.