News January 13, 2025
இன்று சிவபெருமானை வழிபட்டால்…
இன்று மிகவும் சிறப்பு வாய்ந்த நாள். போகி, பௌர்ணமி திதி, ஆருத்ரா நட்சத்திரம் ஆகிய மூன்றும் இன்று திங்கட்கிழமையில் வருவது மிகவும் அரிதான ஒன்று என்கிறார்கள். இந்த சிறப்பான நாளில் சிவனை வழிபட்டால், அதிக பலனை கொடுக்கும் என நம்பிக்கை உள்ளது. எள் எண்ணெய் கொண்டு விளக்கேற்றி வழிபடுவதும், வீட்டில் சிவலிங்கத்திற்கு பஞ்சாமிர்தங்களால் அபிஷேகம் செய்து வழிபட்டாலும், பணப் பிரச்சனைகள் விலகும் என்பது ஐதீகம்.
Similar News
News December 8, 2025
விரைவில் ஆண்களுக்கும் விடியல் பயணம்?
தமிழகத்தில் சட்டசபை தேர்தல் நெருங்கும் நிலையில், மக்களை கவர அரசு பல திட்டங்களை பரிசீலித்து வருகிறது. அந்த வகையில், மகளிர் விடியல் பயணத்தை போல, ஆண்களுக்கும் இலவச பஸ் பயண திட்டத்தை அறிவிக்க அரசு திட்டமிட்டுள்ளதாக தகவல் வெளியாகியுள்ளது. அதன்படி, 60 வயதுக்கு மேற்பட்ட ஆண்களுக்கான விடியல் பயண திட்டம் குறித்த அறிவிப்பு, அடுத்த ஓரிரு மாதங்களில் வெளியாகும் என எதிர்பார்க்கப்படுகிறது.
News December 8, 2025
நாடாளுமன்றத்தில் இன்று சிறப்பு விவாதம்
தேசிய பாடலான வந்தேமாதரம் இயற்றப்பட்டு 150 ஆண்டுகள் நிறைவடைந்ததை முன்னிட்டு, இன்று நாடாளுமன்றத்தில் சிறப்பு விவாதம் நடைபெற உள்ளது. லோக்சபாவில் மதியம் 12 மணிக்கு விவாதத்தை தொடங்கி வைத்து PM மோடி உரையாற்ற உள்ளார். ராஜ்யசபாவில் அமித்ஷா விவாதத்தை தொடங்கி வைக்க உள்ளார். சுதந்திரப் போராட்டத்திற்கு உத்வேகம் அளித்த ‘வந்தே மாதரம்’ பாடலின் வரலாறு, கலாச்சார முக்கியத்துவம் குறித்து MP-க்கள் பேச உள்ளனர்.
News December 8, 2025
100 மொழிகளில் திருக்குறள் மொழி பெயர்ப்பு
2026 ஆகஸ்ட் மாதத்திற்குள் 100 மொழிகளில் திருக்குறளை கொண்டு செல்லும் திட்டம் செயல்படுத்தப்பட்டு வருவதாக, மத்திய செம்மொழி தமிழ் நிறுவனத்தின் தலைவர் சந்திரசேகரன் தெரிவித்துள்ளார். இதுவரை 25 இந்திய மொழிகளிலும், 9 உலக மொழிகளிலும் மொழிபெயர்க்கப்பட்டுள்ளது. வரவிருக்கும் நாள்களில் ஜெர்மன், பிரெஞ்சு, ஸ்பானிஷ் உள்ளிட்ட முக்கிய வெளிநாட்டு மொழிகளில் மொழி பெயர்க்கப்பட உள்ளதாகவும் தெரிவித்துள்ளார்.