News March 31, 2025
பிரெசிலிடம் தோல்வியை தழுவிய இந்தியா!
சென்னை நேரு ஸ்டேடியத்தில் பிரெசில் அணிக்கும், இந்திய அணிக்கும் இடையேயான எக்ஸிபிஷன் கால்பந்து போட்டி இன்று நடைபெற்றது. இதில், பிரெசில் லெஜண்ட்ஸ் அணியில் 90களின் ஜாம்பவான்களான ரொனால்டினோ, ரிவால்டோ உள்ளிட்டோர் இடம்பெற்றிருந்தனர். இவர்களை பார்ப்பதற்காகவே நேரு ஸ்டேடியத்தில் கூட்டம் குவிந்தது. இந்தப் போட்டியில் 2-1 என்ற கோல் கணக்கில் இந்திய அணியை பிரெசில் தோற்கடித்து வெற்றி வாகை சூடியது.
Similar News
News April 1, 2025
பழம்பெரும் நடிகை காலமானார்
ஹாலிவுட்டின் பழம்பெரும் நடிகை சியான் பார்பரா ஆலன் (78), உடல்நலக் குறைவால் காலமானார். அல்சீமர் நோயால் பாதிக்கப்பட்டு இருந்த நிலையில், அவர் உயிரிழந்தார். The Waltons தொடர் மூலம் புகழ்பெற்ற இவர் நடித்த படங்களுள் Billy Two Hats, Love American Style, Scream, Pretty Peggy, The Lindbergh Kidnapping Case உள்ளிட்டவை குறிப்பிடத்தக்கவை. நடிப்புக்காக கோல்டன் குளோப் விருதுக்கும் இவர் பரிந்துரைக்கப்பட்டார்.
News April 1, 2025
HAPPY NEWS: மரணம் முடிவல்ல, மீண்டும் உயிர் பெறலாம்
இறந்தவர்களை மீண்டும் உயிர்ப்பிக்க முடியும் என்கிறார் அமெரிக்க விஞ்ஞானி சாம் பார்னியா. ஒருவர் மரணமடைந்த பின்னும் பல மணி நேரத்துக்கு, ஏன் சில நாள்களுக்கு கூட மூளை மீண்டும் உயிர்ப்பிக்கக் கூடிய நிலையில் இருக்கும். அதேபோல உடல் செல்களும் கூட சில நாள்கள் வரை அழிவதில்லை. அதனால், ECMO இயந்திரங்கள், சில குறிப்பிட்ட மருந்துகள் மூலம் மூளையை மீண்டும் உயிர் பெறச் செய்யலாம் என்கிறார் பார்னியா. இது வரமா? சாபமா?
News April 1, 2025
நட்சத்திர அந்தஸ்தை நழுவ விட்ட முன்னணி வீரர்
உலகின் முன்னணி டென்னிஸ் வீரராக இருக்கும் டேனில் மெத்வதேவ், 2023-ம் ஆண்டுக்கு பிறகு முதன்முறையாக ஏடிபி தரவரிசையில் முதல் 10 இடங்களுக்குள் இடம்பெறாமல் சறுக்கியுள்ளார். ரஷ்யாவைச் சேர்ந்த அவர், கடந்த ஆண்டு நடந்த எந்த டென்னிஸ் தொடரிலும் பட்டம் வெல்லவில்லை. இதனால், ஏடிபி தரவரிசையில் அவர் 11-வது இடத்திற்கு தள்ளப்பட்டுள்ளார். இந்த பட்டியலில் இத்தாலியின் ஜானிக் சின்னர் முதலிடம் பிடித்துள்ளார்.