News November 19, 2024
அதிமுகவுக்கு அப்போது கெட்ட நேரம்
சட்டமன்ற, நாடாளுமன்ற தேர்தல்களின்போது அதிமுகவின் கெட்ட நேரத்தால் திமுக வென்றுவிட்டதாக அக்கட்சியின் பொருளாளர் திண்டுக்கல் சீனிவாசன் பேசியுள்ளார். நாமக்கல் மாவட்ட அதிமுக கள ஆய்வு கூட்டத்தில் பேசிய அவர், 2026 தேர்தலில் அதிமுகவை மீண்டும் வெற்றி பெற செய்து எடப்பாடி பழனிசாமியை முதல்வராக்க வேண்டும் என்று கேட்டுக் கொண்டார். அதிமுக ஆட்சியின் சாதனைகளை மக்களிடம் எடுத்து சொல்ல வேண்டும் என்றும் அவர் பேசினார்.
Similar News
News November 19, 2024
வார்னிங் விடுத்த வானிலை மையம்
தென்மேற்கு வங்கக்கடலில் வரும் 23ஆம் தேதி புதிய காற்றழுத்த தாழ்வு பகுதி உருவாக வாய்ப்புள்ளதாக IMD கணித்துள்ளது. குமரி, நெல்லை, தூத்துக்குடி, சிவகங்கை, ராமநாதபுரம், புதுக்கோட்டை, நாகை, திருவாரூர், தஞ்சை, மயிலாடுதுறை ஆகிய 10 மாவட்டங்களில் இன்று கனமழை பெய்யக்கூடும் எனவும், நாகை மீனவர்கள் இன்று முதல் மறு அறிவிப்பு வரும் வரை கடலில் மீன்பிடிக்க செல்ல வேண்டாம் என்றும் எச்சரித்துள்ளது.
News November 19, 2024
பாலியல் புகாரில் சிக்கிய நடிகர் சித்திக்கிற்கு முன் ஜாமீன்!
பாலியல் புகாரில் சிக்கியுள்ள மலையாள நடிகர் சித்திக்கிற்கு உச்ச நீதிமன்றம் முன் ஜாமீன் வழங்கியுள்ளது. மலையாள திரையுலகில் நடிகைகள் பாலியல் தொல்லைக்கு ஆளாவது நீதிபதி ஹேமா அறிக்கை மூலம் வெளிச்சத்திற்கு வந்தது. அதன் பின்னர், பல நடிகைகள் தங்களுக்கு நேர்ந்த கொடுமையை வெளிச்சத்திற்கு கொண்டுவந்தனர். நடிகர் சித்திக்கிற்கு எதிராக பிரபல நடிகை ஒருவர் கொடுத்த புகாரை சிறப்பு போலீசார் விசாரித்து வருகின்றனர்.
News November 19, 2024
பரந்தூர் ஏர்போர்ட்டுக்கு எதிராக போராடிய பெண் தற்கொலை
பரந்தூர் விமான நிலையத் திட்டத்திற்கு எதிராக தொடர்ந்து போராடிவந்த ஏகனாபுரம் கிராம துணைத் தலைவி திவ்யா (35) தூக்கிட்டு தற்கொலை செய்துகொண்டார். இவருக்கு இரண்டு மகன்களும் ஒரு மகளும் உள்ளனர். இவர், ஏகனாபுரத்தில் 9 முறை விமான நிலையத்துக்கு எதிராக தீர்மானம் நிறைவேற்றியுள்ளார். திவ்யாவின் மரணத்திற்கான காரணம் என்னவென்று போலீசார் விசாரணை செய்து வருகின்றனர்.