News October 16, 2025
ஐசிசி விருது: தட்டி தூக்கிய அபிஷேக், ஸ்மிருதி மந்தனா
ஐசிசி செப்டம்பர் மாதத்திற்கான சிறந்த வீரர் விருதை இந்தியாவின் அபிஷேக் சர்மா தட்டிச் சென்றுள்ளார். ஆசிய கோப்பை தொடரில் அபிஷேக் சர்மா 314 ரன்கள் குவித்து ஐசிசி டி-20 தரவரிசையில் முதல் இடத்திற்கு முன்னேறிய நிலையில், அவருக்கு இந்த விருது கிடைத்துள்ளது. அதே போல, ஆஸ்திரேலியாவுக்கு எதிரான ODI தொடரில் 2 சதங்கள் விளாசிய ஸ்மிருதி மந்தனா செப்டம்பர் மாதத்திற்கான சிறந்த வீராங்கனை விருதை பெற்றுள்ளார்.
Similar News
News October 17, 2025
‘டெஸ்ட் 20’: கிரிக்கெட்டில் புது ஃபார்மெட் உதயமானது!
டெஸ்ட் + டி20-ஐ இணைத்து ‘டெஸ்ட் 20’ என்ற ஒரு புதிய ஃபார்மெட் உதயமாகியுள்ளது. இதில், இரு அணிகளும் தலா 20 ஓவர்களுக்கு 2 இன்னிங்ஸ் விளையாடுவர். டெஸ்ட் போலவே 2 முறை பேட்டிங், பவுலிங் செய்வர். 2026 ஜனவரியில் ‘ஜூனியர் டெஸ்ட் 20 சாம்பியன்ஷிப்’ சீசன் தொடங்க உள்ளதாக இந்த ஃபார்மெட்டை உருவாக்கிய கவுரவ் பஹிர்வானி தெரிவித்துள்ளார். ஏபி டிவில்லியர்ஸ், க்ளைவ் லியாட், ஹெய்டன், ஹர்பஜன் இதன் ஆலோசகர்களாக உள்ளனர்.
News October 17, 2025
‘Bahubali: The Epic’ படத்தின் முன்பதிவு வசூல் இவ்வளவா?
‘பாகுபலி’ படங்களின் 2 பாகங்களையும் சேர்த்து உருவாக்கப்பட்டுள்ள ‘Bahubali: The Epic’ படத்திற்கு U/A சான்றிதழ் வழங்கப்பட்டுள்ளது. 3 மணி நேரம் 44 நிமிடங்கள் ஓடும் இப்படத்திற்கான முன்பதிவு அமெரிக்காவில் தொடங்கி நடந்து வருகிறது. இதுவரை $60,000 (இந்திய மதிப்பில் ₹52.78 லட்சம்) வரை முன்பதிவில் வசூல் செய்துள்ளதாக தெரிவிக்கப்பட்டுள்ளது. வரும் 31-ம் தேதி இப்படம் உலகம் முழுவதும் ரிலீசாக உள்ளது.
News October 17, 2025
அரசு ஊழியர்களின் ஓய்வு பெறும் வயது நீட்டிப்பு? Clarity
மத்திய அரசு ஊழியர்களின் ஓய்வு பெறும் வயதை 65-ஆக நீட்டிக்க உள்ளதாக சமீபத்தில் தகவல் வெளியானது. ஆனால், இந்த தகவல் உண்மையில்லை என PIB Fact Check தெரிவித்துள்ளது. முன்னதாக, ஓய்வு பெறும் வயதை நீட்டிப்பது குறித்த எந்த பரிசீலனையும் அரசிடம் இல்லை என மத்திய அமைச்சர் ஜிதேந்திர சிங் விளக்கம் அளித்து இருந்தார். தற்போதை நிலவரப்படி, மத்திய அரசு ஊழியர்களின் ஓய்வு பெறும் வயது 60-ஆக உள்ளது.