News October 2, 2025
நாளை அரசு விடுமுறையா? இல்லையா?
ஆயுதபூஜை தொடர் விடுமுறையையொட்டி, நாளையும் விடுமுறை அளிக்கப்படுவதாக புதுச்சேரி அரசு அறிவித்துள்ளது. பண்டிகைக்காக, சொந்த ஊர் சென்றவர்கள் மகிழ்ச்சியாக விடுமுறையை கொண்டாடும் வகையில் இந்த விடுமுறை அறிவிக்கப்பட்டுள்ளது. தமிழ்நாட்டிலும் சொந்த ஊர்களுக்கு பலரும் சென்றுள்ளதால், நாளை விடுமுறை அளிக்க வேண்டும் என்று அரசு ஊழியர்கள் உள்பட பலதரப்பு மக்களும் கோரிக்கை விடுத்துள்ளனர். தமிழக அரசும் அறிவிக்குமா?
Similar News
News October 2, 2025
₹4 கோடி இழப்பீடு: youtube மீது ஐஸ்வர்யா ராய் வழக்கு
யூடியூப், கூகுள் நிறுவனங்கள் மீது, ₹4 கோடி இழப்பீடு கோரி அபிஷேக் – ஐஸ்வர்யா ராய் பச்சன் தம்பதி டெல்லி கோர்ட்டில் வழக்கு தொடர்ந்துள்ளனர். AI டீப் பேக் மூலம் தங்கள் முகங்கள் யூடியூபில் தவறாக பயன்படுத்தப்படுவதாகவும், தங்கள் முகங்களை வைத்து சட்டவிரோதமாக உருவாக்கப்பட்டுள்ள ஆபாச வீடியோக்களை உடனடியாக நீக்க வேண்டும் எனவும் மனுவில் அவர்கள் வலியுறுத்தியுள்ளனர்.
News October 2, 2025
இந்தியாவில் அதிவேக 50 விக்கெட்கள்.. பும்ரா சாதனை
டெஸ்ட் கிரிக்கெட்டில் இந்திய மண்ணில் அதிவேகமாக 50 விக்கெட்கள் வீழ்த்தி பும்ரா அசத்தியுள்ளார். வெ.இண்டீஸ் அணிக்கு எதிரான முதல் டெஸ்டில் இன்று ஜோஹன் லேனை கிளீன் போல்டு செய்த அவர், 24 இன்னிங்ஸில் 50 விக்கெட்கள் வீழ்த்தி EX-வீரர் ஜவகல் ஸ்ரீநாத்தின் சாதனையை சமன் செய்துள்ளார். மேலும், இந்திய மண்ணில் குறைவான பந்துகளில் (1747) 50 விக்கெட்கள் வீழ்த்தியவர் என்ற பெருமையும் அவரை சேர்ந்துள்ளது.
News October 2, 2025
பாஜகவின் பிடியில் விஜய் இல்லை: நயினார் நாகேந்திரன்
தவெக நிர்வாகிகள் கேட்ட இடத்தில் மாவட்ட நிர்வாகம் ஏன் அனுமதி வழங்கவில்லை என்பது உள்பட பல கேள்விகளை திமுக அரசை நோக்கி நயினார் நாகேந்திரன் எழுப்பியுள்ளார். பாஜகவின் பிடியில் விஜய் இருப்பதாக கூறப்படும் குற்றச்சாட்டுக்கு பதில் அளித்த அவர், பாஜகவை தன் கொள்கை எதிரி என விஜய் சொல்லும்போது, அவர் எப்படி தங்கள் பிடியில் இருப்பார் எனவும் கேள்வி எழுப்பியுள்ளார்.