News August 7, 2025
T20 கிரிக்கெட்டில் புதிய சாதனை
ஆப்கன் வீரர் ரஷீத் கான் T20 கிரிக்கெட்டில் 650 விக்கெட்கள் வீழ்த்தி அரிய சாதனை படைத்துள்ளார். இங்கிலாந்தில் தி ஹண்ட்ரட் லீக் தொடரின் முதல் ஆட்டத்தில் இச்சாதனையை அவர் நிகழ்த்தினார். ஓவல் அணிக்காக விளையாடும் ரஷீத், லண்டன் ஸ்பிரிட்ஸ் அணிக்கு எதிராக 3 விக்கெட்கள் வீழ்த்தினார். இதையடுத்து அவர் கைப்பற்றிய மொத்த விக்கெட்களின் எண்ணிக்கை 651 ஆக உயர்ந்தது. Congrats Rashid!
Similar News
News August 7, 2025
பள்ளிகளிலேயே ஆதார் பயோமெட்ரிக்.. அரசு அறிவிப்பு
அரசு, அரசு உதவி பெறும் பள்ளிகளில் மாணவர்களுக்கு ஆதார் பயோமெட்ரிக்கை புதுப்பிக்க அரசாணை வெளியிடப்பட்டுள்ளது. அதன்படி, 5 – 7 வயதுக்குட்பட்ட 8 லட்சம் மாணவர்கள் முதல்முறை கட்டாய பயோமெட்ரிக் விவரங்களை புதுப்பிக்க வேண்டும் என்றும், 15- 17 வயதுக்குட்பட்ட 7 லட்சம் மாணவர்கள் 2-வது முறை புதுப்பிக்க வேண்டும் எனவும் தெரிவிக்கப்பட்டுள்ளது. பள்ளிகளில் முகாம் அமைத்து அஞ்சல் துறை இந்த பணிகளை மேற்கொள்ளும்.
News August 7, 2025
இந்தியாவில் வாகன விற்பனை 4% வீழ்ச்சி
ஜூலையில் உள்நாட்டு வாகன விற்பனை 4% சரிந்துள்ளதாக வாகன டீலர்கள் கூட்டமைப்பு அறிவித்துள்ளது. கடந்தாண்டு ஜூலை மாதத்தில் 20,52,759 ஆக இருந்த நிலையில், கடந்த மாதம் 19,64,213 ஆக குறைந்துள்ளது. 2024 ஜூலையில் 3,31,280 ஆக இருந்த கார்கள் விற்பனை கடந்த மாதத்தில் 3,28,613 ஆகவும், இருசக்கர வாகன விற்பனை 6% சரிந்து 13,55,504 ஆகவும் உள்ளதாக கூறப்பட்டுள்ளது.
News August 7, 2025
விஜய்யுடன் கூட்டணி? பிரேமலதா சூசகம்
அரசியலுக்கு வந்தபிறகும் செந்தூரபாண்டியின் (விஜயகாந்த்) தம்பியாகவே விஜய் தன்னை காட்டிக் கொள்கிறார். குறிப்பாக கேப்டனின் போட்டோக்களை தவெகவினர் பயன்படுத்துகின்றனர். இந்நிலையில்தான், தற்போதைக்கு விஜயகாந்த் போட்டோக்களை பயன்படுத்த வேண்டாம்; கூட்டணிக்கு பிறகு பயன்படுத்திக் கொள்ளலாம் என நேற்று பிரேமலதா கூறினார். இது, விஜய்யுடன் கூட்டணி அமைப்பதற்கான மறைமுகமாக சமிக்ஞை என நெட்டிசன்கள் தெரிவிக்கின்றனர்.