News November 24, 2024
ஐபிஎல் மெகா ஏலம் இன்று நடைபெறுகிறது!
சவுதி அரேபியாவின் ஜெட்டாவில் ஐபிஎல் மெகா ஏலம் இன்றும், நாளையும் நடைபெறுகிறது. இந்த ஏலம் இந்திய நேரப்படி மதியம் 3.30 மணிக்கு ஆரம்பமாகும் என அறிவிக்கப்பட்டுள்ளது. இந்த ஏல பட்டியலில் மொத்தம் 1,574 வீரர்கள் உள்ளனர். 10 அணிகளில் மொத்தம் 204 இடங்கள் நிரப்பப்படவுள்ளன. அவற்றில் 70 இடங்கள் வெளிநாட்டு வீரர்களுக்கானது. ஐபிஎல் 18ஆவது சீசன் வரும் மார்ச் மாத இறுதியில் தொடங்குகிறது.
Similar News
News September 4, 2025
பாஜகவில் நயினாரின் மகனுக்கு முக்கிய பொறுப்பு
தமிழக பாஜக விளையாட்டு மற்றும் திறன் மேம்பாட்டு பிரிவின் அமைப்பாளராக நயினார் நாகேந்திரனின் மகன் நயினார் பாலாஜி நியமிக்கப்பட்டுள்ளார். வழக்கறிஞர், மருத்துவம், கலை மற்றும் கலாச்சாரம், மீனவர் என 25 அணிகளுக்கு புதிய பொறுப்பாளர்கள் நியமிக்கப்பட்டுள்ளனர். திமுக, வாரிசு அரசியல் செய்வதாக பாஜக விமர்சித்து வரும் நிலையில், இந்த நியமனத்தால் நயினாரை திமுகவினர் சாடி வருகின்றனர். உங்கள் கருத்து என்ன?
News September 4, 2025
இனி வீடு கட்டும் செலவு குறையும்
ஜிஎஸ்டி வரி குறைப்பால் புதிதாக வீடு கட்டுவோர் பெரிதும் பயனடைவர் என வல்லுநர்கள் தெரிவிக்கின்றனர். சிமெண்ட், கிரானைட், மார்பிள், செங்கல் உள்ளிட்ட கட்டுமானப் பொருள்களின் மீதான ஜிஎஸ்டி வரி, 12% இருந்து 5% ஆகவும், 28% இருந்து 18% ஆகவும் குறைக்கப்பட்டுள்ளது. இதனால் ஒட்டுமொத்த கட்டுமான செலவில் 5% வரை குறையும். இதனால், மக்களின் வாங்கும் திறனும் அதிகரிக்கும்.
News September 4, 2025
சிறுநீரகத்தை வலிமையாக்க வேண்டுமா?
நம் உடலில் உள்ள கழிவுகள், நச்சுகளை அகற்றுவதில் சிறுநீரகங்களின் பங்கு மிகவும் முக்கியமானது. சிறுநீரகங்களின் திறனை அதிகரித்து, அவற்றை வலிமையாக்க நாம் உண்ணும் உணவுகளில் கவனம் செலுத்த வேண்டும். அன்னாசிப்பழம், குடைமிளகாய், ஸ்ட்ராபெர்ரி, காளான், முட்டைக்கோஸ், ஆப்பிள், சிவப்பு திராட்சை, முட்டை ஆகிய உணவுகள் இதற்கு உதவும். இவற்றை அன்றாட உணவில் சேர்த்துக் கொள்வது உங்கள் சிறுநீரகங்களை பாதுகாக்க உதவும்.