News September 12, 2025
ரோஹித்தை பார்த்து கிரிக்கெட் கற்றேன்: ஜித்தேஷ் நெகிழ்ச்சி
உள்ளூர் மற்றும் IPL போட்டிகளில் விக்கெட் கீப்பிங் பேட்ஸ்மேனாக அசத்திய ஜித்தேஷ் சர்மாவுக்கு இந்திய அணியில் வாய்ப்பு கிடைத்தது. இந்நிலையில், தனது முதல் பயிற்சியாளர் யூடியூப் என்றும், அதை பார்த்துதான் கிரிக்கெட் விளையாட தொடங்கினேன் எனவும் ஜித்தேஷ் தெரிவித்தார். சிறுவயதில் ரோஹித்தின் வீடியோக்களை அதிகம் பார்ப்பேன் என கூறிய ஜித்தேஷ், ஆட்ட நுணுக்கங்களை அவரிடம் இருந்து தெரிந்துகொண்டதாகவும் கூறினார்.
Similar News
News September 12, 2025
நேபாளில் சிக்கிய இந்தியர்கள் என்ன ஆனார்கள்?
நேபாளில் சிக்கி தவித்த 140 இந்தியர்கள் சிறப்பு விமானம் மூலம் தாயகம் அழைத்து வரப்பட்டுள்ளனர். மேலும், பல இந்தியர்கள் எல்லை வழியாக நாட்டிற்குள் வந்துள்ளனர். அதேபோல், அந்நாட்டில் சிக்கித் தவித்த இந்திய வாலிபால் அணி, இந்திய தூதரகத்தால் மீட்கப்பட்டுள்ளது. மேலும், இந்தியர்கள் யாரேனும் சிக்கியிருந்தால், அவர்களையும் பத்திரமாக மீட்டுக் கொண்டுவர அனைத்து நடவடிக்கைகளையும் மத்திய அரசு எடுத்து வருகிறது.
News September 12, 2025
கேபிள் நிறுவனத்தில் ₹300 கோடி ஊழல்: EPS
திமுக ஆட்சியில் விண்ணை முட்டும் அளவுக்கு அத்தியாவசிய பொருள்களின் விலை உயர்ந்துள்ளதாக EPS குற்றம்சாட்டியுள்ளார். தமிழகத்தில் போதைப் பொருள் புழக்கம் அதிகரித்துள்ளதாகவும், போதைப்பொருள் நடமாட்டத்தை தடுக்க எந்த நடவடிக்கையும் திமுக எடுக்கவில்லை என்றும் விமர்சித்துள்ளார். மேலும், அரசு கேபிள் நிறுவனத்தில் சுமார் ₹300 கோடி அளவுக்கு திமுக அரசு ஊழல் செய்துள்ளதாகவும் அவர் சாடியுள்ளார்.
News September 12, 2025
இந்தியாவிற்கு விளையாட வரும் ரொனால்டோ?
ஃபுட் பால் லெஜண்ட் கிறிஸ்டியானோ ரொனால்டோ, வரும் அக்டோபரில் இந்தியாவிற்கு வருகை தர வாய்ப்புள்ளது. ஆசிய கால்பந்து சாம்பியன்ஷிப் தொடரில், கோவா அணிக்கு எதிரான லீக் ஆட்டத்தில், அல் நசர் அணிக்காக அவர் விளையாடலாம் என கூறப்படுகிறது. வரும் அக்டோபர் 22-ம் தேதி இந்த போட்டி நடைபெற உள்ளது. இருப்பினும், இப்போட்டியில் பங்கேற்பது என்பது ரொனோல்டோவின் தனிப்பட்ட விருப்பத்தை சார்ந்தது.