News October 13, 2025
அமெரிக்கா இதை செய்தால் அணு ஆயுத போர்தான்: ரஷ்யா
Tomahawks ஏவுகணைகளை உக்ரைனுக்கு அமெரிக்கா வழங்கினால், அது போரை அடுத்த கட்டத்திற்கு கொண்டு செல்லும் என ரஷ்யா எச்சரித்துள்ளது. அணு ஆயுத போருக்கு வழிவகுக்கும் என்றும் தெரிவித்துள்ளார். முன்னதாக, இந்த ஏவுகணைகளை வழங்குவது அமெரிக்கா போரில் நேரடியாக ஈடுபடுவதாகவே கருதப்படும் என ரஷ்ய அதிபர் புடினும் தெரிவித்து இருந்தார். 2,500 கிமீ செல்லும் இந்த ஏவுகணைகளால் ரஷ்யாவின் ஆற்றல் மையங்களை தகர்க்க முடியும்.
Similar News
News October 13, 2025
சபரிமலை தங்கம் மாயம்: கூட்டு கொள்ளை அடித்தது அம்பலம்
சபரிமலையில் தங்கம் மாயமான விவகாரத்தில், தேவஸ்தான அதிகாரிகள் கூட்டு கொள்ளையில் ஈடுபட்டது அம்பலமாகியுள்ளது. தங்க தகடுகளை புதுப்பிக்க இடைத்தரகராக செயல்பட்ட உன்னி கிருஷ்ணன் போற்றி மற்றும் தேவஸ்தான அதிகாரிகள் 9 பேர் உள்ளிட்ட 10 பேர் மீது கேரள குற்றப்பிரிவு போலீசார் வழக்குப்பதிவு செய்துள்ளனர். சபரிமலை துவார பாலகர் சிலைகளின் கவசங்களில் 986 கிராம் தங்கம் குறைந்த விவகாரம் பெரும் அதிர்வலையை ஏற்படுத்தியது.
News October 13, 2025
பாக். – ஆப்கன் மோதல்: ஒன்று சேர்ந்த இஸ்லாமிய நாடுகள்
பாகிஸ்தான் – ஆப்கானிஸ்தான் இடையேயான உறவை மேம்படுத்த இஸ்லாமிய நாடுகள் முன் வந்துள்ளன. இந்த விவகாரத்தை பேசி தீர்க்க வேண்டும் என சவுதி, ஈரான், கத்தார் ஆகிய நாடுகள் தெரிவித்துள்ளன. அதேபோல், இருநாடுகளுக்கு இடையே மத்தியஸ்தம் செய்ய முன் வருவதாக ஈரான் தெரிவித்துள்ளது. ஆப்கானிஸ்தானில் தீவிரவாதிகள் முகாம்கள் இருந்ததாக கூறி பாகிஸ்தான் தாக்குதல் நடத்தியதால், இருநாடுகளுக்கு இடையே சண்டை மூண்டது.
News October 13, 2025
அக்டோபர் 13: வரலாற்றில் இன்று
*பன்னாட்டு இயற்கை பேரிடர் குறைப்பு நாள். *1792 – வெள்ளை மாளிகைக்கான அடிக்கல் நாட்டப்பட்டது. *1884 – சர்வதேச நேரம் கணிக்கும் இடமாக லண்டனில் உள்ள கிரீன்விச் தெரிவு செய்யப்பட்டது. *1923 – துருக்கியின் தலைநகர் இஸ்தான்புல் இலிருந்து அங்காராவுக்கு மாற்றப்பட்டது. *1956- தமிழ்நாடு என பெயர் வைக்க போராடி உயிர்நீத்த சங்கரலிங்கனார் இறந்த நாள். *1990 – தென்னிந்தியத் திரைப்பட நடிகை பூஜா ஹெக்டே பிறந்தநாள்.