News August 9, 2024
6 நாட்களுக்கு மழை கொட்டும்
தமிழகத்தில் இன்று முதல் 14ஆம் தேதி வரை மழை நீடிக்கும் என்று வானிலை மையம் தெரிவித்துள்ளது. 11ஆம் தேதி கோவை மாவட்ட மலைப்பகுதிகள், நீலகிரி, ஈரோடு, சேலம், தருமபுரி, கிருஷ்ணகிரி மாவட்டங்களில் கனமழை பெய்ய வாய்ப்புள்ளது என்று வானிலை மையம் கூறியுள்ளது. வருகிற 12ஆம் தேதி நீலகிரி, ஈரோடு, திருவண்ணாமலை, கள்ளக்குறிச்சி, விழுப்புரம், கடலூர், பெரம்பலூரில் கனமழை பெய்யக்கூடும் எனவும் கணித்துள்ளது.
Similar News
News December 27, 2025
‘நீங்களும் CM தான்’.. விஜய்யின் தாய் ஷோபா சூசகம்
‘ஜனநாயகன்’ படத்தின் ஆடியோ லாஞ்ச் நிகழ்ச்சியில் ‘கோடம்பாக்கம் ஏரியா’ பாடலை விஜய்யின் தாயார் ஷோபா பாடியபோது சுவாரஸ்யமான சம்பவம் நடந்தது. அந்த பாடலில் வரும் ‘ஏழைங்க பாழைங்க நெனச்சிப்புட்டா, நாளைக்கு நீங்களும் CM தான்’ என்ற வரிகளை அவர் பாடினார். அப்போது, அங்கிருந்த விஜய் சிரிப்புடன் ஒரு ரியாக்சன் கொடுத்தார். SM-ல் பரவி வரும் இந்த வீடியோவுக்கு விஜய் ரசிகர்கள் ஹார்ட்டினை பறக்கவிட்டு வருகின்றனர்.
News December 27, 2025
செல்போனில் இதை மாற்றினால் 3 ஆண்டு ஜெயில்
செல்போன்களில் 15 இலக்க IMEI நம்பர் உள்ளிட்ட அடையாளங்களை மாற்றுவது ஜாமினில் வெளிவர முடியாத குற்றம் என தொலைத்தொடர்புத் துறை(DoT) எச்சரிக்கை விடுத்துள்ளது. இதனை மீறுவோருக்கு 3 ஆண்டுகள் சிறை (அ) ₹50 லட்சம் அபராதம் (அ) இரண்டும் சேர்த்து விதிக்கப்படும். இது தொடர்பாக செல்போன் தயாரிப்பு நிறுவனங்கள், விற்பனை மையங்களுக்கு சுற்றறிக்கை அனுப்பப்பட்டுள்ளது. பொதுமக்களும் இந்த விவகாரத்தில் உஷாராக இருங்கள்.
News December 27, 2025
பேரிடர்களால் ₹10.77 லட்சம் கோடி இழப்பு
2025-ல் இயற்கை பேரிடர்கள் பெரும் பாதிப்பை ஏற்படுத்தின. வெப்ப அலைகள், காட்டுத் தீ, வெள்ளம் ஆகியவையால் ₹10.77 லட்சம் கோடி மதிப்பில் சேதம் ஏற்பட்டதாக, காப்பீடு செய்யப்பட்ட இழப்பு மதிப்பீடுகளின் அடிப்படையில் தெரியவந்துள்ளது. இந்த துயரங்களுக்கு, புதைபடிவ எரிபொருள் பயன்பாட்டால் ஏற்படும் காலநிலை மாற்றமே காரணம் என்று நிபுணர்கள் கூறுகின்றனர். கலிபோர்னியா காட்டுத் தீயால் மட்டும் ₹5.38 லட்சம் கோடி இழப்பு.