News May 15, 2024
2029 வரை மோடியே பிரதமராக தொடர்வார்: அமித் ஷா
கெஜ்ரிவாலுக்கு உச்சநீதிமன்றம் வழங்கிய இடைக்கால ஜாமின், ஏதோ வழக்கமான தீர்ப்பு அல்ல என்றும், சிறப்பு கவனிப்பு என நாட்டில் பலரும் நம்புவதாகவும் மத்திய அமைச்சர் அமித்ஷா விமர்சித்துள்ளார். கெஜ்ரிவாலுக்கு கெட்ட செய்தி இருப்பதாக கூறிய அவர், 2029 வரையும், அதன்பின்பும் பிரதமர் மோடி தான் தங்களை வழிநடத்துவார் எனவும் தெரிவித்தார். முன்னதாக, அமித் ஷாவே அடுத்த பிரதமராக்கப்படுவார் என கெஜ்ரிவால் கூறியிருந்தார்.
Similar News
News November 29, 2025
திங்கள்கிழமை பள்ளிகள் விடுமுறை.. கலெக்டர் அறிவிப்பு
நாகூர் தர்கா கந்தூரி விழாவையொட்டி, நாளை மறுநாள் (திங்கள்கிழமை) நாகை மாவட்டத்திற்கு உள்ளூர் விடுமுறையாகும். மேலும், கோட்டாறு பேராலய திருவிழாவிற்காக கன்னியாகுமரிக்கும், மகா தீபத்தையொட்டி தி.மலைக்கும் டிச.3-ல் விடுமுறை அளிக்கப்படவுள்ளது. இதனிடையே, டிட்வா புயலால் கனமழை தொடர்ந்தால், சென்னை உள்பட பல வட மாவட்டங்கள், டெல்டா மாவட்டங்களில் திங்கள்கிழமை விடுமுறை அளிக்கப்படலாம். SHARE IT.
News November 29, 2025
பக்தர்களை பழிவாங்குகிறதா இண்டியா கூட்டணி? நயினார்
கேரள அரசு சபரிமலையில் பக்தர்களுக்கு எவ்வித அடிப்படை வசதியும் செய்து தரவில்லை என நயினார் நாகேந்திரன் குற்றம்சாட்டியுள்ளார். இந்துக் கடவுள்களின் மீதுள்ள வெறுப்பில் பக்தர்களை பழிவாங்கத் தொடங்கிவிட்டனவா இண்டியா கூட்டணி ஆளும் மாநில அரசுகள் எனவும் அவர் கேள்வி எழுப்பியுள்ளார். கூட்ட நெரிசலில் சிக்கி 10 பேர் உயிரிழந்துள்ளதாக வெளிவரும் செய்திகள் மன வேதனை அளிப்பதாகவும் அவர் தெரிவித்துள்ளார்.
News November 29, 2025
IPL-லில் இருந்து ஓய்வை அறிவித்தார் பாப் டூப்ளசிஸ்
2026 IPL தொடரில் விளையாடப் போவதில்லை என தெ.ஆப்பிரிக்கா நட்சத்திர வீரர் பாப் டூப்ளசிஸ் அறிவித்துள்ளார். 14 ஆண்டுகளாக IPL-ல் விளையாடிய நிலையில், இந்தாண்டு ஏலத்துக்கு தனது பெயரை கொடுக்கப் போவதில்லை என கூறியுள்ளார். தனக்கு இதுவரை ஆதரவு கொடுத்த இந்தியர்களுக்கு அவர் நன்றியையும் தெரிவித்துள்ளார். CSK நட்சத்திர வீரராக திகழ்ந்த அவர், RCB DC உள்ளிட்ட பல்வேறு அணிகளுக்காக விளையாடினார்.