News June 26, 2024
இந்தியன் 2: ஷங்கர் சொன்ன தகவல்
‘இந்தியன் 2’ ஜூலை 12ல் வெளியாக உள்ள நிலையில், ‘இந்தியன் 3’ அடுத்த சில மாதங்களில் வெளியாகும் என எதிர்பார்க்கப்படுகிறது. இந்த நிலையில், இப்படத்தை 2 பாகங்களாக வெளியிட வேண்டிய அவசியத்தை இயக்குநர் ஷங்கர் கூறியுள்ளார். அனைத்து மாநிலங்களையும் உள்ளடக்கி கதை பின்னப்பட்டுள்ளதால், பெரிய படமாக உருவானதாகவும், எடிட்டிங்கில் குறைத்தால் ஆன்மா சிதைந்து விடும் என்பதால் இந்த முடிவு எடுக்கப்பட்டதாகவும் கூறியுள்ளார்.
Similar News
News December 7, 2025
சற்றுமுன்: விலை தாறுமாறாக குறைந்தது
கனமழை காரணமாக கடந்த வாரம் முதல் தொடர்ந்து காய்கறிகளின் விலை தொடர்ந்து உயர்ந்து வந்த நிலையில், இன்று ₹10 முதல் ₹20 வரை குறைந்துள்ளது. ₹70-க்கு விற்பனையான தக்காளி ₹40-க்கும், வெங்காயம் ₹20-க்கும், உருளைக்கிழக்கு ₹40-க்கும், குடைமிளகாய் ₹40-க்கும், பாகற்காய் ₹35-க்கும், கேரட் ₹50-க்கும், முள்ளங்கி ₹25-க்கும் விற்பனை செய்யப்படுகிறது. மற்ற காய்கறிகளின் விலையும் கணிசமாக குறைந்துள்ளன.
News December 7, 2025
விண்வெளியில் கூட வாழும் உயிரி தெரியுமா?
இயற்கை அதிசயங்களில் ஒன்றான மிகச்சிறிய உயிரியான டார்டிகிரேட் (நீர் கரடி), 8 காலுடன், 1 மி.மீ.-க்கும் குறைவானவை. கடும் குளிரில், வெப்பத்தில், அணுக்கதிர்வீச்சில், ஏன் விண்வெளியில் கூட உயிர் இவை உயிர்வாழும். நீர் இல்லாதபோது, உடல் செயல்பாட்டை நிறுத்தி, பல ஆண்டுகள் காத்திருந்து, நீர் கிடைக்கும்போது புத்துயிர் பெறும். 2007-ல் விண்ணுக்கு அனுப்பப்பட்ட இவை, 10 நாள்களுக்கு பின் பூமிக்கு வந்து உயிர்பெற்றது.
News December 7, 2025
2026 தேர்தலில் தொகுதி மாற அமைச்சர் சேகர் பாபு திட்டம்!
2026 தேர்தலில் அமைச்சர் சேகர் பாபு RK நகர் தொகுதிக்கு மாற உள்ளதாக தகவல் வெளியாகியுள்ளது. கடந்த 2021 தேர்தலில் துறைமுகம் தொகுதியில் களம் கண்ட சேகர் பாபு, பாஜகவின் வினோஜ் செல்வத்தை 27,000 வாக்குகள் வித்தியாசத்தில் வீழ்த்தினார். தற்போது கள நிலவரம் அவருக்கு சாதகமாக இல்லை என கூறப்படுவதால், RK நகருக்கு மூவ் ஆக உள்ளாராம். இதனால், துறைமுகம் தொகுதிக்கு சிற்றரசு உள்ளிட்டோர் போட்டி போடுவதாக கூறப்படுகிறது.