News August 21, 2024
MBBS கவுன்சிலிங் இன்று தொடக்கம்
மருத்துவ படிப்புக்கான (MBBS) முதல்கட்ட கலந்தாய்வு, தமிழகத்தில் இன்று தொடங்குகிறது. இன்று காலை 10 மணிக்கு தொடங்கி, ஆக.27 மாலை 5 மணி வரை மாணவர்கள் தாங்கள் விரும்பக்கூடிய கல்லூரிகளை தேர்வு செய்யலாம். 13,417 மாணவர்கள் முதல்கட்ட கலந்தாய்வில் பங்கேற்க அனுமதிக்கப்பட்டுள்ளனர். ஆக.30இல் இறுதி முடிவுகள் வெளியாகும். செப்.5க்குள் கல்லூரிகளில் சேர மாணவர்கள் அறிவுறுத்தப்பட்டுள்ளனர்.
Similar News
News August 15, 2025
GST-யில் வரும் மெகா மாற்றம் இதுதானா?
வரும் செப்டம்பரில் GST கவுன்சில் கூட்டம் நடைபெற உள்ளது. அதில் பல்வேறு வரி சீர்திருத்தங்கள் மேற்கொள்ளப்பட உள்ளதாக தகவல் வெளியாகியுள்ளது. குறிப்பாக 12% GST வரம்பு நீக்கப்பட உள்ளதாக கூறப்படுகிறது. அந்த வரம்பில் உள்ள பொருள்கள் 5% மற்றும் 18%-க்கு மாற்றப்பட உள்ளன. அத்தியாவசிய பொருள்களுக்கு குறைவான வரிவிதிக்கப்படும் என எதிர்பார்க்கப்படுகிறது. இருப்பினும், சில பொருள்களின் விலை உயரவும் வாய்ப்புள்ளது.
News August 15, 2025
இந்திய லெஜண்ட்களை சந்திக்கும் ஃபுட்பால் லெஜண்ட்!
ஃபுட் பால் லெஜண்ட் மெஸ்ஸியின் இந்திய பயணம் உறுதியாகியுள்ளது. வரும் டிச., 12-ல் இந்தியா வரும் அவர் கொல்கத்தா, அகமதாபாத், மும்பை, டெல்லியில் பல்வேறு நிகழ்ச்சிகளில் கலந்து கொள்ள உள்ளார். மேலும், இந்த பயணத்தின் போது சச்சின், தோனி, கோலி, கில், ஷாருக்கான், ரன்வீர் சிங் உள்ளிட்ட பிரபலங்களையும் சந்திக்க உள்ளார். டிச.15-ல் பிரதமரின் இல்லத்தில் வைத்து PM மோடியை சந்திப்பதோடு, அவரது பயணம் நிறைவடைகிறது.
News August 15, 2025
யானை – டிராகன் இணைய வேண்டிய நேரம்: சீனா
இந்தியாவும் (யானை), சீனாவும் (டிராகன்) இணைந்து பணியாற்ற வேண்டிய தேவை எழுந்துள்ளதாக சீன வெளியுறவு அமைச்சகம் தெரிவித்துள்ளது. இரண்டும் மிகப்பெரிய வளரும் நாடுகள் எனவும், இருநாட்டு வளர்ச்சிக்கும் இணைந்து பணியாற்றுவது தான் சரியான தேர்வாக இருக்கும் என்றும் கூறியுள்ளது. இந்திய பொருள்களுக்கான அமெரிக்க வரிவிதிப்பு, PM மோடியின் சீன பயணங்களுக்கு மத்தியில் அந்நாடு இவ்வாறு கருத்து தெரிவித்துள்ளது.