News March 25, 2025
தூய நரையிலும் காதல் மலருதே… ❤️❤️
பெற்றோரை எதிர்த்து வாழ்க்கையைத் தொடங்கிய தம்பதி, 64 ஆண்டுகளுக்கு பிறகு திருமணம் செய்து கொண்டுள்ளனர். ஆச்சரியமாக இருக்கிறதா? குஜராத்தில் இருவேறு சமூகத்தை சேர்ந்த ஹர்ஸ், மிருது இருவரும் ஓடிப்போய் திருமணம் செய்து கொண்டனர். 64 ஆண்டுகளுக்கு பிறகு, குழந்தைகள், பேரக்குழந்தைகள் சேர்ந்து அவர்களுக்கு திருமணம் செய்து வைத்துள்ளனர். ஹர்ஸ் – மிருது தம்பதியின் புகைப்படங்கள் சோஷியல் மீடியாவை கலக்குகின்றன.
Similar News
News January 5, 2026
பிரபல நடிகர் காலமானார்
பிரபல நடிகர் கண்ணன் பட்டாம்பி(62) கிட்னி செயலிழப்பு காரணமாக காலமானார். மலையாள திரையுலகில் மெகா பட்ஜெட் படங்கள் சிலவற்றின் Production Controller-ஆக பணியாற்றியுள்ள இவர், புலிமுருகன், ஒடியன், 12th Man போன்ற படங்களில் நடித்துள்ளார். தமிழில் வெளியான ‘அரண்’ பட இயக்குநர் மேஜர் ரவியின் சகோதரர் இவர் என்பது குறிப்பிடத்தக்கது. இவரின் மறைவுக்கு திரைத்துறையினரும், ரசிகர்களும் இரங்கல் தெரிவித்து வருகின்றனர்.
News January 5, 2026
காங்கிரஸுக்கு எதிராக ஸ்கெட்ச் போடுகிறதா திமுக?
காரைக்குடி, வேளச்சேரி, சிவகாசி, ஸ்ரீவைகுண்டம் உள்ளிட்ட 12 தொகுதிகளில் காங்., MLA-க்கள் மீது அதிருப்தி நிலவுகிறது என திமுகவுக்கு ரிப்போர்ட் பறந்திருப்பதாக கூறப்படுகிறது. எனவே இத்தொகுதிகளில் திமுக வேட்பாளர்களை களமிறக்க ஆலோசனை நடக்கிறதாம். இதனால் கதர் சட்டைக்காரர்கள் கடுப்பில் இருப்பதாக பேசப்படுகிறது. ஏற்கெனவே கூட்டணியில் நிலவும் சலசலப்பு, மேலும் பூதாகரமாகும் என அரசியல் விமர்சகர்கள் கூறுகின்றனர்.
News January 5, 2026
ஜாமின் இல்லை: சிறைவாசத்தை உறுதி செய்த SC
கடந்த 5 ஆண்டுகளாக சிறையில் உள்ள உமர் காலித், ஷர்ஜில் இமாமுக்கு மீண்டும் ஜாமின் மறுக்கப்பட்டுள்ளது. கடந்த 2020-ல் நடந்த CAA போராட்டத்தில் வெடித்த கலவர வழக்கில் JNU மாணவர் உமர் காலித் உட்பட 7 பேர் கைதாகினர். அவர்களில் 5 பேர் மீது உபா சட்டத்தின் கீழ் FIR பதியப்பட்டது. இந்நிலையில் 5 ஆண்டுகளாக 7 பேரும் ஜாமீனுக்கு போராடி வந்த நிலையில், காலித்-ஷர்ஜில் தவிர 5 பேருக்கு SC ஜாமின் வழங்கியுள்ளது.