News August 25, 2025
சற்றுமுன்: தங்கம் விலை குறைந்தது
கடந்த வார இறுதியில் கிடுகிடுவென்று அதிகரித்த ஆபரணத் தங்கத்தின் விலை, வாரத்தின் முதல் நாளான இன்று சற்று குறைந்துள்ளது. 22 கேரட் ஆபரணத் தங்கத்தின் விலை சவரனுக்கு ₹80 குறைந்து ₹74,440-க்கும், கிராமுக்கு ₹10 குறைந்து ₹9,305-க்கும் விற்பனை செய்யப்படுகிறது. அதே நேரம் வெள்ளி விலை கிராமுக்கு ₹1 உயர்ந்து ₹131-க்கும், கிலோ வெள்ளி ₹1000 உயர்ந்து ₹1,31,000-க்கும் விற்பனை செய்யப்படுகிறது.
Similar News
News August 25, 2025
சர்ச்சைக்கு முற்றுப்புள்ளி வைத்தார் CM ஸ்டாலின்
நெல்லையில் ஆணவக்கொலை செய்யப்பட்ட கவினின் பெற்றோர், CM ஸ்டாலினை இன்று நேரில் சந்தித்தனர். கவின் படுகொலை செய்யப்பட்டபோது CM இரங்கல் தெரிவிக்காததும், தூத்துக்குடிக்கு சென்றபோது நேரில் செல்லாமல் போன் மூலம் ஆறுதல் கூறியதும் சர்ச்சையானது. இந்நிலையில், முதல்வரை சந்தித்த கவின் பெற்றோர், தனது மகனின் கொலையில் தொடர்புடைய அனைத்து குற்றவாளிகளையும் கைது செய்து, கடும் தண்டனை பெற்றுத்தர வலியுறுத்தினர்.
News August 25, 2025
BCCI – Dream 11 ஒப்பந்தம் முறிந்தது
நாடாளுமன்றத்தில் நிறைவேற்றப்பட்ட ஆன்லைன் கேமிங் ஒழுங்குமுறை மசோதாவுக்கு ஜனாதிபதியும் ஒப்புதல் வழங்கியுள்ளார். இந்நிலையில், இந்திய கிரிக்கெட் அணிக்கு 2023 முதல் ஸ்பான்சர்ஷிப் வழங்கி வந்த Dream 11 நிறுவனத்துடனான ஒப்பந்தத்தை கைவிட்டதாக BCCI தெரிவித்துள்ளது. இனி இதுபோன்ற நிறுவனங்களுடன் ஒப்பந்தங்கள் மேற்கொள்ளப்படாது என்றும் கூறியுள்ளது. எனவே, புதிய ஸ்பான்சரை தேடும் முயற்சியில் BCCI இறங்கியுள்ளது.
News August 25, 2025
காதலர்களே… இனி கவலை வேண்டாம்.. இது உங்களுக்காக
தமிழகம் முழுவதும் உள்ள மார்க்சிஸ்ட் கம்யூனிஸ்ட் கட்சி அலுவலகங்களில் காதல் திருமணங்களை நடத்திக் கொள்ளலாம் என CPM மாநில செயலாளர் பெ.சண்முகம் தெரிவித்துள்ளார். மாநிலத்தில் சாதி மறுப்பு திருமணங்களுக்காக தனிப்பட்ட ஏற்பாடுகள் இல்லை என சாடிய அவர், காதலர்களுக்காக மார்க்சிஸ்ட் அலுவலகங்கள் 24 மணிநேரமும் திறந்தே இருக்கும் என்றார். சாதி ஆணவக்கொலைகள் அதிகரித்து வரும் நிலையில் இவ்வாறு கூறியுள்ளார்.