News April 21, 2025
காதல் சுகுமார் தலைமறைவு.. வலைவீசி தேடும் போலீஸ்
சென்னை காவல் ஆணையர் அலுவலகத்தில் நடிகர் காதல் சுகுமார் மீது துணை நடிகை ஒருவர் மோசடி புகார் அளித்திருந்தார். திருமணம் செய்து கொள்வதாக கூறி பணம், நகைகளை பெற்று ஏமாற்றி விட்டதாகவும் கூறியிருந்தார். புகாரை விசாரித்த மாம்பலம் மகளிர் போலீசார் 3 பிரிவுகளில் சுகுமார் மீது வழக்குப்பதிவு செய்தனர். இந்நிலையில் காதல் சுகுமாரன் தலை மறைவாக, போலீசார் அவரை தேடி வருகின்றனர்.
Similar News
News January 9, 2026
தமிழக பிரபலம் காலமானார்
திண்டுக்கல்லைச் சேர்ந்த சிறந்த காந்தியவாதி மா.வன்னிக்காளை (92) உடல்நலக் குறைவால் காலமானார். சுதந்திர போராட்ட தியாகியான இவர், காந்தி சேவா சங்கத்துடன் இணைந்து ஆதரவற்றோர் இல்லங்களையும் நடத்திவந்து நன்மதிப்பை பெற்றுவந்தார். 1991-ல் ஜனாதிபதியின் தேசிய விருது, 2024-ல் தமிழக கவர்னரின் சிறந்த காந்தியவாதி விருதுகளையும் பெற்றுள்ளார். அவரது இறுதிச்சடங்கு இன்று மதியம் அவரது இல்லத்தில் நடைபெறுகிறது.
News January 9, 2026
ஈரான் சுப்ரீம் தலைவரை டிரம்ப் கொல்வார்: USA செனட்டர்
ஈரானில் போராடுபவர்களை ஒடுக்க, அரசு வன்முறையை கையாண்டால், அதன் உச்ச தலைவரைக் கொல்லவும் டிரம்ப் தயங்கமாட்டார் என USA செனட்டர் லிண்ட்சே எச்சரித்துள்ளார். தன் சொந்த மக்களையே கொன்று உலகை அச்சுறுத்தும் காமேனி அயதுல்லா ஒரு மதவாத நாஜி என குற்றஞ்சாட்டிய அவர், உங்கள் நாட்டை அவரிடம் இருந்து மீட்டெடுங்கள் என்று ஈரான் மக்களுக்கு அறிவுறுத்தியுள்ளார். முன்னதாக டிரம்பும் ஈரானுக்கு எச்சரிக்கை விடுத்திருந்தார்.
News January 9, 2026
அரசியல் ட்விஸ்ட்.. KAS-க்கு TTV வாழ்த்து
TTV தினகரன் குறித்த கேள்விக்கு, மேலும் சில கட்சிகள் இணையும் என்று EPS கூறியதால் அமமுக மீண்டும் NDA-வில் இணையும் என கூறப்பட்டது. இந்நிலையில், ‘சகோதரர் செங்கோட்டையனுக்கு பிறந்தநாள் வாழ்த்துகள்’ என TTV பதிவிட்டுள்ளது அரசியல் களத்தில் ட்விஸ்ட் ஆகியுள்ளது. ஏற்கெனவே, TTV, OPS ஆகியோர் கூட்டணியில் இடம்பெறுவார்கள் என செங்கோட்டையன் கூறியிருந்ததால், இந்த வாழ்த்து செய்தி அரசியலாக மாறியுள்ளது.