News April 4, 2024
வேலையில்லா திண்டாட்டம் அதிகரிப்பு
நாட்டில் வேலையில்லா திண்டாட்டம் அதிகரித்துள்ளதாக ப.சிதம்பரம் குற்றம்சாட்டியுள்ளார். 10 ஆண்டுகளுக்கு முன்பு 35% ஆக இருந்த வேலைவாய்ப்பின்மை தற்போதைய பாஜக ஆட்சியில் 65% அதிகரித்துள்ளதாக குறிப்பிட்ட அவர், ஐஐடியில் உயர் தொழில்நுட்பக் கல்வி பயின்றவர்கள் கூட 30% பேர் வேலை இல்லாமல் தவிப்பதாக கூறினார். மேலும், தனிநபர் சராசரி வருவாயில் இந்தியா 120ஆவது இடத்தில் உள்ளதாகவும் அவர் வேதனை தெரிவித்தார்.
Similar News
News January 1, 2026
செங்கோட்டையனுக்கு அதிர்ச்சி.. தவெகவினர் எதிர்ப்பு
தவெகவில் பதவி கொடுக்கவில்லை என தூத்துக்குடி அஜிதா விஜய்யின் காரை மறித்து போராட்டத்தில் ஈடுபட்டதோடு, தற்கொலை முயற்சியும் செய்தார். இதனால் கட்சிக்குள் சலசலப்பு ஏற்பட்டது. இந்நிலையில், இன்று திருப்பூர் சென்ற செங்கோட்டையனின் காரை மறித்து தவெகவினர் தர்ணாவில் ஈடுபட்டனர். வெளியூரில் இருந்து வந்தவருக்கு இளைஞர் அணி பதவி கொடுத்ததாக குற்றம்சாட்டிய அவர்கள், KAS-ன் சமாதானத்தை ஏற்க மறுத்துவிட்டனர்.
News January 1, 2026
இனிமேல் மீன் சாப்பிட்டா முள் குத்தாது!
மீன் பிடிக்கும் என்றாலும், பலரும் அதை சாப்பிட யோசிப்பதற்கு காரணம் அதில் இருக்கும் முள்! அதிலும், சீனர்கள் சாப்பிடும் சில மீன் வகைகளில் சுமார் 80 முட்கள் இருக்குமாம். இதனால், முள் இல்லாத மீன்களை பண்ணைகளில் வளர்க்கும் முயற்சியில் 6 ஆண்டுகளாக போராடி வந்த சீன விஞ்ஞானிகள், தற்போது அதில் வெற்றி கண்டுள்ளனர். runx2b என்ற மீன்களின் ஜீன்களில் மாற்றங்களை ஏற்படுத்தி இதனை சாத்தியமாக்கியுள்ளனர்!
News January 1, 2026
அதிமுகவில் 10,175 விருப்ப மனுக்கள் தாக்கல்
சட்டசபை தேர்தலில் அதிமுக சார்பில் போட்டியிடுவதற்கான விருப்ப மனுக்கள், கடந்த டிச.15 முதல் டிச.23 வரையிலும், டிச.28 முதல் டிச.31 வரையிலும் பெறப்பட்டன. அதன்படி, தமிழ்நாடு, புதுச்சேரி, கேரளாவில் இருந்து மொத்தமாக 10,175 விருப்ப மனுக்கள் பெறப்பட்டுள்ளதாக அதிமுக தெரிவித்துள்ளது. இதில், EPS தங்கள் தொகுதியில் போட்டியிட விருப்பம் தெரிவித்து 2,187 விருப்ப மனுக்கள் பெறப்பட்டுள்ளதாகவும் அறிவிக்கப்பட்டுள்ளது.