News April 10, 2025
வீட்டு கடன்கள் மீதான வட்டி 8%க்கும் கீழ் குறைய வாய்ப்பு
ரெப்போ வட்டி தொடர்ந்து குறைக்கப்படுவதன் எதிரொலியாக வீட்டுக் கடன் வட்டி விகிதம் 8% கீழ் குறைய வாய்ப்பு இருப்பதாக தகவல் வெளியாகியுள்ளது. பிப்ரவரி மாதம் முதல் ரெப்போ வட்டியை 2 முறை தலா 25 புள்ளிகள் ரிசர்வ் வங்கி குறைத்தது. இதனால் வங்கிகளும் கடன்களுக்கான வட்டியை குறைத்து வருகின்றன. எனினும், வங்கிகள் இன்னும் 8.15%க்கு மேல் வட்டி வசூலிக்கின்றன. அது வரும் நாள்களில் குறையக்கூடும் எனத் தெரிகிறது.
Similar News
News December 4, 2025
வா வாத்தியார் படத்தை வெளியிட தடை!
கார்த்தி நடித்துள்ள ‘வா வாத்தியார்’ படத்தை வரும் 5-ம் தேதி வரை வெளியிட இடைக்கால தடை விதிக்கப்பட்டுள்ளது. பட தயாரிப்பாளர் ஞானவேல் ராஜா வாங்கிய கடனை கட்டிய பிறகே படத்தை வெளியிட வேண்டும் என அர்ஜுன்லால் என்பவர் தொடர்ந்த வழக்கில், தடை விதிக்கப்பட்டுள்ளது. கார்த்தி, ராஜ்கிரண், கீர்த்தி ஷெட்டி ஆகியோர் நடித்துள்ள இப்படத்தை தை நலன் குமாரசாமி இயக்கியுள்ளார்.
News December 4, 2025
Thalaivar 173-ஆல் அப்செட் ஆனாரா லோகேஷ் கனகராஜ்?
‘Thalaivar 173’ படத்துக்கான உத்தேச இயக்குநர் பட்டியலில் தன் பெயர் இல்லை என்பது லோகேஷ் கனகராஜுக்கு தெரிந்துவிட்டது. இதையடுத்து, ரஜினிக்காக எழுதி வைத்திருந்த கதையைதான் கொஞ்சம் பட்டி, டிங்கரிங் செய்து அல்லு அர்ஜுனுக்கு ஏற்றதுபோல அவர் மாற்றியிருக்கிறாராம். இந்த நிலையில் கடந்த வாரம் மும்பையில் அல்லு அர்ஜுனை சந்தித்த லோகி, அவரிடம் கதையை சொல்லி ஒப்புதலும் வாங்கி இருப்பதாக கூறப்படுகிறது.
News December 4, 2025
சற்றுமுன்: விஜய் வழக்கில் அதிரடி உத்தரவு
தமிழகத்தில் SIR பணிகளில் ஈடுபட்டுள்ள அங்கன்வாடி ஊழியர்களுக்கு அதிக அழுத்தம் கொடுக்கப்படுவதாக கூறி SIR-க்கு எதிராக விஜய்யின் TVK தரப்பில் சுப்ரீம் கோர்ட்டில் வழக்கு தொடரப்பட்டது. இன்று இவ்வழக்கு விசாரணைக்கு வந்தபோது, BLO-க்கள் பற்றாக்குறை இருந்தாலோ அல்லது அவர்களுக்கு அதிக பணிச்சுமை ஏற்பட்டாலோ, மாநில அரசு கூடுதல் பணியாளர்களை வழங்கவும், அதற்கு ECI ஒத்துழைப்பு தரவும் SC உத்தரவிட்டுள்ளது.