News March 17, 2024
ஐபிஎல் டிக்கெட் விற்பனை நாளை துவக்கம்
ஐபிஎல் தொடரில் 17ஆவது சீசன் வரும் 22ஆம் தேதி தொடங்கவுள்ளது. சென்னை சேப்பாக்கம் மைதானத்தில் நடைபெறும் முதல் போட்டியில் நடப்பு சாம்பியனான சென்னை அணியும், பெங்களூரு அணியும் பலப்பரீட்சை நடத்தவுள்ளன. முதல் போட்டிக்கான டிக்கெட் விற்பனை நாளை (மார்ச் 18) ஆன்லைன் (Paytm insider)மூலம் மட்டும் நடைபெற உள்ளது. குறைந்தபட்சம் ரூ1,700 முதல் அதிகபட்சம் ரூ.7,500 வரை டிக்கெட் கட்டணம் நிர்ணயம் செய்யப்பட்டுள்ளது.
Similar News
News October 20, 2025
தோனியை ரோஹித், கோலி பின்பற்ற வேண்டும்: ஆரோன்
ஆஸி.,க்கு எதிரான ODI-ல் பெரிதும் எதிர்பார்க்கப்பட்ட ரோஹித் (8), கோலி (0) பெருத்த ஏமாற்றத்தையே அளித்தனர். தோனியை போல், இருவரும் உள்ளூர் போட்டிகளில் விளையாட வேண்டும் என்று முன்னாள் இந்திய வீரர் வருண் ஆரோன் அறிவுறுத்தியுள்ளார். டெஸ்ட்டில் இருந்து தோனி ஓய்வுபெற்ற பிறகு, சயீத் முஷ்டாக், விஜய் ஹசாரே கோப்பை போன்ற உள்ளூர் தொடர்களில் விளையாடியது போல், இருவரும் விளையாட வேண்டும் என கூறியுள்ளார்.
News October 20, 2025
நாளை மறந்தும் கூட இதை செய்து விடாதீர்கள்
தீபாவளியை முன்னிட்டு பட்டாசுகளை வெடிக்க கட்டுப்பாடுகள் விதிக்கப்பட்டுள்ளன. அதன்படி, நாளை காலை 6 – 7 மணி, இரவு 7 முதல் 8 மணி வரை மட்டுமே பட்டாசுகள் வெடிக்க வேண்டும். வாகனங்கள் நிறுத்தி வைத்திருக்கும் இடங்களில் வெடிக்கக்கூடாது. பட்டாசுகளை கொளுத்தி தூக்கி எறிந்து விளையாடக்கூடாது. குடிசைகளின் பக்கத்திலோ, ஓலைக் கூரைகள் உள்ள இடங்களிலோ பட்டாசு வெடிக்கக்கூடாது என அறிவுறுத்தப்பட்டுள்ளது.
News October 19, 2025
MLA தேர்தலில் போட்டியிடும் வயது குறைகிறது
தெலங்கானாவில் சட்டமன்ற தேர்தலில் போட்டியிடுவதற்கான வயது 25-ல் இருந்து 21 ஆக குறைக்கப்படும் என அம்மாநில CM ரேவந்த் ரெட்டி தெரிவித்துள்ளார். விரைவில் இதுதொடர்பாக சட்டமன்றத்தில் தீர்மானம் நிறைவேற்றப்படும் என்றும் அவர் கூறியுள்ளார். இந்திய அரசியலில் இளைஞர்கள் முக்கிய பங்கு வகிக்க வேண்டும் என்ற நோக்கில் இந்த தீர்மானத்தை நிறைவேற்றவுள்ளதாக அவர் பேசியுள்ளார்.