News April 29, 2025
மத்தியஸ்தத்திற்கு வந்துள்ள இஸ்லாமிய நாடுகள்
இந்தியா-பாக். இடையே மத்தியஸ்தம் செய்வதற்கு இஸ்லாமிய நாடுகள் முன்வந்துள்ளன. பஹல்காம் தாக்குதலை அடுத்து, சிந்து நதிநீர் நிறுத்தம், பாகிஸ்தானியர்கள் வெளியேற்றம் என இந்தியா உக்கிரமாக உள்ளது. இந்நிலையில், சவுதி வெளியுறவுத்துறை அமைச்சர் ஃபைசல் பின் ஃபர்ஹான் அல், இந்தியா-பாக். வெளியுறவுத்துறை அமைச்சர்களிடம் பேசியுள்ளார். சமாதானப் பேச்சுவார்த்தையை ஒருங்கிணைக்க தயார் என ஈரானும் முன்வந்துள்ளது.
Similar News
News April 29, 2025
தமிழக அரசுக்கு ₹50 லட்சம் அபராதம்
தனியார் கல்லூரிகளில் ஆசிரியர் அல்லாத பணியிடங்களில் நியமிக்கப்பட்டவர்களுக்கு ஊதியம் வழங்க பிறப்பித்த உத்தரவை எதிர்த்து தமிழக அரசு ஐகோர்ட்டில் மேல்முறையீடு செய்தது. இவ்வழக்கில் 8 வாரங்களில் ஊதியம் வழங்க உத்தரவிட்ட நீதிபதிகள், ₹50 லட்சம் அபராதத்துடன் தமிழக அரசின் மனுவை தள்ளுபடி செய்தனர். மேலும், இந்த அபராதத் தொகையில் ₹25 லட்சத்தை கல்லூரி கல்வி இயக்குநரிடம் வசூலிக்கவும் உத்தரவிட்டனர்.
News April 29, 2025
பாக். பாதுகாப்பு அமைச்சரின் X பக்கம் முடக்கம்
பாக். பாதுகாப்பு அமைச்சர் குவாஜா ஆசிஃப்பின் X தளப் பக்கத்தை இந்திய அரசு முடக்கியுள்ளது. பஹல்காம் தாக்குதலை அடுத்து, எல்லையில் பதற்றம் நீடிக்கிறது. இதனிடையே, இந்திய ராணுவம் விரைவில் ஊடுருவும், நாங்களும் தயாராக உள்ளோம் என குவாஜா பேசியிருந்தார். ஏற்கனவே, இந்திய ராணுவத்துக்கு எதிராக வகுப்புவாதம் உள்பட தவறான தகவல்களைப் பரப்பியதாக 16 யூடியூப் சேனல்களை இந்தியா தடை செய்துள்ளது.
News April 29, 2025
BREAKING: இந்தியா த்ரில் வெற்றி
தென்னாப்ரிக்கா அணிக்கு எதிரான ODI-ல், இந்திய மகளிர் அணி 15 ரன்கள் வித்தியாசத்தில் த்ரில் வெற்றி பெற்றது. IND-SL-SA இடையிலான முத்தரப்பு ODI தொடர் இலங்கையில் நடந்துவருகிறது. முதல் ஆட்டத்தில் SL-ஐ வீழ்த்திய IND, இன்று நடந்த 2-வது ஆட்டத்தில் 50 ஓவர்களில் 276/6 ரன்கள் குவித்தது. பிரதிகா ராவல் 78 ரன்கள் குவித்தார். 277 ரன் இலக்கை விரட்டிய SA, 261 ரன்களில் ஆட்டமிழந்து தோல்வியை தழுவியது.