News September 4, 2025
இஸ்லாம் இந்தியாவில் நிலைத்திருக்கும்: RSS
இஸ்லாம் இந்தியாவிற்குள் வந்தது முதல், அது இங்கேயே இருக்கிறது, இங்கேயே இருக்கும் என RSS தலைவர் மோகன் பகவத் கூறியுள்ளார். RSS நூற்றாண்டு நாளையொட்டி நடந்த நிகழ்வில் பேசிய அவர், இஸ்லாம் இந்தியாவில் நிலைத்திருக்கும் என உறுதிபட தெரிவித்தார். பரஸ்பர நம்பிக்கை மட்டுமே மோதல்களை தீர்க்க முடியும் என்ற அவர், நாம் அனைவரும் ஒன்று என்பதை மக்கள் ஏற்றுக்கொள்ள வேண்டும் என்றும் வலியுறுத்தினார்.
Similar News
News September 4, 2025
தீபாவளி பரிசு கிடைத்துவிட்டது: தமிழிசை
GST வரியை குறைத்து மத்திய அரசு அறிவித்த நிலையில், மோடி சொன்னபடி தீபாவளி பரிசை கொடுத்துவிட்டதாக தமிழிசை தெரிவித்துள்ளார். மருத்துவத்துறையில் கொண்டுவரப்பட்ட வரி மாற்றம் நோயாளிகளுக்கு இருந்த பெரும் சுமையை குறைக்கும் என்றும் அவர் கூறியுள்ளார். மேலும், நாட்டு முன்னேற்றத்தின் வளர்ச்சிக்கு வித்திட்ட மோடிக்கு, எதிர்க்கட்சியினர் பாராட்டு கூட்டம் நடத்த வேண்டும் எனவும் வலியுறுத்தியுள்ளார்.
News September 4, 2025
EB இணைப்பு பெயர் மாற்றத்துக்கு புதிய நடைமுறை
விண்ணப்பதாரர்களிடம் இருந்து ஏராளமான ஆவணங்களை கேட்பதால், வீட்டு மின் இணைப்பு பெயர் மாற்றம் செய்ய தேவையற்ற காலதாமதம் ஏற்படுகிறது. இதனை கருத்தில் கொண்டு, இனி, முந்தைய உரிமையாளரின் ஒப்புதல் பெறும் படிவம் 2-ஐ நுகர்வோரிடம் இருந்து பெற தேவையில்லை என EB உத்தரவிட்டுள்ளது. அதேநேரம், விற்பனை, பங்கு பிரித்தல், பரிசளித்தல் போன்றவற்றில் விற்பனை பத்திரம், சொத்து வரி ரசீது, ஒப்புதல் கடிதம் சமர்ப்பிக்க வேண்டும்.
News September 4, 2025
கூட்டணி மாற்றம்.. கைகோர்க்க போகும் 4 தலைவர்கள்?
EPS-வுடன் செங்கோட்டையன் மோதலில் ஈடுபட்டு வரும் நிலையில், NDA கூட்டணியில் இருந்து OPS-ஐ தொடர்ந்து, டிடிவியும் விலகியுள்ளார். குறிப்பாக, நாளை காலை 9.15 மணிக்கு அதிமுக தொண்டர்களின் மனநிலை குறித்து மனம் திறந்து பேசும் செங்கோட்டையன், சசிகலா, OPS, டிடிவியை சந்திக்கவும் இருக்கிறாராம். அவரின் நாளைய பேச்சுக்கு பின், தமிழக அரசியலில் மிகப்பெரிய கூட்டணி மாற்றம் நிகழும் என அரசியல் விமர்சகர்கள் கூறுகின்றனர்.