News April 24, 2024
ரன் குவிப்பில் டிராவிட்டை முந்தினார் ஜெய்ஸ்வால்
ஐபிஎல் ரன்குவிப்பில் ராகுல் டிராவிட்டை ராஜஸ்தான் வீரர் ஜெய்ஸ்வால் முந்தியுள்ளார். மும்பை அணிக்கு எதிரான போட்டியில் 60 பந்துகளில் 104 ரன்களை அவர் விளாசினார். இதன்மூலம் ராஜஸ்தான் அணி சார்பில் அவர் குவித்த ரன்கள் எண்ணிக்கை 1,397ஆக அதிகரித்தது. ராகுல் டிராவிட் 1,324 ரன்கள் குவித்து, ராஜஸ்தான் அணிக்காக அதிக ரன் எடுத்த வீரர் பட்டியலில் 5ஆவதாக இருந்தார். அதை நேற்று ஜெய்ஸ்வால் முந்தினார்.
Similar News
News January 19, 2026
இதுகூட ஸ்டாலினுக்கு தெரியாதா? அண்ணாமலை
எந்த முகத்தை வைத்துக்கொண்டு நாளொரு சதவீதம் வாக்குறுதிகளை நிறைவேற்றி விட்டோம் என்று பொய் சொல்லிக் கொண்டிருக்கிறீர்கள் என CM-க்கு அண்ணாமலை கேள்வி எழுப்பியுள்ளார். தங்களுக்கு திமுக அளித்த தேர்தல் வாக்குறுதியை நிறைவேற்றாததால் நாளை முதல் சத்துணவு ஊழியர்கள் வேலைநிறுத்தம் அறிவித்துள்ளனர் என்றும், இதனால் பாதிக்கப்படுவது பள்ளி மாணவர்கள் என்பது கூட, ஸ்டாலினுக்கு தெரியாதா எனவும் அவர் விமர்சித்துள்ளார்.
News January 19, 2026
காற்றின் மூலம் பவர் சப்ளை! அசத்திய விஞ்ஞானிகள்
பின்லாந்து விஞ்ஞானிகள் கம்பிகள் இல்லாமல் காற்றில் மின்சாரத்தை கடத்தி புதிய சாதனை படைத்துள்ளனர். Helsinki மற்றும் Oulu பல்கலைகளை சேர்ந்த விஞ்ஞானிகள் அல்ட்ரா சோனிக் ஒலி அலைகள் மற்றும் லேசர் பீம்களின் உதவியுடன் ஒரு இடத்திலிருந்து இன்னொரு இடத்திற்கு மின்சாரத்தை வெற்றிகரமாக அனுப்பியுள்ளனர். சோதனை நிலையில் உள்ள இந்த தொழில்நுட்பம், எதிர்காலத்தில் கம்பிகளின் தேவையை குறைக்கும் என கூறப்படுகிறது.
News January 19, 2026
35 வயதை நெருங்கிவிட்டீர்களா? அலர்ட்!
ஸ்வீடனின் Karolinska Institutet மேற்கொண்ட ஆய்வில் 35 வயதிலிருந்தே உடல் திறன், வலிமை குறைய தொடங்குவது கண்டறியப்பட்டுள்ளது. இளம் வயதில் உடற்பயிற்சி செய்திருந்தாலும், இந்த வீழ்ச்சி தொடங்குவதாக ஆய்வு தெரிவிக்கிறது. ஆனால், வயதான பிறகும், உடற்பயிற்சியை தொடங்கியவர்கள், 5-10% வரை உடல் திறனை மேம்படுத்த முடிந்தாக ஆய்வில் கூறப்பட்டுள்ளது. குறிப்பிட்டவர்களை, பல ஆண்டுகள் கண்காணித்து ஆய்வு வெளியிடப்பட்டுள்ளது.