News March 21, 2025
IPL தொடர் எத்தனை நாட்கள் நடைபெறுகிறது?
IPL 2025 போட்டிகள் நாளை (மார்ச் 22) தொடங்கி மே 25 வரை நடைபெறவுள்ளது. கொல்கத்தா ஈடன் கார்டன் மைதானத்தில் தொடங்கி, அதே மைதானத்தில் போட்டிகள் முடியும் வகையில் அட்டவணை தயாரிக்கப்பட்டுள்ளது. மொத்தம் 70 லீக் போட்டிகள், 2 குவாலிஃபையர் போட்டிகள், ஒரு எலிமினேட்டர் போட்டி, ஒரு இறுதிப் போட்டி நடைபெறவுள்ளது. இப்போட்டிகள் இரவு நேரம் எனில் 7.30 மணிக்கும், பகல் நேரமெனில் 3.30 மணிக்கும் தொடங்கும்.
Similar News
News March 22, 2025
சென்னையில் பள்ளிகளுக்கு இன்று விடுமுறை இல்லை
சென்னையில் உள்ள அனைத்துப் பள்ளிகளும் செயல்படும் என்று பள்ளிக்கல்வித்துறை அறிவித்துள்ளது. வழக்கமாக சனிக்கிழமை பள்ளிகளுக்கு விடுமுறை அளிக்கப்படும் நிலையில், விடுமுறை அட்டவணையில் திருத்தம் செய்யப்பட்டுள்ளது. இதனால், சென்னையிலுள்ள அரசு, அரசு உதவிபெறும் பள்ளிகள், ஆதிதிராவிடர், தனியார் என அனைத்துப் பள்ளிகளும் (மார்ச் 22ஆம் தேதி வெள்ளிக்கிழமை அட்டவணை) அடிப்படையில் இயங்கும் என்றும் அறிவிக்கப்பட்டுள்ளது.
News March 22, 2025
தமிழக அரசை கண்டித்து கர்நாடகாவில் பந்த்
கர்நாடகாவில் பிறமொழிப் படங்களுக்கு தடை விதிக்க வேண்டும், மேகதாது அணை கட்ட விடாமல் தடுக்கும் தமிழக அரசுக்கு கண்டனம், சாம்பாஜி சிலையை அகற்ற வேண்டும் என பல்வேறு கோரிக்கைகளை வலியுறுத்தி இன்று பந்த் அறிவிக்கப்பட்டுள்ளது. இதனால், கர்நாடகா – தமிழக எல்லையில் பதற்றமான சூழல் உருவாகியுள்ளது. தமிழக எல்லையான ஓசூர் வழியாக பெங்களூருவுக்கு பஸ்கள் இயக்கப்படுவது நிறுத்தப்படலாம் என கூறப்படுகிறது.
News March 22, 2025
வங்கி ஸ்டிரைக் ஒத்திவைப்பு
வரும் 24, 25ஆம் தேதிகளில் நடைபெறவிருந்த வங்கி ஊழியர்களின் வேலைநிறுத்தப் போராட்டம் தள்ளிவைக்கப்பட்டுள்ளது. வாரத்தில் 5 நாட்கள் வேலை உள்ளிட்ட பல்வேறு கோரிக்கைகளை வலியுறுத்தி வேலைநிறுத்தப் போராட்டம் அறிவிக்கப்பட்டிருந்தது. நேற்று நடந்த பேச்சுவார்த்தையில் முன்னேற்றம் ஏற்பட்டதை அடுத்து, வேலைநிறுத்தம் தற்காலிகமாக தள்ளி வைக்கப்பட்டது. இதனால், திங்கள்கிழமை வழக்கம்போல் வங்கிகள் செயல்படும்.