News March 29, 2024
மலேசியாவை பந்தாடிய இந்திய மகளிர் அணி
ஆசிய கூடைப்பந்து தொடரின் பிரதான சுற்றுக்கு இந்திய மகளிர் அணி முன்னேறியுள்ளது. சிங்கப்பூரில் ஆசிய கூடைப்பந்து (3×3) தொடர் நடக்கிறது. அதன் தகுதிச்சுற்றின் இறுதிப்போட்டி நேற்று நடந்தது. அதில் ஸ்ரீகலா ராணி, அனிஷா, காவ்யா, புஷ்பா ஆகியோர் இடம்பெற்ற இந்திய அணி, மலேசியாவை எதிர்கொண்டது. இதில் இந்திய அணி 20-13 என்ற புள்ளிகள் கணக்கில் வென்று, ‘சி’ பிரிவில் முதலிடம் பிடித்து, பிரதான சுற்றுக்கு முன்னேறியது.
Similar News
News January 3, 2026
ஆலங்குப்பத்தில் சொத்து வரி செலுத்த சிறப்பு முகாம்
புதுச்சேரி உழவர்கரை நகராட்சி ஆணையர் சுரேஷ் ராஜ் வெளியிட்ட செய்தி குறிப்பில், உழவர்கரை நகராட்சியில் வீட்டுவரி, சொத்துவரி, குடிநீர் கட்டணம் செலுத்துவோரின் நலன்கருதி, நாளை ஞாயிற்றுக்கிழமை ஆலங்குப்பம் அரசு தொடக்கப் பள்ளியில், வரி வசூல் செய்யும் சிறப்பு முகாமை நடத்துகிறது. இந்த முகாம் 9-5 மணி வரை நடக்கிறது. இதில் ஆலங்குப்பம் பகுதியில் வசிக்கும் மக்கள் வரியை செலுத்தலாம் என தெரிவித்தார்.
News January 3, 2026
ஒரே நாளில் விலை ₹3,000 குறைந்தது.. இன்ப அதிர்ச்சி
காலையில் குறைந்த <<18753027>>தங்கம்<<>>, வெள்ளி விலைகளில் மாலையில் சிறிது மாற்றம் ஏற்றப்பட்டுள்ளது. காலையில் வெள்ளி விலை கிலோவுக்கு ₹4,000 குறைந்திருந்தது. ஆனால், மாலையில் ₹1,000 உயர்ந்துள்ளது. ஒட்டுமொத்தமாக இன்றைய தினம் வெள்ளி 1 கிலோ ₹3,000 குறைந்து, ₹2.57 லட்சத்திற்கு விற்பனை செய்யப்பட்டு வருகிறது. இந்த வாரம் மட்டும் வெள்ளி விலை ₹28,000 குறைந்திருப்பது குறிப்பிடத்தக்கது.
News January 3, 2026
தேர்தல் பணிகளை முடுக்கிவிட்ட அதிமுக
அதிமுக தேர்தல் அறிக்கை தயாரிப்பு குழுவின் சுற்றுப்பயணம் தொடர்பான விவரங்களை EPS வெளியிட்டுள்ளார். அதன்படி, வரும் 7-ம் தேதி வேலூர் மண்டலத்தில் தொடங்கும் பயணம் சேலம், விழுப்புரம், திருச்சி, தஞ்சை, மதுரை, நெல்லை என பயணித்து, 20-ம் தேதி சென்னை மண்டலத்தில் முடிவடைகிறது. அனைத்து தரப்பு பிரதிநிதிகளின் தேவைகளையும் அறிந்து தேர்தல் அறிக்கை குழுவிடம் வழங்க நிர்வாகிகளை EPS அறிவுறுத்தியுள்ளார்.