News September 7, 2025
ரஜினியுடன் புதிய படத்தில் நடிக்கிறேன்: கமல் அறிவிப்பு
ரஜினியுடன் இணைந்து புதிய படத்தில் நடிக்க இருப்பதை கமல்ஹாசன் உறுதி செய்துள்ளார். சமீபத்தில் துபாயில் நடந்த SIIMA விருது விழாவில் பேசிய கமல், நல்ல நீண்ட ஆண்டுகள் கழித்து இருவரும் இணைந்து நடிக்க போகிறோம் எனவும், படத்தை பார்த்துவிட்டு அது தரமான சம்பவமா என்று சொல்லுங்கள் என்றும் கூறியுள்ளார். 2 லெஜெண்டுகள் இணையும் இப்படத்தை லோகேஷ் கனகராஜ் இயக்க இருப்பதாக சினிமா வட்டாரங்கள் தெரிவிக்கின்றன.
Similar News
News September 8, 2025
தினம் ஒரு திருக்குறள்
▶குறள் பால்: பொருட்பால் ▶இயல்: அரசியல். ▶அதிகாரம்: சிற்றினஞ்சேராமை. ▶குறள் எண்: 452 ▶குறள்: நிலத்தியல்பால் நீர்திரிந் தற்றாகும் மாந்தர்க்கு இனத்தியல்ப தாகும் அறிவு. ▶ பொருள்: தான் சேர்ந்த நிலத்தின் தன்மையால் நீர் தன் இயல்பை இழந்து, நிலத்தின் இயல்பாகவே மாறிவிடும்; மனிதரின் அறிவும் அவர் சேர்ந்த இனத்தின் இயல்பாகவே ஆகிவிடும்.
News September 8, 2025
அதிமுகவை உடைக்க முடியாது: EPS
எந்த கொம்பனாலும் அதிமுகவை உடைக்க முடியாது என EPS தெரிவித்துள்ளார். திண்டுக்கல் மாவட்டம் ஒட்டன்சத்திரத்தில் மக்கள் சந்திப்பு பயணத்தின் போது பேசிய அவர், அதிமுகவை எத்தனையோ பேர் உடைக்க பார்க்கிறார்கள், முடக்க பார்க்கிறார்கள் என்றார். ஆனால் அவற்றை தொண்டர்கள், மக்களின் துணையோடு தவிடுபொடியாக்கியதாகவும் அதிமுகவில் மட்டுமே சாதாரண தொண்டன் கூட MP, MLA, CM ஆகலாம் எனவும் EPS குறிப்பிட்டார்.
News September 8, 2025
சிறையில் ₹522 சம்பாதிக்கும் முன்னாள் MP
பாலியல் வழக்கில் சிறை தண்டனை அனுபவிக்கும் பிரஜ்வல் ரேவண்ணா நாள் ஒன்றுக்கு ₹522 சம்பாதிக்கிறார். பெங்களூரு பரப்ப அக்ரஹாரா சிறையில் உள்ள அவருக்கு நூலக எழுத்தர் பணி வழங்கப்பட்டுள்ளது. சக கைதிகளுக்கு புத்தகம் வழங்குவது, கொடுத்த புத்தகங்களின் பதிவுகளை பராமரிப்பது அவரது வேலை ஆகும். வாரத்திற்கு 3 நாள்கள் இந்த வேலையை அவர் செய்ய வேண்டும். இவர் முன்னாள் PM தேவ கவுடாவின் பேரன் என்பது குறிப்பிடத்தக்கது.