News February 12, 2025
இன்று Ice Moon பார்க்கலாம். ஏன் தெரியுமா?
ஒவ்வொரு ஆண்டும் பிப்ரவரி மாதம் தோன்றும் பௌர்ணமி நிலவை Snow Moon என்று அமெரிக்க, ஐரோப்பிய நாடுகளைச் சேர்ந்தவர்கள் அழைக்கின்றனர். பெரும்பாலும் இந்த மாதத்தில்தான் அங்கு பனிப்பொழிவு அதிகம் இருக்கும் என்பதால் இந்தப் பெயர் வந்தது. இதனை சிலர், Storm Moon என்றும், சிலர் Ice Moon என்றும் அழைக்கின்றனர். இன்றுதான் பௌர்ணமி நிலவு முழுமையாகக் காட்சியளிக்கவுள்ளது. கண்டு களியுங்கள் மக்களே.
Similar News
News February 12, 2025
மோடி மைதானத்தில் சாதனை படைத்த இந்திய அணி
அகமதாபாத் மோடி மைதானத்தில் ஒருநாள் போட்டியில் இரண்டாவது அதிகபட்ச ரன்களை இந்தியா (356/10), ENG எதிராக இன்று பதிவு செய்துள்ளது. இந்த மைதானத்தில் தென்னாப்ரிக்கா அணி 2010இல் 365/2 ரன்கள் குவித்ததே இதுவரை அதிகபட்ச ரன்களாக இருந்து வருகிறது. 2022இல் வெஸ்ட் இண்டீஸ் அணிக்கு எதிராக இந்தியா 325/5 ரன்களும், 2022இல் இந்தியாவுக்கு எதிராக வெஸ்ட் இண்டீஸ் அணி 324/4 ரன்களும் எடுத்துள்ளன.
News February 12, 2025
‘டிராகன்’ படத்திற்கு ‘யு/ஏ’ சான்றிதழ்
அஸ்வத் மாரிமுத்து இயக்கத்தில் பிரதீப் ரங்கநாதன் நடித்துள்ள ‘டிராகன்’ படத்திற்கு ‘யு/ஏ’ சான்றிதழ் வழங்கப்பட்டுள்ளது. ஏஜிஎஸ் நிறுவனம் தயாரித்துள்ள இப்படத்திற்கு லியோன் ஜேம்ஸ் இசை அமைத்துள்ளார். கயடு லோஹர், விஜே சித்து, ஹர்ஷத், சினேகா, இயக்குநர்கள் மிஷ்கின், கவுதம் வாசுதேவ் மேனன் ஆகியோர் முக்கிய கதாப்பாத்திரத்தில் நடித்துள்ளனர். இப்படம் வரும் 21ஆம் தேதி வெளியாகவுள்ளது.
News February 12, 2025
தலைமை அர்ச்சகர் மறைவுக்கு பிரதமர் இரங்கல்
அயோத்தி ராம ஜென்ம பூமி கோயிலின் தலைமை அர்ச்சகர் மஹந்த் சத்யேந்திர தாஸ் மறைவுக்கு PM மோடி இரங்கல் தெரிவித்துள்ளார். இந்துமதச் சடங்குகள், வேதங்களில் சிறந்தவரான அவர், தன் வாழ்நாளை ராமரின் சேவைக்காக அர்ப்பணித்தார். ஆன்மிக மற்றும் சமூக வாழ்க்கையில் அவரது பங்களிப்பு என்றென்றும் நினைவுக்கூரப்படும் என்று உருக்கமாக தன் இரங்கல் செய்தியில் மோடி குறிப்பிட்டுள்ளார்.