News May 16, 2024
கட்சியை கட்டமைக்கும் பணியில் தீவிரம் காட்டும் கமல்
2026 தேர்தலுக்கு முன்பாக கட்சியின் கட்டமைப்பை உறுதியாக்கும் பணியில் மநீம தலைவர் கமல்ஹாசன் கவனம் செலுத்தி வருவதாக அரசியல் வட்டாரங்கள் கூறுகின்றன. ‘கட்சியில் கட்டமைப்பே இல்லை’ என திமுக சீனியர்கள் மக்களவைத் தேர்தலின்போது சொன்னதாகக் கூறப்படுகிறது. இதுவே வருங்காலங்களில் சீட் பங்கீட்டில் பிரச்னையை கிளப்பிவிடக் கூடாதென்ற நோக்கிலும், கட்சி நலன் சார்ந்தும் தனி திட்டத்தை கமல் தொடங்கியுள்ளார்.
Similar News
News December 13, 2025
பாமகவுடன் பேச்சுவார்த்தையை தொடங்கியது அதிமுக
ராமதாஸ், அன்புமணி என 2 தரப்புகளிடம் அதிமுக பேச்சுவார்த்தையை தொடங்கியதாக கூறப்படுகிறது. பாமக வாக்குகள் பிரிந்துவிடாமல் தடுக்க, இருவரையும் சமாதானப்படுத்தி ஒரே சின்னத்தில் போட்டியிட செய்ய அதிமுக விரும்புகிறதாம். இதற்காக இருதரப்பினரிடமும் தனித்தனியாக பேச்சுவார்த்தை நடத்தப்படுகிறது. பாமகவுக்கு ஒதுக்கப்படும் தொகுதிகளில் 50%-ஐ ராமதாஸ் கேட்கும் நிலையில், 75%-ஐ கேட்டு அன்புமணி முரண்டு பிடிக்கிறாராம்.
News December 13, 2025
கேரளாவில் கம்யூனிஸ்ட் – காங்கிரஸ் இடையே இழுபறி!
கேரளாவில் உள்ளாட்சித் தேர்தலில் பதிவான வாக்குகள் எண்ணப்பட்டு வருகின்றன. இதில், ஆளும் இடதுசாரி ஜனநாயக முன்னணி(LDF), கேரளா ஐக்கிய ஜனநாயக முன்னணி(UDF) இடையே கடும் போட்டி நிலவுகிறது. காலை 9 மணி நிலவரப்படி மொத்தமுள்ள 6 மாநகராட்சிகளில் LDF 3 இடங்களிலும், UDF 3 இடங்களிலும் முன்னிலை வகிக்கின்றன. 87 நகராட்சிகளில் UDF-45, LDF-32, NDA-2 இடங்களில் முன்னிலை வகிக்கின்றன.
News December 13, 2025
டெல்லி விரைந்த நயினார்.. மீண்டும் இணைகிறாரா OPS?
பரபரப்பான அரசியல் சூழலுக்கு மத்தியில் நயினார் சற்றுமுன் டெல்லி புறப்பட்டு சென்றார். டிச.15-ம் தேதி சென்னை வரும் அமித்ஷா முன்னிலையில், TTV, OPS-ஐ மீண்டும் NDA கூட்டணியில் இணைப்பது குறித்து, நேற்று முன்தினம் EPS உடன் நயினார் ஒரு மணி நேரத்திற்கு மேலாக ஆலோசனை நடத்தியதாக கூறப்படுகிறது. இந்நிலையில், அந்த ஆலோசனையில் எடுக்கப்பட்ட முடிவை தெரிவிக்க இன்று டெல்லி விரைந்துள்ளார்.