News April 2, 2024
ஒரு வாகனம், ஒரே ஃபாஸ்டேக் அமலானது
ஒரு வாகனம், ஒரே ஃபாஸ்டேக் நடைமுறை நாடு முழுவதும் நேற்று அமலுக்கு வந்தது. ஒரே ஃபாஸ்டேக்கை பயன்படுத்தி பல வாகனங்கள் இயக்கப்பட்டு வருவதாகவும், ஒரு குறிப்பிட்ட வாகனத்துக்கு பல ஃபாஸ்டேக்குகள் கொடுக்கப்படுவதாகவும் புகார்கள் எழுந்தன. இதுபோன்ற முறைகேடுகளை தடுக்கவே புதிய நடைமுறை அமல்படுத்தப்பட்டுள்ளது. இதன் மூலம் ஒரே வாகனத்தில், ஒன்றுக்கும் மேற்பட்ட ஃபாஸ்டேக் இருந்தால் அவை செயல்படாது.
Similar News
News January 28, 2026
BREAKING: ₹5,000-ஆக உயர்வு.. ஸ்டாலின் அறிவித்தார்
IUML மாநாட்டில் 5 புதிய அறிவிப்புகளை CM ஸ்டாலின் வெளியிட்டுள்ளார். *வஃபு வாரியத்தில் பதிவு செய்த உலமாக்களுக்கான பென்ஷன் ₹3000-ல் இருந்து ₹5,000 ஆக உயர்வு. *கல்லறைத் தோட்டம் இல்லாத பகுதிகளில் அரசு நிலம் வழங்க ஏற்பாடு. *சென்னை, மதுரையை போல் கோவையிலும் வஃபு தீர்ப்பாயம். *உருதுமொழி ஆசிரியர் காலியிடங்கள் நிரப்ப நடவடிக்கை. *உலமாக்களில் முதல்கட்டமாக 1,000 பேருக்கு இருசக்கர வாகனம் வாங்க ₹50,000 மானியம்.
News January 28, 2026
கல்கி 2: தீபிகாவுக்கு பதிலாக சாய் பல்லவியா?
கல்கி 2 படத்தில் சாய் பல்லவியை நடிக்க வைக்க இயக்குநர் நாக் அஸ்வின் முயற்சித்து வருவதாக தகவல்கள் வெளியாகியுள்ளன. தீபிகா படுகோன் கல்கி 2-ம் பாகத்தில் நடிக்க மாட்டார் என்று தயாரிப்பு தரப்பு அறிவித்திருந்த நிலையில், சாய் பல்லவியின் இயல்பான நடிப்பு படத்திற்கு கூடுதல் பலமாக இருக்கும் என்று அஸ்வின் நம்புவதாக கூறப்படுகிறது. எனினும், இதுகுறித்த அதிகாரப்பூர்வ அறிவிப்பு இன்னும் வெளியாகவில்லை.
News January 28, 2026
கொண்டாட்டத்திற்கு தயாராகும் தவெக
தவெகவின் 3-ம் ஆண்டு தொடக்க விழாவை பிரமாண்டமாக கொண்டாட விஜய் திட்டமிட்டுள்ளார். வரும் பிப்.2-ம் தேதியுடன் தவெக தொடங்கி 2 ஆண்டுகள் நிறைவடைகிறது. இந்நிலையில், பனையூர் தவெக அலுவலகத்தில் விஜய் தலைமையில் விழா நடத்துவதற்கான ஏற்பாடுகள் நடந்துவருகின்றன. மாவட்ட & மாநில நிர்வாகிகள் பங்கேற்கும் இந்த விழாவில் கூட்டணி, தேர்தல் அறிக்கை குறித்து விஜய் முக்கிய அறிவிப்பை வெளியிடுவார் என எதிர்பார்க்கப்படுகிறது.