News September 13, 2025
ஆட்டத்தை ஆரம்பித்த கமல்ஹாசன்
கமல்ஹாசனின் அடுத்த படத்தில் மலையாள கதை எழுத்தாளர் ஷியாம் புஷ்கரன் இணைந்துள்ளார். ‘தக் லைஃப்’ படத்திற்கு பிறகு அன்பு அறிவு இயக்கத்தில் கமல் நடிப்பார் என அறிவிக்கப்பட்டது. ஆனால் ஏனோ படப்பிடிப்பு தொடங்காமல் இருந்தது. இந்த நிலையில் கும்பலாங்கி நைட்ஸ், மகிஷிண்டே பிரதிகாரம் படங்களின் எழுத்தாளர் ஷியாம் புஷ்கரன் இப்படத்தில் பணியாற்றவார் என அறிவிக்கப்பட்டுள்ளது. இது அதிரடி ஆக்ஷன் படமாக உருவாகிறது.
Similar News
News September 13, 2025
தேர்தல் செலவு: திமுக ₹170 கோடி, அதிமுக ₹5.7 கோடி
நாடாளுமன்ற தேர்தலில் பிராந்திய கட்சிகள் செலவழித்த தொகை விவரத்தை ஜனநாயக சீர்திருத்த சங்கம் வெளியிட்டுள்ளது. * 2024 தேர்தலில் திமுக ₹170 கோடி செலவு செய்துள்ளது. * எதிர்க்கட்சியான அதிமுக ₹5.7 கோடி செலவு செய்துள்ளது. * தெலுங்கானா பிஆர்எஸ் கட்சி ₹197 கோடி செலவு செய்து முதலிடத்தில் உள்ளது. * 2023-24 நிதியாண்டில் திமுகவின் மொத்த வருமானம் ₹180 கோடி ஆகும். * அதிமுகவின் வருமானம் ₹46 கோடி ஆகும்.
News September 13, 2025
அடுத்தக்கட்ட நடவடிக்கை? செங்கோட்டையன் பதில்
தனது அடுத்த கட்ட நடவடிக்கை பற்றி செங்கோட்டையன் பதிலளித்துள்ளார். அதிமுகவின் முக்கிய பொறுப்புகளில் இருந்து நீக்கப்பட்ட செங்கோட்டையன் டெல்லி சென்று திரும்பிய நிலையில், அவரது அடுத்தக்கட்ட நகர்வை எல்லோரும் உற்று நோக்குகின்றனர். இந்நிலையில் செய்தியாளர்களிடம் பேசிய அவர், எல்லோரும் நினைப்பது போல நல்லதையே நினைத்து நல்லதே செய்வோம் என்றும் அடுத்தக்கட்ட நடவடிக்கைக்கு இன்னும் நேரம் உள்ளதாகவும் தெரிவித்தார்.
News September 13, 2025
பொன்னில் வடித்த சிலையே ஜான்வி
பாலிவுட், டோலிவுட்டில் கலக்கி வரும் ஜான்வி கபூர், கோலிவுட்டில் எப்போது நடிப்பார் என்ற ஆவலில் ரசிகர்கள் உள்ளனர். அவரின் தாயைப் போலவே வசீகரிக்கும் அழகுடைய ஜான்வி கபூர், இன்ஸ்டாவில் பதிவிட்ட புகைப்படங்களுக்கு ரசிகர்கள் கிறங்கி போயுள்ளனர். அவருடைய அடுத்த படங்களின் விவரத்தை பார்க்கையில் இன்னும் சில ஆண்டுகளுக்கு தமிழ் ரசிகர்கள் காத்திருக்க வேண்டும் என தெரிகிறது.