News March 9, 2025
திமுக அரசை அகற்றும் வரை செருப்பு அணிய மாட்டேன்
திமுக அரசை அகற்றும் வரை கால்களில் செருப்பு அணிய மாட்டேன் என அண்ணாமலை மீண்டும் உறுதிபடத் தெரிவித்துள்ளார். ஆங்கில பத்திரிகை ஒன்றிற்கு பேட்டி அளித்தபோது, ஏற்கெனவே செருப்பு அணிய மாட்டேன் என எடுத்த சபதம் குறித்து கேள்வி கேட்கப்பட்டது. அதற்கு அண்ணாமலை, 2026 தேர்தலில் திமுகவை ஆட்சியிலிருந்து அகற்றும் வரை கால்களில் செருப்பு அணிய மாட்டேன், அப்படி அணிந்தால் கேள்வி கேளுங்கள் என பதிலளித்தார்.
Similar News
News July 11, 2025
NDA கூட்டணியில் உள்ளோம்: ஜான் பாண்டியன்
அதிமுக, பாஜக உள்ளடக்கிய தேசிய ஜனநாயக கூட்டணியில் தற்போது இருக்கிறோம் என தமமுக தலைவர் ஜான் பாண்டியன் அறிவித்துள்ளார். அதேநேரத்தில், கூட்டணியில் தொடர்வது குறித்து தேர்தல் நேரத்தில்தான் தெரிவிக்க முடியும் என்றும் அவர் குறிப்பிட்டுள்ளார். தவெக கூட்டணிக்கு தங்களை அழைக்கவில்லை என்றும் அழைத்தால் அதுகுறித்து பரிசீலித்து முடிவெடுப்போம் எனவும் ஜான் பாண்டியன் குறிப்பிட்டுள்ளார்.
News July 11, 2025
2027 ஆகஸ்டில் ஓய்வு.. ஜெகதீப் தன்கர் அறிவிப்பு
2027 ஆகஸ்டில் ஓய்வு பெற இருப்பதாக துணை ஜனாதிபதி ஜெகதீப் தன்கர் அறிவித்துள்ளார். தில்லி ஜவஹர்லால் நேரு பல்கலை நிகழ்ச்சியில் பேசியபோது இதனை அவர் தெரிவித்தார். முன்னதாக, துணை ஜனாதிபதியாகும் முன்பு மே.வங்க ஆளுநராக தன்கர் பதவி வகித்தார். பின்னர் துணை ஜனாதிபதி வேட்பாளராக பாஜக கூட்டணியால் முன் நிறுத்தப்பட்டு வெற்றி பெற்றார். அவரின் பதவிக்காலம் 2027 ஆகஸ்ட் மாதத்துடன் நிறைவு பெறுகிறது.
News July 11, 2025
SK கொடுத்த ஷாக்!
‘குட் நைட்’ படத்தை இயக்கிய விக்னேஷ் சந்திரசேகரன் அடுத்து SK படத்தை இயக்குவார் என அறிவிக்கப்பட்டது. படத்தின் முதற்கட்ட வேலைகள் தொடங்கப்பட்டு பரபரப்பாக நடந்து கொண்டிருந்த நிலையில், அதற்கு SK பிரேக் போட்டுள்ளாராம். ‘விக்ரம் வேதா’ இயக்குநர்கள் புஷ்கர் – காயத்ரி அவருக்கு கதை சொல்ல, அதில் பயங்கர இம்ப்ரஸான SK, அந்த படத்தை முதலில் தொடங்கலாமா என்ற யோசனையில் இருக்கிறாராம்.